Lev Landau

Lev Landau
Nome completo	Lev Davidovich Landau
Nacemento	22 de xaneiro de 1908 e 9 de xaneiro de 1908
	Bakú
Falecemento	1 de abril de 1968
	Moscova
Causa	Trombose
Soterrado	cemiterio Novodevichii
Nacionalidade	Imperio Ruso, República Democrática de Acerbaixán e Unión Soviética
Relixión	ateísmo
Alma máter	sen etiquetar, Instituto Ioffe, Universidade Estatal de Bakú, Universidade Estatal de San Petersburgo e University of Kharkiv
Ocupación	físico, inventor, escritor de non ficción, catedrático de universidade, físico teórico e matemático
Nai	sen etiquetar
Premios	Premio Nobel de Física, Premio Stalin, Orde de Lenin, Heroe do Traballo Socialista, Orde da Insignia de Honra, Medalla Max Planck, Bandeira Vermella do Traballo, Prêmio Memorial Fritz London, Orde de Lenin, Premio Lenin e Foreign Member of the Royal Society
	[ editar datos en Wikidata ]
	v; c; e;

Lev Davidovich Landau (en ruso Лев Давидович Ландау), nado en Bakú o 22 de xaneiro de 1908 e finado en Moscova o 1 de abril de 1968, foi un físico e matemático soviético galardoado co Premio Nobel de Física no ano 1962.

Índice

Naceu en Bakú, hoxe en día capital de Acerbaixán e entón parte do Imperio Ruso, nunha familia de ascendencia xudía. Cando era novo tivo interese nas matemáticas, ingresando en 1922 na Universidade Estatal de Bakú estudando á vez física, matemáticas e química. En 1924 trasladouse á Universidade Estatal de San Petersburgo e en 1927 licenciouse en física.

En 1929 realizou unha viaxe a Copenhague para coñecer a Niels Bohr co cal discutiu longamente sobre física teórica, introducindo a gran tradición na física teórica na Unión Soviética. Tivo un amplo campo de traballo, que inclúe a teoría da supercondutividade e a superfluidez, a electrodinámica cuántica, a física nuclear e a física de partículas. Foi a cabeza da división teórica do Instituto para os Problemas Físicos a partir de 1937, cargo que ocupou ata o ano 1962 que, como resultado dun accidente de coche no cal sufriu lesións das cales nunca se recuperou, renunciou ao seu cargo. Baixo as súas ordes tivo un bo grupo de investigadores como Lev Pitaevskii, Alexei Alexeevich Abrikosov, Evgeny Lifshitz, Lev Gorkov, Isaak Khalatnikov ou Boris Ioffe.

Foi arrestado por mandato de Iosif Stalin e Lavrenti Beria durante a Gran Purga de 1938, sendo expulsado de Moscova entre o 27 de abril daquel ano e o 29 de abril de 1939, tras a intervención do físico Petr Kapitsa.

Obtivo o Premio Nobel de Física no ano 1962 pola súa teoría da materia condensada, en particular do helio líquido. En compañía de Evgeny Lifshitz realizou unha gran tarefa de difusión científica a través de series de libros de texto.

Na súa honra denominouse o cráter Landau da Lúa así como o asteroide (2142) Landau descuberto o 3 de abril de 1972 por Lyudmila Chernykh.