Pieter Zeeman

Na Galipedia, a Wikipedia en galego.
Pieter Zeeman
Nobel prize medal.svg
Zeeman.jpg
Pieter Zeeman.
Datos persoais
Nacemento 25 de maio de 1865
Lugar Zonnemaire, Países Baixos
Falecemento 9 de outubro de 1943
Lugar Ámsterdam, Países Baixos
Nacionalidade neerlandés
Actividade
Campo Física
Contribucións e premios
Premios Premio Nobel de Física o 1902.

Pieter Zeeman, nado en Zonnemaire o 25 de maio de 1865 e finado en Ámsterdan o 9 de outubro de 1943, foi un físico neerlandés galardoado co Premio Nobel de Física do ano 1902.

Traxectoria[editar | editar a fonte]

Despois de rematar os seus estudos primarios marchou a estudar a Delft durante dous anos, onde recibiu formación en linguas clásicas. Entrou na Universidade de Leyden no ano 1885 e non tardou en entrar en contacto con Heike Kamerlingh Onnes, Premio Nobel de Física no ano 1913, quen foi mestre seu durante doce anos. O interese e a paixón do novo Zeeman pola experimentación axiña marabillou ao seu mestre e foi o froito dunha amizade entre os dous científicos que traería grandes éxitos. Algún ano despois tamén entrou en contacto con outro físico, Lorentz, que traballaba en temas de física experimental.

No ano 1893 acadou o título de doutor e marchou a traballar ao Instituto F. Kohlrausch en Estrasburgo, onde traballou con E. Cohn durante seis meses. Mais volveu a Leyden cunha praza de docente que mantivo ata o 1897, ano no que publicou o seu gran traballo, polo que pasou a historia da física e da ciencia, "a división magnética das liñas do espectro electromagnético", tamén coñecido por Efecto Zeeman. Grazas a este traballo no ano 1902, recibiu o Premio Nobel de Física, xunto con Lorentz. No ano 1908 trasladouse á Universidade de Ámsterdam onde substituíu como director do Laboratorio de Física a Van der Waals (Premio Nobel de Física no ano 1910), que se xubilaba.

Véxase tamén[editar | editar a fonte]

Predecesor:
Wilhelm Röntgen
Premio Nobel de Física
Nobel prize medal.svg

1902
con
Hendrik Lorentz
Sucesor:
Henri Becquerel,
Pierre Curie,
Marie Curie

Este artigo tan só é un bosquexo
 Este artigo sobre física é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.