Takaaki Kajita

Takaaki Kajita
Nacemento	9 de marzo de 1959
Lugar de nacemento	Higashimatsuyama
Nacionalidade	Xapón
Alma máter	Saitama University, Universidade de Toquio e Kawagoe Kōtō Gakkō
Ocupación	físico, profesor universitario e investigador
Premios	Premio Nobel de Física, Prêmio Nishina, Asahi Prize, Prêmio Bruno Rossi, Asahi Prize, Orden da Cultura, Fundamental Physics Prize, Julius Wess Prize, Pessoa de Mérito Cultural, Prêmio Panofsky e doutor honoris causa pola Universidade de Padua
Na rede
http://www.ipmu.jp/takaaki-kajita
[ editar datos en Wikidata ]

Takaaki Kajita (梶田 隆章, Kajita Takaaki), nado en Higashimatsuyama o 9 de marzo de 1959, é un físico xaponés, coñecido polos seus experimentos de neutrinos en Kamiokande e no seu sucesor, Super-Kamiokande. En 2015, foi galardoado co Premio Nobel de Física xunto co físico canadense Arthur B. McDonald. O 1 de outubro de 2020, converteuse no presidente do Consello Científico do Xapón.

Traxectoria

Kajita estudou na Universidade Saitama, graduándose en 1981. Recibiu o seu doutoramento en 1986 na Universidade de Toquio. Dende 1988, estivo no Instituto para a investigación de raios cósmicos da Universidade de Toquio, onde foi nomeado profesor asistente en 1992 e profesor en 1999.

Converteuse en director do Centro para Neutrinos Cósmicos do Instituto para a Investigación de Raios Cósmicos (ICRR) en 1999. En 2015, traballou no Instituto Kavli de física e matemáticas do universo en Toquio e é director de ICRR.

En 1988, descubriu xunto co equipo de Kamiokande un déficit de neutrinos muónicos nos neutrinos atmosféricos, fenómeno ao cal chamaron "anomalía de neutrinos atmosféricos" e en 1998 describiu as oscilacións de neutrinos.

Véxase tamén

Ligazóns externas

• Ficha en Nobelprize.org (en inglés)