Leopoldina

Na Galipedia, a Wikipedia en galego.
Edificio da sede actual da Leopoldina en Halle.

A Leopoldina é o nome abreviado co que se coñece a Deutsche Akademie der Naturforscher Leopoldina (Academia alemá das ciencias naturais Leopoldina).

Foi fundada en 1652 en Schweinfurt (Baviera), polo que se di que é a sociedade científica máis antiga do mundo.

Hoxe está situada na cidade de Halle, no Land de Saxonia-Anhalt.[1]

Biblioteca[editar | editar a fonte]

Miscellanea Curiosa (1692).

A biblioteca da Leopoldina foi fundada en 1731, en Nuremberg. Hoxe e incúe máis de 260 000 volumes, monografías e revistas da ciencia e a medicina, xa que está centrada sobre todo nas publicacións da historia da ciencia, en particular das ciencias naturais e da medicina, así como escritos de numerosas sociedades científicas.

A colección debeuse principalmente a intercambios de publicacións da Academia con socios de todo o mundo, e a través de donacións dos membros de la Academia.[2]

Membros[editar | editar a fonte]

A Leopoldina é unha asociación supranacional de científicos e académicos. Máis dunha cuarta parte dos seus membros son de países distintos de Alemaña.

Os novos membros da Leopoldina son elixidos polo Presidium sobre a base dos nominados polos membros existentes e despois dun proceso de selección en varias etapas. Actualmente conta con máis de 1 500 membros de 30 países.

Desde a súa fundación en 1652 pertenceron á Academia uns 7 500 académicos. Entre eles máis de 170 premios Nobel.

Notas[editar | editar a fonte]

  1. Werner E. Gerabek: Enzyklopädie Medizingeschichte, p. 23; online Google Libros.
  2. Jörg Hacker (ed.) Ein Rundgang durch die Deutsche Akademie der Naturforscher Leopoldina. Nationale Akademie der Wissenschaften.

Véxase tamén[editar | editar a fonte]

Ligazóns externas[editar | editar a fonte]