Peter Berghaus

Na Galipedia, a Wikipedia en galego.
Saltar ata a navegación Saltar á procura
Peter Berghaus
Datos persoais
Nacemento20 de novembro de 1919.
LugarDEU Hamburg COA.svg Hamburgo
Alemaña Alemaña
Falecemento16 de novembro de 2012 (92 anos)
LugarStadtwappen der kreisfreien Stadt Münster.svg Münster.
Flag of North Rhine-Westphalia.svg Renania do Norte-Westfalia
Alemaña Alemaña
NacionalidadeAlemá
CónxuxeInge Berghaus.
Actividade
CampoNumismática.
Alma máterUniversidade de Hamburgo.
Director de teseWalter Hävernick e Hermann Aubin.
Contribucións e premios
Coñecido porFundador da Hamburger Schule.
Influído porWalter Hävernick
Influíu enLutz Ilisch, Peter Ilisch, Hendrik Mäkeler.
Premios- (1974): Premio de honra da GIG.
- 1979: Medalla Elias Brenner (SNF).
- (1979): Medalla da RNS.
- (1984): Medalla Huntington (ANS).
- (2004): Eligiuspreis (DNG).
editar datos en Wikidata ]

Peter L. Berghaus, nado o 20 de novembro de 1919 en Hamburgo e finado o 16 de novembro 2012 en Münster, foi un numismático alemán, especialista en moeda medieval e fundador da chamada "Escola numismática de Hamburgo" (Hamburger Schule).

Traxectoria[editar | editar a fonte]

Berghaus foi o máis novo de catro irmáns e quedou orfo de pai e nai na súa xuventude. Desde moi novo sentiu atracción polo coleccionismo de moedas e con 18 anos ingresou na Asociación de Amigos da Moeda da súa cidade.[1]

Berghaus cursou a súa educación secundaria no Gelehrtenschule des Johanneums de Hamburgo, caracterizado pola súa formación humanística, e alí formouse nas linguas latina e grega.[2]

De camiño participou como solado na segunda guerra mundial, en diferentes países europeos.[1][2]

Finalizada a guerra, Berghaus cursou os estudos superiores de Historia, Folclore e Historia da Arte na súa cidade natal. Posteriormente acadou o seu doutoramento na Universidade de Hamburgo cunha tese dirixida polo seu profesor de Numismática, Walter Hävernick, e por Hermann Aubin, acerca das fronteiras monetarias medievais na rexión do Alto Weser.[1][3] Este estudo, publicado en 1951, considérase como o primeiro traballo académico da Escola Numismática de Hamburgo.[4]

A partir de 1950 comezou a traballar no gabinete numismático do Museo Estatal de Arte e Historia Cultural de Westfalia, no que inicialmente se encargou da organización do departamento de Historia Local. En 1972 foi nomeado subdirector do museo e, desde 1977 ata a súa xubilación en 1984, desempeñou o cargo de director.[1][4][5]

En 1954, Berghaus foi elixido membro da Comisión Histórica de Westfalia, e en 2006 pasou a ser membro correspondente. En 1967 fundou a Sociedade Alemá de Amigos da Medalla, xunto con Georg Wimmelmann e Otto Marzinek.[5][6] Entre 1973 e 1986 formou parte do comité directivo da Comisión Internacional de Numismática, da que chegou a ser vicepresidente en 1979.[7] Ademais, entre 1972 e 1992 foi vicepresidente da Sociedade Numismática Alemá.[1][5]

Berghaus foi profesor de Numismática desde 1955 na Universidade de Münster e en 1961 outorgóuselle a condición de profesor honorario.[8]

A participación de Berghaus foi indispensable no proceso de identificación de moedas de procedencia alemá nos achados monetarios suecos do período viquingo, en 1950, xunto con Vera Hatz e Gert Hatz.

Os estudos de Berghaus supoñen unha contribución importante á numismática medieval, cun particular interese na época viquinga, na zona de Westfalia e, nunha primeira etapa, na historia das investigacións numismáticas. A el débeselle a introdución da técnica da comparación dos cuños nos estudos de numismática medieval, que xa fora utilizado con aterioridade para a moeda antiga por investigadores como F. Imhoof-Blumer ou Kurt Regling.[9]

Por outra banda, á marxe do ámbito numismático, desde 1962 foi un dos membros fundadores do Rotary Club de Münster-St. Mauritz, desde o que, a partir de 1970, se desenvolveron proxectos para o desenvolvemento da India.[1][5]

Recoñecementos[editar | editar a fonte]

Publicacións[editar | editar a fonte]

Esta é unha escolma dalgunhas das monografías máis salientables publicadas por Berghaus ao longo da súa traxectoria académica:[15][16]

Notas[editar | editar a fonte]

  1. 1,0 1,1 1,2 1,3 1,4 1,5 Kampmann, U. (2012).
  2. 2,0 2,1 Mäkeler, H. (2012). Páxina 78.
  3. Mäkeler, H. (2012). Páxina 79.
  4. 4,0 4,1 Mäkeler, H. (2012). Páxina 80.
  5. 5,0 5,1 5,2 5,3 Dethlefs, G.; Steguweit, W. (2012).
  6. Weber, I. S. (2010). "Erkenntnisse zum Medaillenschaffen des schwäbischen Bildhauers Fritz Nuss (1907-1999)". En Jahrbuch für Numismatik und Geldgeschichte. 60. Páxinas 207-242, 231-233.
  7. Mäkeler, H. (2012). Páxina 78.
  8. Mäkeler, H. (2012). Páxina 82.
  9. Mäkeler, H. (2012). Páxina 81.
  10. "Gesellschaft für Internationale Geldgeschichte". www.gig-geldgeschichte.de. Consultado o 2021-05-28. 
  11. "SNF:s Elias Brenner-medalj för förtjänsterinom numismatiken". Svenska Numismatiska Föreningen.
  12. "The Society’s Medal". Royal Numismatic Society.
  13. "Recipients of the Huntington Medal Award". American Numismatic Society.
  14. "Eligiuspreisträger 1996-2005". Sitio web da DNG.
  15. "Mäkeler, H. (1999). "Numismatische Veröffentlichungen von Peter Berghaus". Hendrik.makeler.eu
  16. "Berghaus, Peter 1919-2012". Digital Library Numis.

Véxase tamén[editar | editar a fonte]

Bibliografía[editar | editar a fonte]