Goiriz, Vilalba

Para outras páxinas con títulos homónimos véxase: Goiriz.

Goiriz, Vilalba

Localización
43°19′02″N 7°37′36″O
Estado	España
Comunidade autónoma	Galicia
Provincia	provincia de Lugo
Concello	Vilalba
Poboación
Poboación	625 (2022)
Código INE	27065100000

Santiago de Goiriz é unha parroquia do concello de Vilalba, na comarca da Terra Chá, na provincia de Lugo. Segundo o IGE, en 2022 tiña 625 habitantes (294 homes e 331 mulleres), distribuídos en 48 entidades de poboación, o que supón unha diminución en relación ao ano 1991 cando tiña 857 habitantes.

Xeografía

Está atravesada pola estrada N-634 e pola estrada que vai de Vilalba até Árbol por Román. Está dividida en cinco roldas, creadas polos veciños para a organización das festas: A rolda de Trece, no límite do concello, a de Bidueiros, na marxe esquerda cara a Asturias, a Ribeira, Tarrío e Medios Aneiros.

A distribución dos lugares nas roldas é a seguinte:

• Bidueiros: O Acivro, O Alto de Liñares, Bidueiros, As Casas Novas, Currás, O Francés, Liñares, Os Ouros, A Taberna de Abaixo, A Torre.

• Medios Aneiros: Aciveiro, Belote, As Cafúas, O Campo, O Campo do Cristo, Cas Camba, Casanova do Toxal, O Castro, O Cristo, Cruz de Aneiros, Os Gardados, Lamaceu, A Mámoa, O Outeiro, A Pena, A Pinguela, Riba do Vilar, Ver.
• A Ribeira: O Carral, Cas Chaira, Graduín, Lamelas, Lodeiro, A Moura, As Touzas, Tronco.
• Tarrío: O Areal, Barbeitas, As Bouzas, A Casanova, Cendán, O Cosqueiro, Fabás, Gocendre, Gomariz, A Grela, Lagoela, Orbazán, O Piñeiro, Porrás, O Porto da Loba, Reboiros, Reguengo, Santo Adrao, Tarrío.
• Trece: Balsa, Broz, A Carballeira, O Carballo, A Cancela, Caxigal, O Cordal, O Espiño, O Fontao, Fonte Salgueiro, Fonteboa, Fontoira, Fra, O Igrexario, A Ramalleira, Reción, Os Plantíos, O Pumariño, Santa Comba e A Uceira.

Abundan na parroquia as cerdeiras, e os amplos vilares para o cultivo de patacas e grandes praderías xunto con chousas infrautilizadas.

Patrimonio

O castro de Goiriz, próximo á igrexa parroquial, cunha extensión de 2 ha, ten tres defensas e ten boa visibilidade. Na igrexa parroquial unha inscrición alude ó dereito a refuxio ós perseguidos pola lei. O pazo de Cazás pertenceu á familia de Quirós Baamonde Freire de Andrade e Taibo.

Demografía

Gráfica de evolución demográfica de Goiriz entre 2000 e 2020

Datos segundo o IGE.

Galería de imaxes

• 
  cemiterio de Goiriz.
• 
  Sepultura no cemiterio de Goiriz.
• 
  Capela de Goiriz.

Lugares e parroquias

Véxase tamén

Outros artigos

• Lugares de Vilalba