Celia Brañas

Na Galipedia, a Wikipedia en galego.
Celia Brañas
Celia Brañas y Fernández Miranda.jpg
Nacemento 20 de maio de 1880
Lugar A Coruña
Falecemento 12 de xuño de 1948
Lugar A Coruña
Nacionalidade España
Ocupación científico
editar datos en Wikidata ]

Celia Brañas Fernández Miranda, nada na Coruña o 20 de maio de 1880 e finada na mesma cidade o 12 de xuño de 1948[1], foi unha científica galega. É considerada unha pioneira na incorporación da muller á cultura científica.

Traxectoria[editar | editar a fonte]

Celia Brañas naceu na Coruña o 20 de maio de 1880, filla de Consuelo Fernández Miranda e do periodista, escritor e farmacéutico Gonzalo Brañas Sánchez-Boado.[2] Comezou a traballar en 1908 como profesora auxiliar na Escola Normal da Coruña. En 1911 converteuse en profesora titular e foi directora da escola en varias ocasións ata a súa xubilación en 1946.[3] En 1919 participou como poñente no Primeiro Congreso de Estudos Galegos, organizado polo Instituto de Estudios Gallegos da Coruña,[2] no que defendeu o tema da importancia que para a rexión galega tería a creación dunha estación de bioloxía mariña na Coruña e os medios prácticos para establecela. Un ano máis tarde logrou que o Museo Nacional de Ciencias Naturais de Madrid organizase un curso de bioloxía mariña na Coruña. Este curso foi o precursor da creación en 1932 da estación biolóxica de Marín.[2]

Vida persoal[editar | editar a fonte]

É irmá do tamén científico Gonzalo Brañas Fernández.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]