Roger Penrose

Na Galipedia, a Wikipedia en galego.
Roger Penrose
Roger Penrose-6Nov2005.jpg
Penrose en 2005
Datos persoais
Nacemento 8 de agosto de 1931 (86 anos)
Lugar Colchester, Essex Reino Unido Reino Unido
Nacionalidade británico
Actividade
Campo Matemáticas
Alma máter Universidade de Cambridge
University College de Londres
University College School
Director de tese John A. Todd
Alumnos de tese Tristan Needham
Richard Jozsa
Contribucións e premios
Premios Premio Wolf en Física (1994)
Medalla Copley (2008)
editar datos en Wikidata ]

Roger Penrose, nadoen Colchester (Essex) o 8 de agosto de 1931 é un físico matemático inglés. É coñecido particularmente polas súas contribucións á teoría da relatividade xeral e á cosmoloxía. Tamén destacou no ámbito das matemáticas recreativas e a filosofía.

Traxectoria[editar | editar a fonte]

Penrose é fillo do científico Lionel Penrose e de Margaret Leathes, e irmán do matemático Oliver Penrose e o xogador de xadrez Jonathan Penrose.

En 1955, cando era estudante reinventou a “inversa xeralizada”, tamén coñecida como inversa Moore-Penrose.[1] Conseguiu o seu doutoramento en Cambridge en 1958, cunha tese sobre métodos tensores en xeometría alxébrica baixo a supervisión de John A. Todd. En 1965 Penrose e o físico Stephen Hawking probaron que aas singularidades poden formarse a partir do colapso de inmensas estrelas moribundas.[2]

En 1967 inventou a teoría de twistores que mapea obxectos xeométricos dun espazo de Minkowski nun espazo complexo en catro dimensións coa signatura métrica (2,2). En 1969 propuxo a hipótese da censura cósmica, que conxectura que o universo nos protexe da impredicibilidade inherente das singularidades (como os buracos negros) ocultándoos da vista. Esta forma coñécese actualmente como a hipótese feble da censura; en 1979, Penrose formulou unha versión máis firme chamada hipótese forte da censura. Xunto coa conxectura BKL e os problemas coa estabilidade non linear, resolver a conxectura da censura cósmico é un dos problemas máis importantes da teoría da relatividade.

Penrose é coñecido polo seu descubrimento en 1974 dos teselados que reciben o seu nome, que están formados de dúas teselas que só poden teselar o plano de forma aperiódica. En 1984 atopáronse padróns similares na organización de átomos en cuasicristais.

A súa contribución máis importante pode considerarse a invención das redes de espín (1971). Tamén influíu na popularización dos diagramas causales, coñecidos como diagramas de Penrose.

Notas[editar | editar a fonte]

  1. Penrose, Roger (1955). "A Generalized Inverse for Matrices". Proc. Cambridge Phil. Soc. (51): 406–413. 
  2. (Ferguson, 1991:66)

Véxase tamén[editar | editar a fonte]

Ligazóns externas[editar | editar a fonte]