Alfred Bellinger
| Biografía | |
|---|---|
| Nacemento | 24 de xullo de 1893 Durham Township, Estados Unidos de América (en)   |
| Morte | 11 de febreiro de 1978 |
| País de nacionalidade | Estadounidense |
| Educación |  Universidade Yale. Escola Americana de Estudos Clásicos de Atenas. |
| Actividade | |
| Campo de traballo | Numismática e arqueoloxía. |
| Ocupación | arqueólogo, numismático, filólogo clásico |
| Empregador | Universidade Yale |
| Membro de | |
| Familia | |
| Cónxuxe | Charlotte Blake Brinsmade (1920) |
| Premios | |
| - 1943: Medalla Huntington (ANA). -1955: Medalla da RNS. | |
Alfred Raymond Bellinger, nado en Durham, Pensilvania, o 24 de xullo de 1893,[1] e finado o 11 de febreiro de 1978,[2] foi un numismático e arqueólogo estadounidense.
Traxectoria
[editar | editar a fonte]Alfred Bellinger naceu en Durham o 24 de xullo de 1893, fillo de Hiram Paulding e de Elizabeth Dwight (Raymond) Bellinger.[3]
Graduouse en artes en 1917 na Universidade Yale, onde tamén acadou o seu doutoramento en 1925, e ese mesmo ano marchou a Grecia para completar a súa formación durante un curso na Escola Americana de Estudos Clásicos de Atenas.[3][4]
A vida profesional de Bellinger estivo vinculada á Universidade Yale, onde exerceu diversos postos docentes na década de 1920. Entre 1930 e 1962 foi profesor de Lingua Latina, e a partir de 1966 profesor emérito.[3][5]
Participou nas escavacións de Dura Europos e en entre 1931 e 1949 publicou diversos estudos sobre as moedas alí achadas.[5]
Ao longo da súa carreira académica participou tamén como docente na Biblioteca de Investigación Dumbarton Oaks (desde 1948) e no Instituto de Estudos Avanzados de Princeton (1960-1961). Tamén ocupou diversos postos de responsabilidade, como membro da dirección do Consello de Sociedades Eruditas (1946-1949) ou presidente do consello da Escola Americana de Estudos Clásicos de Atenas (1960-1965).[3][6]
Entre outras sociedades e entidades académicas, foi membro da Royal Numismatic Society (Londres), da American Philological Association e da American Numismatic Society . Así mesmo, foi membro correspondente do Instituto Arqueolóxico Alemán e membro honorario da Comisión Internacional de Numismática.[3]
Vida persoal
[editar | editar a fonte]Alfred Bellinger casou o 26 de xuño de 1920 con Charlotte Blake Brinsmade, con quen tivo cinco fillos.[3]
Bellinger faleceu o 11 de febreiro de 1978.[2]
Recoñecementos
[editar | editar a fonte]- (1943): Medalla Huntington, da American Numismatic Society, de Nova York.[7]
- (1955): Medalla da Royal Numismatic Society, de Londres.[8]
Publicacións
[editar | editar a fonte]Esta é unha escolma dos traballos monográficos máis salientables dos publicados por Bellinger ao longo da súa carreira académica:[9][10]
- (1920). Spires and Poplars. Yale University Press, New Haven.
- (1928). The anonymous Byzantine bronze coinage. American Numismatic Society (ANS), Nova York.
- (1930). Two hoards of Attic bronze coins. ANS, Nova York.
- (1931). Two Roman hoards from Dura-Europos. ANS, Nova York.
- (1932). The third and fourth Dura hoards. ANS, Nova York.
- (1934). Five Greek Bronze Coin Hoards, Issues 64-69 Arquivado 06 de outubro de 2021 en Wayback Machine. (con C. H. V. Sutherland, E. T. Newell et al.). ANS, Nova York.
- (1935). The sixth, seventh and tenth Dura hoards. ANS, Nova York.
- (1938). Coins from Jerash, 1928-1934. ANS, Nova York.
- (1939). The eighth and ninth Dura hoards. ANS, Nova York.
- (1940). The Syrian tetradrachms of Caracalla and Macrinus. ANS, Nova York.
- (1949). The Excavations at Dura-Europos. Final Report VI: The coins. Yale University Press, New Haven.[11][12]
- (1961). Troy, the coins. Princeton University Press.[13]
- (1962). Victory as a coin type. ANS, Nova York.
- (1963). Essays on the coinage of Alexander the Great. ANS, Nova York.
- (1966). Catalogue of Byzantine Coins in the Dumbarton and in Whittemore Collection. Vol. 1: Anastasius I to Maurice 491-602 (con P. Grierson). Dumbarton Oaks, Washington. ISBN 0-88402-012-6
Véxase tamén
[editar | editar a fonte]Bibliografía
[editar | editar a fonte]- Merit, L. S. (1984). History of the American School of Classical Studies at Athens 1939-1980. American School of Classical Studies at Athens.
Notas
[editar | editar a fonte]- ↑ "Alfred Raymond Bellinger". Prabook.com: "[...] Born: July 24, 1893. Durham, Pennsylvania" [...]"
- ↑ 2,0 2,1 Luci Shoe Merit (1984). Páxina 104: "[...] On February 11, 1978 Alfred Raymond Bellinger died [...]".
- ↑ 3,0 3,1 3,2 3,3 3,4 3,5 "Alfred Raymond Bellinger". World Biographical Encyclopedia. Prabook.com
- ↑ Luci Shoe Merit (1984). Páxinas 104-237. Páxina 104: "[...] Fellow of the School in 1925-26 [...]". / Páxina 237: "[...] Fellow of the School in Greek Language, Literature an History [...]".
- ↑ 5,0 5,1 "Bellinger, Alfred Raymond". En Enciclopedia Treccani.
- ↑ "The Chairmanship of Alfred Raymond Bellinger, 1960-1965". En Luci Shoe Merit (1984). Páxina 64.
- ↑ "Recipients of the Huntington Medal Award Arquivado 02 de outubro de 2018 en Wayback Machine.". American Numismatic Society.
- ↑ "The Society’s Medal". Royal Numismatic Society.
- ↑ "Bellinger, Alfred Raymond 1893-1978 Arquivado 06 de outubro de 2021 en Wayback Machine.". Digital Library Numis.
- ↑ "Bellinger, Alfred R. (Alfred Raymond) 1893-1978". WorldCat Identities.
- ↑ Recensión do libro (a acargo de D. M. Robinson). En The American Historical Review. Vol. 55. Nº 3. 1950. Páxinas 572-574.
- ↑ Recensión do libro (a acargo de A. André). En Revue des Études Grecques . Tomo 64. Fascículo 299-301. Xaneiro-xuño de 1951. Páxinas 347-349.. 1950. Páxinas 572-574.
- ↑ Recensión do libro (a cargo de C. M. Kraay), en The Classical review. Vol. 12. Nº 3. Decembro de 1962. Páxinas 320-321.
- Nados en 1893
- Finados en 1978
- Nados no condado de Bucks, Pensilvania
- Numismáticos dos Estados Unidos de América
- Arqueólogos dos Estados Unidos de América
- Galardoados coa medalla da Royal Numismatic Society
- Galardoados coa medalla Huntington
- Alumnos da Universidade Yale
- Profesores da Universidade Yale
- Membros do Instituto Arqueolóxico Alemán