Oğuz Tekin
| Oğuz | |
|---|---|
| Datos persoais | |
| Nacemento | 1958 |
| Lugar | Ancara Turquía |
| Nacionalidade | Turca. |
| Actividade | |
| Campo | Numismática e arqueoloxía. |
| Alma máter | Universidade de Istambul. |
| Director de tese | Oktay Aksit. |
| Contribucións e premios | |
| Coñecido por | Estudos sobre historia do diñeiro na Antigüidade. |
| Premios | (2019): Medalla Huntington (ANS). |
| [ editar datos en Wikidata ] | |
Oğuz Tekin, nado en 1958 en Ancara, é un historiador, arqueólogo e numismático turco especializado na circulación monetaria e a historia do diñeiro na Antigüidade.
Traxectoria[editar | editar a fonte]
Oguz Tekin fixo estudos de Arqueoloxía Clásica na Universidade de Istambul, onde se graduou en 1982, con mestrado en 1987. En 1991 acadou o seu doutoramento na mesma universidade cunha tese titulada Aspendos Sikkeleri ("Moedas de Aspendos"), dirixida por Oktay Aksit.[1] No departamento de Historia Antiga comezou a exercer a docencia a partir da súa graduación, ata acadar a xefatura do departamento entre os anos 2006 e 2016.[2][3]
A partir de 2017 é profesor do departamento de Arqueoloxía e Historia da Arte da Universidade Koç, de Istabul, onde ademais dirixe o Centro Suna & Inan Kiraç de Investigación para as Civilizacións Mediterráneas (AKMED).[2][3][4]
Os focos de interese das súas investigacións son a historia do diñeiro na Antigüidade, sinaladamente na área mediterránea, e os pesos antigos do mundo islámico. Desde o ano 2000 é o director en Turquía do proxecto internacional Sylloge Nummorum Graecorum, e desde 2006 coordina o Corpus Ponderum Antiquorum et Islamicorum.[2][3]
Tekin é membro correspondente do Instituto Alemán de Arqueoloxía desde 2017 e presidente do Instituto Turco de Arqueoloxía desde 2019.[3]
Recoñecementos[editar | editar a fonte]
Notas[editar | editar a fonte]
- ↑ Tekin, Oguz . (1991). Aspendos Sikkeleri (tese de doutoramento). Istambul Üniversitesi.
- ↑ 2,0 2,1 2,2 "Oguz Tekin". Academia.edu
- ↑ 3,0 3,1 3,2 3,3 "Oguz Tekin: CV[Ligazón morta]". Koç Üniversitesi.
- ↑ "AKMED Team". Suna & Inan Kiraç Research Center for Mediterranean Civilizations.
- ↑ "Recipients of the Huntington Medal Award". American Numismatic Society.
- ↑ "2019 Huntington Award". American Numismatic Society.
- ↑ "2019 Archer M. Huntington Award for Prof. Oguz Tekin". En Coins Weekly. 3 de outubro de 2019.
