Xosé Luís Regueira
  | |
| Biografía | |
|---|---|
| Nacemento | 6 de xullo de 1958 (65 anos) Goiriz, España |
| Datos persoais | |
| País de nacionalidade | España |
| Formación profesional | Filoloxía Románica |
| Educación | Universidade de Santiago de Compostela |
| Director de tese | Antón Santamarina |
| Actividade | |
| Ocupación | profesor universitario , lingüista |
| Empregador | Universidade de Santiago de Compostela (2008–) Universidade de Santiago de Compostela (1994–2008) Universidade de Santiago de Compostela (1991–1994) Universidade de Santiago de Compostela (1987–1991) Universidade de Colonia (1985–1987) |
| Membro de | |
| Lingua | Lingua galega |
 | |
Xosé Luís Regueira Fernández, nado en Goiriz (Vilalba) o 6 de xullo de 1958, é un lingüista galego. Desde 2018 dirixe o Instituto da Lingua Galega.[1]
Traxectoria[editar | editar a fonte]
En 1982 licenciouse en Filoloxía Románica na Universidade de Santiago de Compostela, e en 1983 entregou a memoria de licenciatura, co título O exordio estacional na lírica galorrománica medieval. En 1989 conseguiu o doutoramento, coa tese A fala do norte da Terra Chá: estudio descritivo.
Traballou como lector de castelán na Universidade de Colonia, e posteriormente incorporouse ao cadro académico da Universidade de Santiago, neste caso no departamento de Lingua Galega, onde é catedrático. A súa investigación estivo centrada na fonética e na fonoloxía da lingua galega.
É membro do Instituto da Lingua Galega desde 1981, ocupou durante anos o posto de secretario e desde xuño de 2018 é o seu director.[2] Tamén estivo vinculado á revista de investigación Cadernos de Lingua, da que actualmente (2011) é coordinador. O 23 de marzo de 2011 foi escollido académico da Real Academia Galega[3], lendo o 3 de xuño de 2012 o seu discurso de entrada.
Obra[editar | editar a fonte]
- Guía bibliográfica de lingüística galega (1996)
- Os sons da lingua (1998)
- Dicionario de pronuncia da lingua galega (2011)
- Oralidades: reflexións sobre a lingua falada no século XXI, discurso de entrada na RAG, lido o 3 de xuño de 2012 e respondido por Manuel González González.
Obras colectivas[editar | editar a fonte]
- Gramática galega (Galaxia, 1986, xunto con Henrique Monteagudo e Rosario Álvarez Blanco; Premio Antón Losada Diéguez)
Traducións[editar | editar a fonte]
- O rei Túnix (Mira Lobe, 1962; xunto con Rosa María López Gato).
Notas[editar | editar a fonte]
- ↑ "O catedrático Xosé Luís Regueira é o novo director do Instituto da Lingua Galega". Galicia Confidencial. 25 de xuño de 2018. Consultado o 26 de xuño de 2018.
- ↑ "O catedrático Xosé Luís Regueira é o novo director do ILG da USC". USC. 25 de xuño de 2018. Arquivado dende o orixinal o 26 de xuño de 2018. Consultado o 26 de xuño de 2018.
- ↑ Ingreso de Xosé Luís Regueira Fernández Arquivado 09 de xuño de 2012 en Wayback Machine., Real Academia Galega.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Xosé Luís Regueira  |
