Willis Lamb

Willis Eugene Lamb, Jr.
Willis Lamb en 1955.
Datos persoais
Nacemento	12 de xullo de 1913
Lugar	Os Ánxeles (California)
Falecemento	15 de maio de 2008 (94 anos)
Lugar	Tucson (Arizona)
Nacionalidade	Estados Unidos de América
Actividade
Campo	Física
Alma máter	Universidade de California en Berkeley e Los Angeles High School
Director de tese	Robert Oppenheimer
Contribucións e premios
Premios	Premio Nobel de Física (1955)
[ editar datos en Wikidata ]

Willis Eugene Lamb, Jr., nado nos Ánxeles (California) o 12 de xullo de 1913 e finado en Tucson (Arizona) o 15 de maio de 2008; foi un físico e profesor universitario estadounidense, galardoado mo ano 1955 co Premio Nobel de Física.

Traxectoria

Estudou química na Universidade de California licenciándose en 1934, ampliando posteriormente estudos e licenciándose en física en 1938. Entre 1956 e 1962 foi profesor de física na Universidade de Oxford e posteriormente tamén ensinou na Universidade Yale, Columbia e Stanford.

Investigacións científicas

En 1955 foi galardoado co Premio Nobel de Física, xunto co físico Polykarp Kusch polos seus descubrimentos referentes á estrutura fina do espectro do hidróxeno. Lamb e Kusch realizaron estudos parecidos sobre o electromagnetismo do electrón, establecendo Lamb o denominado efecto Lamb.

Vida privada

En 1939 Lamb casou coa súa primeira esposa, Ursula Schaefer, estudante alemá que se converteu nunha destacada historiadora de Latinoamérica. Trala morte dela en 1996, casou coa física Bruria Kaufman, da que logo se divorciou. En 2008 casou con Elsie Wattson.

Véxase tamén

Ligazóns externas

• Páxina do Instituto Nobel, Premio Nobel de Física 1955 (en inglés).