Johannes Diderik van der Waals

Johannes van der Waals
Johannes Diderik van der Waals
Datos persoais
Nacemento	23 de novembro de 1837
Lugar	Leiden, Países Baixos
Falecemento	8 de marzo de 1923 (85 anos)
Lugar	Ámsterdam, Países Baixos
Soterrado	Amsterdam New Eastern Cemetery
Residencia	Países Baixos
Nacionalidade	Neerlandés
Cónxuxe	Anna Magdalena Smit
Fillos	Jacqueline E. van der Waals e Johannes Diderik van der Waals jr.
Actividade
Campo	Matemáticas e física
Alma máter	Universidade de Leiden
Director de tese	Pieter Rijke
Alumnos de tese	Diederik Korteweg Gustav de Vries
Contribucións e premios
Coñecido por	Forzas de van der Waals Ecuación de van der Waals
Premios	Premio Nobel de Física en 1910
[ editar datos en Wikidata ]

Johannes Diderik van der Waals, nados en Leiden, Países Baixos, o 23 de novembro de 1837 e finado en Ámsterdan, Países Baixos, o 8 de marzo de 1923, foi un físico holandés, especialista en Termodinámica. Premio Nobel de Física en 1910.

Traxectoria

Fillo dun carpinteiro, Johannes Diderik cursou a carreira de mestre de escola e exerceu como tal. Anos despois, dispensado da acreditación en linguas clásicas, estudou na Universidade da súa cidade natal (1862-1865), licenciándose en Matemáticas e Física. Doutorase en Física en 1873. Foi profesor na Universidade de Amsterdam entre 1877 e 1908. Investigou os estados líquido e gasoso da materia. Van der Waals observou que a ecuación de estado dos gases perfectos ou ideais (PV = nRT) supón que as moléculas dun gas non ocupan espazo e máis que non se atraen mutuamente. Mentres, nos gases reais isto non se compre. Para dar conta desta anomalía, van der Waals introduciu correctores e dúas constantes, aplicabeles segundo o gas. Esta reformulación sería denominada ecuación de van der Waals.

Así mesmo hai as forzas de van der Waals, denominación aplicada as forzas de atracción intermoleculares dos gases reais.

Johannes van der Waals recibiu o Premio Nobel de Física en 1910 "polos seus traballos sobre o estado de gases e líquidos".