Goiriz, Vilalba

Para outras páxinas con títulos homónimos véxase: Goiriz.

Goiriz
Cemiterio de Goiriz e estrada N-634.
Concello	Vilalba
Provincia	Lugo
Poboación	646 hab. (2017)
Entidades de poboación	48
[ editar datos en Wikidata ]

Santiago de Goiriz é unha parroquia do concello de Vilalba, na comarca da Terra Chá, na provincia de Lugo. Segundo o IGE en 2008 tiña 758 habitantes (387 mulleres e 371 homes), distribuídos en 48 entidades de poboación, o que supón unha diminución en relación ao ano 1991 cando tiña 857 habitantes.

Xeografía

Está atravesada pola estrada N-634 e pola estrada que vai de Vilalba até Árbol por Román. Está dividida en cinco roldas, creadas polos veciños para a organización das festas: A rolda de Trece, no límite do concello, a de Bidueiros, na marxe esquerda cara a Asturias, a Ribeira, Tarrío e Medios Aneiros.

Abundan na parroquia as cerdeiras, e os amplos vilares para o cultivo de patacas e grandes praderías xunto con chousas infrautilizadas.

Patrimonio

O castro de Goiriz, próximo á igrexa parroquial, cunha extensión de 2 ha, ten tres defensas e ten boa visibilidade. Na igrexa parroquial unha inscrición alude ó dereito a refuxio ós perseguidos pola lei. O pazo de Cazás pertenceu á familia de Quirós Baamonde Freire de Andrade e Taibo.

Galería de imaxes

Artigo principal: Galería de imaxes de Goiriz, Vilalba.

• 

  Ponte do século XVII sobre o río Batán, que sinala o límite con Abadín.

• 

  cemiterio de Goiriz.

• 

  Sepultura no cemiterio de Goiriz.

• 

  Capela de Goiriz.

Véxase tamén

Outros artigos

• Lugares de Vilalba