Ángel del Castillo

Na Galipedia, a Wikipedia en galego.
(Redirixido desde "Ángel del Castillo López")
Ángel del Castillo, retrato en Vida Gallega, 1917.

Ángel del Castillo López, nado na Coruña o 24 de xaneiro de 1886 e finado na mesma cidade o 14 de marzo de 1961, foi un historiador e arqueólogo galego, cronista oficial da Coruña. Foi membro de varias academias, fundacións e institucións culturais de diversa índole.

Traxectoria[editar | editar a fonte]

Ángel del Castillo, 1933.

Foi un erudito de tardía formación, pois non puido iniciar a formación universitaria até cumpridos os corenta anos. Gran parte da súa vida estivo adicada á docencia, exercéndoa na Escola de Comercio, academias particulares e a Universidade de Santiago. En 1905 foi elixido membro adxunto da Real Academia Galega, integrándose coma membro numerario en 1927. En 1924 entrou a formar parte do Seminario de Estudos Galegos.

Militante de Acción Republicana, na República foi nomeado gobernador civil de Pontevedra o 22 de maio de 1932, permanecendo no cargo ata o 14 de setembro de 1933.

A súa achega á defensa, clasificación e preservación do patrimonio artístico galego é de grande importancia, destacando a súa obra Inventario de la riqueza monumental y artística de Galicia[2] (Editorial Bibliófilos Gallegos 1972, reeditado en 1987 e en 2008),[3] con introdución e bibliografía de José Filgueira Valverde.

Ademais, escribiu unha novela curta A Dona das Torres, Lénda Galega,[sic] de 21 páxinas, publicada o 22 de agosto de 1925 no número 12 da revista Lar. Trátase dunha lenda ambientada no século XV, con notas históricas e documentais que aumentan o atractivo da narración, transformándoa nun relato pseudohistórico.


Predecesor:
César Vaamonde Lores
 Escudo de A Coruña.svg
Cronista Oficial da Coruña
 
1942 - 1961
Sucesor:
Juan Naya Pérez

Recoñecementos[editar | editar a fonte]

Foi nomeado Cabaleiro da Lexión de Honra polo goberno francés en 1934[4].

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]