Ramón Nieto
  | |
| Biografía | |
|---|---|
| Nacemento | 1 de outubro de 1856 Lavadores. |
| Morte | 25 de xullo de 1928 (71 anos) Viña del Mar. |
| Datos persoais | |
| País de nacionalidade | Galega. |
| Actividade | |
| Ocupación | empresario , filántropo |
| Lingua | Lingua castelá |
| Familia | |
| Cónxuxe | María de la Vega |
Ramón Remigio Nieto Otero, nado en Lavadores, no actual concello de Vigo, o 1 de outubro de 1856 e finado en Viña del Mar, Chile, o 25 de xullo de 1928,[1] empresario da salitre, foi un filántropo galego.
Traxectoria[editar | editar a fonte]
O 1 de xaneiro de 1900, con 44 anos de idade, Ramón Nieto creou a primeira escola no barrio de Barreiro sendo o seu primeiro director Severino Cobas, unha escola que acubillou a máis de sesenta rapaces que durante máis dunha década educou a varias xeracións de Lavadores.
O 16 de maio de 1914, a corporación do daquela concello de Lavadores decidiu nomealo fillo predilecto de Lavadores, e ordenando que cando os recursos do Concello o permitisen se adquirise o seu retrato e se colocase no salón da Casa Consistorial.
Foi así que doou arredor de corenta millóns de pesetas, e nos terreos familiares comezaron as obras para a construción das "Escolas Nieto", e a súa idea non só era que os rapaces aprendesen a ler e escribir senón tamén a aprender un oficio e cara a unha educación politécnica orientou un proxecto pedagóxico.[2]
Arredor de 1917 inaugurouse a escola, na zona coñecida coma a "Granxa" na avenida que na actualidade leva o seu nome. Coa presenza do propio Ramón Nieto e os membros do Padroado elixidos para dirixir a escola, levouse a cabo un acto que contou coa presenza de pais, alumnos e autoridades locais. Honorato Fernández Míguez, en nome da corporación Municipal, pediu en 1926 ao Consello de Ministros que se lle concedese a Ramón Nieto Otero a "Grande Cruz" coma propulsor da cultura do naquel entón Concello de Lavadores.
Recoñecementos[editar | editar a fonte]
No ano 1944 o concello de Vigo dedicoulle a principal estrada do barrio de Lavadores.[3]
Notas[editar | editar a fonte]
- ↑ "Fallece en Chile Ramón Nieto" Faro de Vigo (en castelán).
- ↑ ""110 anos de andaina, Escolas Nieto"". Arquivado dende o orixinal o 02 de decembro de 2013. Consultado o 15 de novembro de 2013.
- ↑ Antomil Pérez, Daniel (2016). De los nombres de las calles de Vigo. Vigo: Ediciones Cardeñoso. p. 349. ISBN 978-84-8190-844-2.
Véxase tamén[editar | editar a fonte]
Bibliografía[editar | editar a fonte]
- Dicionario biográfico de Galicia 3. Ir Indo Edicións. 2010-2011. p. 20.
- "Nieto Otero, Remixio Ramón". Enciclopedia Galega Universal. Ir Indo. 1999-2002. ISBN 84-7680-288-9.
- Espinosa Rodríguez, José (1949). Tierra de Fragoso. Notas para la historia de Vigo y su comarca. Vigo. p. 435.
- Pérez Leira, Lois (2009). Protagonistas de una epopeya colectiva (en castelán) (2ª ed.). Vigo: Grupo de Comunicación Galicia en el Mundo. ISBN 978-84-936759-8-1.
Ligazóns externas[editar | editar a fonte]
