Samuel C. C. Ting

Samuel C. C. Ting
Samuel Chao Chung Ting
Datos persoais
Nacemento	27 de xaneiro de 1936 (81 anos)
Lugar	Ann Arbor, Míchigan
Nacionalidade	estadounidense
Etnia	Han
Cónxuxe	Kay Kuhne, Susan Carol Marks
Actividade
Campo	físico e profesor universitario
Alma máter	Universidade de Michigan
Director de tese	Lawrence W. Jones
Contribucións e premios
Premios	Premio Nobel de Física en 1976.

Samuel Chao Chung Ting (en mandarín: 丁肇中; en pinyin: Dīng Zhàozhōng), nado en Ann Arbor (Míchigan) o 27 de xaneiro de 1936, é un físico e profesor universitario estadounidense, galardoado co Premio Nobel de Física en 1976.

Traxectoria

Era fillo dunha parella chinesa que se coñeceu na universidade de Míchigan. Cando era pequeno a súa familia trasladouse de novo á China, pero durante a guerra civil chinesa os seus pais fuxiron á República de China, situada na illa de Taiwan. Desenvolveu os seus estudos secundarios en Taipei e posteriormente ingresou na Univesitade de Tainan.

En 1956 volveu aos Estados Unidos para estudar enxeñaría, matemáticas e física na universidade de Míchigan, onde se doutorou en física no ano 1962. En 1963 entrou a traballar no Consello Europeo para a Investigación Nuclear (CERN), para posteriormente traballar no Deutsches Elektronen-Synchrotron (DESY) de Alemaña. Desde 1969 é profesor no Instituto de Tecnoloxía de Massachusetts.

Investigacións científicas

Iniciou as súas investigacións ao redor das partículas subatómicas grazas aos seus traballos no acelerador de partículas, cousa que lle permitiu descubrir a partícula J (ou partícula J/ψ), descubrimento que tamén realizou independentemente o físico Burton Richter.

No ano 1976 foi galardoado co Premio Nobel de Física, xunto con Burton Richter, polo descubrimento da partícula subatómica J.

Véxase tamén

Ligazóns externas

• Páxina do Instituto Nobel, Premio Nobel de Física 1976 (en inglés).