Jack Steinberger

Na Galipedia, a Wikipedia en galego.
Saltar ata a navegación Saltar á procura
Jack Steinberger
Nobel prize medal.svg
Jack-Steinberger-2008.JPG
Nome completoHans Jakob Steinberger
Nacemento25 de maio de 1921
 Bad Kissingen
Falecemento12 de decembro de 2020
 Xenebra
NacionalidadeAlemaña, Estados Unidos de América e Suíza
Relixiónateísmo
Alma máterUniversidade de Chicago, Instituto de Tecnologia de Illinois e New Trier High School
Ocupaciónfísico e profesor universitario
FillosNed Steinberger e Julia K. Steinberger
PremiosBolsa de estudos Guggenheim, Premio Nobel de Física, Medalla Nacional de Ciencia, Medalla Matteucci e Doutor honoris causa pola Universidade Autónoma de Barcelona
editar datos en Wikidata ]

Jack Steinberger, nado como Hans Jakob Steinberger en Bad Kissingen o 25 de maio de 1921 e finado en Xenebra o 12 de decembro de 2020,[1] foi un físico estadounidense de orixe alemá.

Traxectoria[editar | editar a fonte]

Steinberger naceu en Bad Kissingen en Baviera, Alemaña, pero, de orixe xudeu, abandonouna aos 13 anos debido ao incremento do sentimento antisemita e o espertar nazi. Emigrou aos Estados Unidos, onde se graduou na Universidade de Chicago. Durante a segunda guerra mundial traballou no laboratorio de radiación do MIT. Con posterioridade volveu a Chicago a traballar en física teórica, mais baixo a guía de Enrico Fermi seguiu a desenvolver investigacións en radiación cósmica, o que o levou á física dos neutrinos. En 1968 emigrou a Suíza para traballar no CERN como Físico Senior, onde comezou a investigar na violación CP e realizou innúmeras experiencias sobre neutrinos e a súa dispersión,[2] sendo considerado polo desenvolvemento experimental do modelo estándar de física.[1] Entre 1980 e 1990 foi a cabeza visible do experimento ALEPH, encadrado no LEP (Large Electron–Positron Collider).

Unha vez xubilado, continuou coa súa presenza no CERN ata superar os 90 anos, supervisando os experimentos NA31, NA48 e NA62.[1]

O premio Nobel[editar | editar a fonte]

Recibiu o Nobel de Física de 1988, conxuntamente con Leon Max Lederman e Melvin Schwartz, 'polo método do feixe de neutrinos e a demostración da estrutura doblete dos leptóns a traverso do descubrimento do neutrino muónico' (1962).[3] Estes experimentos foron realizados no Sincrotrón de Gradiente Alterno -Alternating Gradient Synchrotron (AGS)- no Brookhaven National Accelerator Laboratory da Universidade de Columbia.

O traballo premiado levou a descubertas que abriron novas oportunidades na investigación da estrutura e dinámica máis internas da materia. O traballo levou a solucionar dous grandes obstáculos para progresos posteriores nas forzas débiles. Un deles foi que de xeito previo non había un método de estudo experimental no campo de forzas débiles a altas enerxías. O outro, foi solucionado pola descuberta de que había ao menos, dous tipos de neutrinos, un relacionado co electrón e o outro co muón.[3]

O importe do seu premio Nobel doouno á New Trier High School, escola da que foi alumno.

Notas[editar | editar a fonte]

  1. 1,0 1,1 1,2 "Jack Steinberger (1921-2020)". CERN (en inglés). Consultado o 2020-12-18. 
  2. CERN. "Les hommes et les femmes" (en francés). Arquivado dende o orixinal o 09 de decembro de 2011. Consultado o 15 de decembro de 2011. 
  3. 3,0 3,1 Academia Real das Ciencias de Suecia. "The Nobel Prize in Physics 1988" (en inglés). Consultado o 15 de decembro de 2011. 

Véxase tamén[editar | editar a fonte]

Ligazóns externas[editar | editar a fonte]