Foi o primeiro diario en lingua galega, apareceu o 6 de xaneiro de 1994 coa cabeceira O Correo Galego e cunha tiraxe inicial de 10000 exemplares[1].
"Editorial Compostela saca hoxe á rúa o primeiro número de O Correo Galego, unhaambiciosa iniciativa que dá cima ó proxecto de edición do primeiro xornal en galego na historia de Galicia. O Correo nace con vocación de proxecto de calidade e, cunha equipa de vinte profesionais, quere ser nas súas 32 páxinas o espello da Galicia real sen renunciar a se convertir na panca que dea pulo á integración harmoniosa do noso país na Europa do século XXI"
Portada do número 1 d'O Correo Galego, 6.01.1994
En maio de 2003 cambiou para o seu nome definitivo. O derradeiro número en papel saíu o 28 de xuño de 2011. As razóns do peche da edición en papel hai que buscalas, segundo o propio medio, no recorte de axudas económicas que habitualmente recibía da Xunta de Galicia[2]. Durante uns anos mantivo a súa cabeceira como diario dixital.
.gif)