Agrupación Cultural O Facho

Agrupación Cultural O Facho
Instancia de asociación cultural
Datas  Fundación / creación 1963
Localización  Situado en A Coruña, provincia da Coruña, Galicia, España
Fontes e ligazóns  Páxina WEB agal-gz.org…
Wikidata

A Agrupación Cultural O Facho é unha asociación cultural creada na Coruña o 23 de decembro de 1963.

Traxectoria

Xurdiu como un colectivo cultural que agrupaba aos defensores da lingua galega o que permitiu un primeiro desenvolvemento político organizado contra a ditadura. Entre os seus promotores estaban Henrique Harguindey, Andrés Salgueiro, Xosé Alberte Corral Iglesias e Xosé Luís Rodríguez Pardo.

A Agrupación organizou cursos de lingua galega, creou un grupo de teatro do que foi responsábel Manuel Lourenzo, organizou o primeiro certame de banda deseñada de Galicia e realizou en 1975 unha mostra de banda deseñada que recollía os traballos do "Grupo do Castro". Estableceu un premio para a literatura infantil e xuvenil, galardón que recaeu na primeira edición de 1968 no libro de Carlos Casares A galiña azul. Tamén organizou excursións para coñecer a cultura do país, a celebración do Día das Letras ou dun programa de radio en galego en 1973.

En xaneiro de 2012, a asociación doou á Real Academia Galega a súa biblioteca, cadros, carteis e o seu arquivo documental.

Véxase tamén

Bibliografía

• Gurriarán, Ricardo, coordinador e comisario (2012). Exposición Un canto e unha luz na noite. Asociacionismo cultural en Galicia (1961-1975) CCG.

Outros artigos

• Concurso nacional de contos infantís O Facho

Ligazóns externas

• Blog do Facho