1000 12/16

Xunta de Galicia

Na Galipedia, a Wikipedia en galego.
Saltar ata a navegación Saltar á procura

Xunta de Galicia
Logotipo de la Xunta de Galicia.svg
Ayuntamiento de Santiago de Compostela edited.jpg
Sede da Presidencia da Xunta de Galicia, no pazo de Raxoi, compartida co Concello de Santiago de Compostela.
TipoGoberno galego
Campo de traballoproteção ambiental
Área de operaciónGalicia
Data de fundación1981
Presidente/aAlfonso Rueda
Localización
SedeSantiago de Compostela
EnderezoPraza do Obradoiro, 15705
EnSantiago de Compostela
PaísGalicia
Na rede
http://www.xunta.gal
Facebook: xuntadegalicia Twitter: xuntadegalicia Youtube: UCD9wQPT5jGybrYPmD8sGuWw Editar o valor em Wikidata
editar datos en Wikidata ]

A Xunta de Galicia aparece definida no Estatuto de Autonomía de Galicia como o órgano colexiado de goberno de Galicia. Está composta pola presidencia, a ou as vicepresidencias e mais as conselleiras e os conselleiros. As vicepresidencias e as conselleiras e conselleiros noméanse dende a presidencia. Esta ten a sede no Pazo de Raxoi en Compostela.

Atribucións e funcionamento[editar | editar a fonte]

A Xunta regula os seus propios tributos, elabora as normas para xestionar os impostos estatais e elabora e aplica o orzamento de Galicia. Tamén ten competencias exclusivas, entre as que se atopan as referidas á organización das súas institucións de autogoberno e das comarcas e parroquias rurais como entidades propias de Galicia; ordenación do territorio e do litoral, urbanismo e vivenda; actuacións en relación ás institucións do Dereito Civil galego; normas procesuais e procedementos administrativos que se deriven do específico Dereito galego ou da organización dos poderes públicos; obras públicas; vías férreas, estradas e transporte; portos, aeroportos e heliportos; aproveitamentos forestais, hidráulicos e relativos á enerxía eléctrica; augas minerais e termais; pesca nas rías e augas interiores; feiras e mercados; artesanía, patrimonio artístico, bibliotecas, museos, conservatorios de música e servizos de Belas Artes; fomento da cultura e da investigación; promoción e ensino da lingua galega, do turismo e do deporte; asistencia social; creación dunha Policía Autónoma; réxime das fundacións; casinos, xogos e apostas; centros de contratación de mercancías e valores; confrarías de pescadores e distintas cámaras e normas adicionais sobre a xestión e conservación protección dos ecosistemas.

Historia[editar | editar a fonte]

A Xunta de Galicia ten a súa orixe na Xunta do Reino de Galicia creada en 1528 e que perviviría, con algunhas interrupcións, ata 1833.

Durante a Guerra da Independencia española, en 1808, crease a Xunta Suprema do Reino de Galicia para dirixir a loita contra Francia e manter a orde pública. A Xunta Suprema asumiu funcións militares, lexislativas e de relacións internacionais até a creación da Xunta Central Española.

En 1843 constituíuse unha Xunta Central de Galicia, presidida por Xosé María Suances e oposta á rexencia de Baldomero Espartero.

En 1846 produciuse o levantamento do comandante Miguel Solís en Lugo, que disolve o Consello Provincial e a Deputación organizando a Xunta Superior do Goberno de Galicia, presidida por Pío Rodríguez Terrazo e que remataría co fusilamento dos Mártires de Carral.

Finalmente, o Real Decreto-Lei 7/1978 e o Real Decreto 474/1978 aprobados o 16 de marzo de 1978 designan a Xunta de Galicia como goberno galego [1].

Alberto Núñez Feijóo.
Logotipo da Xunta de Galicia entre 2003 e 2021.

Presidencia da Xunta de Galicia[editar | editar a fonte]

Artigo principal: Presidencia da Xunta.

Consellarías[editar | editar a fonte]

Categoría principal: Gobernos de Galicia
Conselleiros da Xunta de Galicia en setembro de 2018, antes das reestruturacións de Feijóo do 2020 e do novo goberno Alfonso Rueda do 2022.

En marzo de 2022, e tras gañalas eleccións ao Parlamento de Galicia de 2020 con maioría absoluta por cuarta vez consecutiva, Alberto Núñez Feijóo anunciou a súa dimisión como presidente da Xunta de Galicia para asumilo liderado do Partido Popular, malia ter máis de dous anos de lexislatura por diante, algo inédito en Galiza. Nesta situación Alfonso Rueda Valenzuela, o que fora dende as eleccións ao Parlamento de Galicia de 2009 vicepresidente de Feijóo, fíxose cargo da presidencia da Xunta no que queda de lexislatura.

O novo goberno Rueda mantén unha estrutura e liña continuísta cos gobernos de Feijóo, incluíndo tamén as dúas vicepresidencias engadidas na composición do seu noveno goberno no ano 2020.

Esta é a composición actual da Xunta e os seus titulares:[2]

As competencias de Turismo recaen no propio Alfonso Rueda, é dicir na propia Presidencia da Xunta, herdando dita consellería do derradeiro goberno de Núñez Feijóo.

Edificios Administrativos en San Caetano.[3].

Situación[editar | editar a fonte]

Delegación da Xunta de Galicia en Vigo.
Delegación da Xunta en Pontevedra.
  • Edificios Administrativos San Caetano
    San Caetano, s/n
    15704 - Santiago de Compostela
  • Pazo de Raxoi
    Praza do Obradoiro.
    15705 - Santiago de Compostela
  • Sede da Xunta de Galicia na Coruña
    Avda. Salvador de Madariaga, 9
    154781 - A Coruña
  • Sede da Xunta de Galicia en Lugo
    Ronda da Muralla, 70
    27071 - Lugo
  • Sede da Xunta de Galicia en Ourense
    Avda. da Habana, 79
    32004 - Ourense
  • Sede da Xunta de Galicia en Pontevedra
    Rúa Fernández Ladreda s/n. - Pontevedra
  • Sede da Xunta de Galicia en Vigo
    Rúa Concepción Arenal, 8
    36201 - Vigo

Notas[editar | editar a fonte]

  1. Real Decreto-lei 7/1978, polo que se aproba o réxime preautonómico para Galicia (BOE nº 66, de 18.03.1978) [1] Arquivado 01 de febreiro de 2012 en Wayback Machine. e Real Decreto 474/1978, polo que se desenvolve o Real Decreto-lei 7/1978 (BOE nº 66, de 18.03.1978) [2] Arquivado 01 de febreiro de 2012 en Wayback Machine..
  2. [3]
  3. As obras na Xunta (agora) non fan ruído, Praza Pública, 24 de marzo de 2019.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]