Philip Warren Anderson

Philip Warren Anderson
Datos persoais
Nacemento	13 de decembro de 1923
Lugar	Indianapolis, Indiana
Falecemento	29 de marzo de 2020
Lugar	Princeton
Nacionalidade	Estados Unidos de América
Actividade
Campo	física
Alma máter	Universidade Harvard e University Laboratory High School
Director de tese	John Hasbrouck van Vleck
Contribucións e premios
Premios	Premio Nobel de Física (1977)
[ editar datos en Wikidata ]

Philip Warren Anderson, nado en Indianápolis (Indiana) o 13 de decembro de 1923 e finado o 29 de marzo de 2020, foi un físico e profesor universitario estadounidense, galardoado co Premio Nobel de Física en 1977.

Traxectoria

En 1940 licenciouse en física na University Laboratory High School de Urbana. Posteriormente ingresou na Universidade Harvard para ampliar estudos baixo a dirección de John Hasbrouck van Vleck.

Entre 1967 e 1975 foi profesor universitario na Universidade de Cambridge, e desde 1984 foi profesor na Universidade de Princeton.

Investigacións científicas

Entre 1949 e 1984 entrou a formar parte dos Laboratorios Bell de Nova Jersey onde vai traballar, xunto a William Bradford Shockley e John Bardeen entre outros, ao redor da física da materia condensada e o ferromagnetismo, resonancia magnética, supercondutividade, o estudo dos semiconductores e a efecto Kondo entre outros.

En 1977 foi galardoado co Premio Nobel de Física, xunto con Nevill Francis Mott e John Hasbrouck van Vleck, polas súas investigacións na estrutura electrónica do magnetismo e os sistemas desordenados, que permitiron o desenvolvemento da conmutación electrónica e dos dispositivos de memoria dos ordenadores.

Véxase tamén

Ligazóns externas

• Páxina do Instituto Nobel, Premio Nobel de Física 1977 (en inglés).