Johannes Stark

Na Galipedia, a Wikipedia en galego.
Johannes Stark Premio Nobel
Johannes Stark.jpg
Johannes Stark
Datos persoais
Nacemento 15 de abril de 1874
Lugar Schickenhof, hoxe Zettl, Baviera
Falecemento 21 de xuño de 1957 (83 anos)
Lugar Traunstein, Baviera
Nacionalidade Alemaña alemán
Actividade
Campo Físico
Alma máter Universidade de Múnic
Contribucións e premios
Coñecido por duplo (efecto Doppler
Premios Premio Nobel de Física (1919)

Johannes Stark, nado en Schickenhof, hoxe Zettl, Baviera, o 15 de abril de 1874 e finado en Traunstein, tamén Baviera, o 21 de xuño de 1957, foi un físico alemán, Premio Nobel de Física en 1919.

Traxectoria[editar | editar a fonte]

Estudou en Bayreuth, primeiro, realizando os estudos universitarios en Múnic. Foi profesor de Física en Gottingen, Hannover, Greifswald, Aquisgrán (en alemán Aachen), Wurzburg.

Descubriu o duplo duplo dos raios eléctricos canalizados e o efecto do campo eléctrico sobre as liñas do espectro de luz emitida por elementos químicos (efecto Stark,, 1913), este último efecto foi tamén descuberto de xeito independente por Lo Surdo. Por ambos descubrimentos recibiría o Premio Nobel de Física no 1919.

Polo seu apoio á política nazi, Stark dirixiu o Instituto Físico-Técnico do III Reich dende 1933 até que se xubilou no 1939. Stark foi xulgado en 1947, e condenado a catro anos.

Stark publicou máis de 300 traballos, fundamentalmente relacionados coa electricidade e campos análogos. Recibiu numerosos premios, ademais do premio Nobel, como o premio Baumgartner da Academia de Ciencias de Viena (1910), o premio Vahlbruch da Academia de Ciencias de Göttingen (1914), a medalla Matteucci da Academia de Roma.

Durante o réxime nazi, intentou ser o Führer da física alemá, a través do movemento Deutsche Physik ("Física alemá", xunto con Philipp Lenard), en contra da "física xudía", representada por Albert Einstein e Werner Heisenberg.

Véxase tamén[editar | editar a fonte]

Ligazóns externas[editar | editar a fonte]