H. B. Earle Fox
| Biografía | |
|---|---|
| Nacemento | 1868. Andover  |
| Morte | 21 de marzo de 1920. Devizes.  Wiltshire. Inglaterra. |
| País de nacionalidade |  Británica |
| Q89547790 | Estudos de numismática grega e medieval inglesa. |
| Actividade | |
| Campo de traballo | Numismática e xornalismo. |
| Ocupación | numismático, xornalista |
| Premios | |
| 1920: Medalla da RNS. | |
Harry Bertram Earle Fox, nado en Andover, Hampshire, en 1863 e finado en Devizes, Wiltshire, o 21 de marzo de 1920, foi un xornalista e numismático inglés.
Earle Fox era irmán do pintor e tamén numismático John Shirley Fox.
Traxectoria
[editar | editar a fonte]Xornalismo
[editar | editar a fonte]A condición de xornalista de Earle Fox levouno a residir en París, onde tamén residía o seu irmán John Shirley. Alí foi o editor do xornal en inglés Galignani's Messenger e da edición parisiense do New York Herald.[1]
Posteriormente, exerceu a súa profesión durante un tempo en Atenas.[1]
Ao seu regreso a Inglaterra asentouse en Londres e entrou no equipo de dirección do xornal Standard.[2]
Numismático
[editar | editar a fonte]Earle Fox compartía co seu irmán John Shirley a súa paixón polo coleccionismo e polo estudo numismático, e durante a súa estadía en Atenas descubriu a moeda da Antiga Grecia e comezou a afondar no seu coñecemento, e publicou os seus primeiros artigos sobre este aspecto. A súa colección persoal de moeda grega, sobre a que baseou os seus estudos, foi doada polo seu desexo ao Departamento de Moedas e Medallas do Museo Británico, á súa morte en 1920.[1][3][4]
Cando volveu a Londres, introduciuse xunto co seu irmán o estudo na numismática medieval inglesa dos Plantagenet e dos Tudor, o que deu lugar a unha serie de artigos sobre este asunto a partir de 1909.[2][5]
Ingresou na Royal Numismatic Society o 19 de novembro 1891 e ao pouco tempo pasou a formar parte do seu consello directivo, como vicepresidente entre 1913 e 1915.[1][6] En 1920 foi honrado postumamente pola máxima distinción desta entidade, xunto co seu irmán.[7]
Tamén formou parte da British Numismatic Society, na que ingresou en 1907[8] e posteriormente ocupou o cargo de secretario. Ademais, durante os seus derradeiros dous anos da súa vida foi o editor da publicación periódica desta entidade, o British Nunmismatic Journal. [1]
Vida persoal
[editar | editar a fonte]Os problemas de saúde de Earle Fox fixeron que abandonase Londres en 1914 e retirouse a unha casa de campo na pequena localidade de Woolhampton, en West Berkshire.[2]
Earle Fox morreu o 21 de marzo de 1920, en Devizes, Wiltshire, aos 57 anos de idade.[1]
Recoñecementos
[editar | editar a fonte]Publicacións
[editar | editar a fonte]Esta é unha escolma dos artigos numismáticos publicados por Earle Fox ao longo da súa traxectoria, inicialmente acerca da moeda da Antiga Grecia e, a partir de 1909, sobre a moeda medieval inglesa:[1][9][10]
Moeda grega
[editar | editar a fonte]- (1887). "L'obole athénienne et ses fractions à lépoque macédonienne". En Revue Numismatique. 3ª serie. Vol. 5. Páxinas 209-210.
- (1890). "Note sur quelques monnaies attiques rares et inédites". En Revue Numismatique. 3ª serie. Vol. 8. Páxinas 54-64
- (1898). "Greek coins in the collection of Mr. Earle Fox". En Numismatic Chronicle. 3ª serie. Vol. 18. Páxinas 286-293.
- (1898). "The Duoviri of Corinth". En Journal International d'Archéologie Numismatique. 2. Páxinas 89-116.
- (1905). "Some Athenian Problems". En Numismatic Chronicle. 4ª serie. Vol. 5. Páxinas 1-9.
- (1906). "The early Coinages of European Greece". En Corolla Numismatica. Oxford University Press. Páxinas 34-46.
- (1908). "The Initial Coinage of Corcyra". En Numismatic Chronicle. 4ª serie. Vol. 8. Páxina 80.
Moeda medieval inglesa
[editar | editar a fonte]- (1909). "Numismatic history of the reigns of Edward I, II and III" (con J. Shirley Fox). En British Numismatic Journal. Vol. 6. Páxinas 197-212.
- (1917). "The pennies of Edward I, II and III" (con J. Shirley Fox). En The Numismatic Chronicle. 4ª serie. Vol. 17. Páxinas 279-297.
Notas
[editar | editar a fonte]- 1 2 3 4 5 6 7 Lawrence, L. A. (1920). Páxina 94.
- 1 2 3 Lawrence, L. A. (1920). Páxina 95.
- ↑ Fox, H. B. E. (1898). "Greek coins in the collection of Mr. Earle Fox". En Numismatic Chronicle. 3ª serie. Vol. 18. Páxinas 286-293.
- ↑ "Harry Bertram Earle-Fox". The British Museum.
- ↑ Ver "Publicacións".
- ↑ Carson, R. A. G.; Pagan, H. (1986). A History of the Royal Numismatic Society (1836-1986). Royal Numismatic Society, Londres. ISBN 0 901405 24 8. Páxina 60.
- 1 2 "The Society’s Medal". Royal Numismatic Society.
- ↑ "The British Numismatic Society. Proceedings 1907". En The British Numismatic Journal. Vol. 4 (1907). Páxina 366.
- ↑ "Fox, H. B. Earle". WorldCat Identities.
- ↑ "Fox, H.-B. Earle Arquivado 25 de novembro de 2021 en Wayback Machine.". Digital Library Numis.
Véxase tamén
[editar | editar a fonte]Bibliografía
[editar | editar a fonte]- Lawrence, L. A. (1920). "Obituary: Harry Bertram Earle Fox". Numismatic Chronicle. 4ª serie. Vol. 20. Páxinas 94-95.
