Georges Le Rider

Na Galipedia, a Wikipedia en galego.
Saltar ata a navegación Saltar á procura
Georges Le Rider
Datos persoais
Nome completoGeorges Charles Le Rider
Nacemento27 de xaneiro de 1928
LugarSaint-Hernin
Flag of France.svg Francia
Falecemento3 de xullo de 2014
LugarGivors
Flag of France.svg Francia
NacionalidadeFrancesa.
FillosJacques Le Rider
Actividade
CampoHistoriografía e numismática
Alma máter- Escola Normal Superior de París.
-Gabinete de Medallas da BNF
Contribucións e premios
Coñecido porEstudos de numismática grega.
Premios- (1968): Medalla Huntington (ANS).
- (1974): Medalla da RNS.
- (1987): Premio Derek Allen.
editar datos en Wikidata ]


Georges Charles Le Rider, nado o 27 de xaneiro de 1928 en Saint-Hernin, no departamento francés de Finistère, e finado o 3 de xullo de 2014 en Givors, no departamento de Ródano, foi un historiador, bibliotecario e numismático francés especializado na numismática da Antiga Grecia, que dirixiu a Biblioteca Nacional de Francia.[1][2][3][4]

Traxectoria[editar | editar a fonte]

Logo do seu ingreso en 1948 na Escola Normal Superior de París, onde en 1952 acadou a súa graduación en estudos lingüísticos (agrégation de lettres), foi membro da Escola Francesa de Atenas entre 1952 e 1955, e tamén do Instituto Francés de Arqueoloxía do Oriente Próximo, na súa sede de Beirut, onde permaneceu ata 1958.[1][2][3]

Ao seu regreso de Beirut ingresou na Biblioteca Nacional de Francia como conservador do seu Gabinete de Medallas, departamento que pasou a dirixir a partir en 1961.[5][6] En 1975 abandonou o seu posto no Gabinete de Medallas ao ser designado administrador xeral da Biblioteca Nacional, posto que ocupou ata o seu nomeamento, en 1981, como director do Instituto Francés de Estudos Anatolianos, en Istambul.[1][2][3]

Paralelamente, desenvolveu o seu labor como ensinante, inicialmente na Escola Práctica de Altos Estudos de París, da que chegou a ser director de estudos, e en 1965 acadou o grao de doutor en Letras. No curso 1968-1969 ensinou Historia Grega na Universidade de Lille e entre 1984 e 1993 impartiu docencia na Sorbona (París-IV), antes de ser elixido ese mesmo ano profesor titular de Historia Económica e Monetaria do Oriente Helenístico no Collège de France, onde permaneceu ata o seu retiro en 1998.[1][2][3]

En 1989 foi elixido membro da Académie des inscriptions et belles-lettres (París). No ámbito académico, formou parte tamén da Académie royale des Sciences, des Lettres et des Beaux-Arts (Bruxelas) e da Academia Polaca de Ciencias e Letras (Cracovia). [1][2][3]

Entre outras organizacións do ámbito numismático, pertenceu á Société française de Numismatique (París), á American Numismatic Society (Nova York), á Société royale de Numismatique de Belgique (Bruxelas), á Österreichische Numismatische Gesellschaft (Viena), á Societatea Numismatica Româna (Bucarest) e á Comisión Internacional de Numismática, da que foi presidente entre 1973 e 1979.[1][2][3]

Entre 1962 e 1975 foi un dos integrantes do equipo de dirección da Revue Numismatique, editada pola Sociedade Francesa de Numismática. [7]

En 1999, con motivo da súa xubilación, recibiu unha homenaxe en forma de publicación, titulada Travaux de numismatique grecque offerts à Georges Le Rider, baixo a dirección de Michel Amandry e Silvia Hurter, que recolle 37 colaboracións de especialistas mundiais na numismática da Antiga Grecia.[8][9]

Recoñecementos[editar | editar a fonte]

Entre outros, Georges Le Rider foi recoñecido cos seguintes premios e distincións:[1][2][3]

Distincións[editar | editar a fonte]

  • (1977): Cabaleiro da orde da Lexión de Honor.[10]
  • (2008): Oficial da orde da Lexión de Honor.[11]
  • (1976): Doutor honoris causa pola Universidade Católica de Lovaina
  • (2000): Doutor honoris causa pola Universidade de Lausana.
  • Oficial da Orde do Mérito.
  • Comendador da Orde das Palmas Académicas.
  • Comendador da Orde da Estrela Polar (Suecia).
  • Comendador da Orde do León (Senegal).

Premios[editar | editar a fonte]

Escolma de publicacións[editar | editar a fonte]

Da ampla produción de artigos e monografías da autoría de De Rider, pódense salientar os seguintes:[15][16]

Monografías[editar | editar a fonte]

  • (1965): Suse sous les Séleucides et les Parthes, les trouvailles monétaires et l’histoire de la ville (tese de doutoramento). P. Geuthner. París.
  • (1966): Monnaies crétoises du Ve au Ier siècle av. J.-C. (tese complementaria). P. Geuthner. París.
  • (1975): Code pour l’analyse des monnaies. Centre national de la recherche scientifique. ISBN 978-2222018162
  • (1977): Le monnayage d’argent et d’or de Philippe II frappé en Macédoine de 359 à 294. E. Bourgey. París. ISBN 9782902617012
  • (1983): Catalogue de la collection Delepierre entrée au Cabinet des médailles en 1966 (con H. Nicolet).
  • (1989): Le Trésor de Meydancikkale (Cilicie-Trachée 1980) (con A. Davesne). Recherche sur les Civilisations. París. ISBN 9782865381951
  • (1996): Monnayages et finances de Philippe II, un état de la question. Atenas. ISBN 960-7094-92-1
  • (1997): Prix du blé et numéraire dans l’Égypte lagide de 305 à 173 (con H. Cadell). Fondation égyptologique Reine Elisabeth. Bruxelas.
  • (1998): Séleucie du Tigre, les monnaies séleucides et parthes. La Lettere. ISBN 978-8871664422
  • (1999): Antioche de Syrie sous les Séleucides: corpus des monnaies d’or et d’argent. I. De Séleucos à Antiochos V, c. 300-161. Académie des inscriptions et belles-lettres. París. ISBN 978-2877541077
  • (2001): La naissance de la monnaie: pratiques monétaires de l'Orient ancien. Presses Universitaires de France. ISBN 978-2130514671
  • (2003): Alexandre Le Grand: monnaie, finances et politique. Presses Universitaires de France. ISBN 978-2130529408
  • (2006): Les Séleucides et les Ptolémées: l'héritage monétaire et financier d'Alexandre le Grand (con François de Callataÿ). Editions du Rocher. ISBN 978-2268058504

Artigos[editar | editar a fonte]

Notas[editar | editar a fonte]

  1. 1,0 1,1 1,2 1,3 1,4 1,5 1,6 "Le Ridier Georges, Charles". Académie des Inscriptions et Belles-Lettres.
  2. 2,0 2,1 2,2 2,3 2,4 2,5 2,6 Amandry, M. (2014). "Georges Le Rider (1928-2014)". En Compte rendu 61. Conseil International de Numismatique. Páxinas 75-81.
  3. 3,0 3,1 3,2 3,3 3,4 3,5 3,6 Caallataÿ, F. (2014). "Georges Le Rider (1928-2014)". En Bulletins de l'Académie Royale de Belgique. 25. Páxinas 117-122.
  4. Catinchi, P-J. (2014). "Georges Le Rider (1928-2014), historien du monde antique et de la monnaie". En Le Monde. 5 de xullo.
  5. "Les directeurs du département des Monnaies, Médailles et Antiques depuis 1719". Bibliothèque nationale de France.
  6. Duyrat, F. (2016). "Georges Le Rider et le Cabinet des médailles de la Bibliothèque nationale". En Revue numismatique. Société française de numismatique. 173. Páxinas 21-44.
  7. Lafaurie, J. (1986). "La Société française de numismatique (1865-1965): directeurs et sécretaires de la Revue Numnismatique 1836-1986". En Revue Numismatique. 1986. Páxina 47.
  8. Amandry, M.; Hurter, S. (1999). Travaux de numismatique grecque offerts à Georges Le Rider. Spink and Son. Londres. ISBN 9781902040264
  9. "Recensión da publicación por Laurianne Martínez-Sève". En Revue des Études Grecques. 2001. 114-2. Páxinas 671-675.
  10. "Ordre National de la Légion D'Honneur. Décrets portant promotion et nomination". En Journal Officiel de la République Française. 10 de abril de 1977 Páxina 2.133.
  11. "Décret du 30 janvier 2008 portant promotion et nomination". Journal Officiel de la République Française. 31 de xaneiro de 2008.
  12. "Recipients of the Huntington Medal Award". American Numismatic Society.
  13. "The Society’s Medal". Royal Numismatic Society.
  14. "Derek Allen Prize Fund". British Academy.
  15. "Le Rider, Georges (1928-2014)". Persee.cfr
  16. "Le Rider, Georges". WorldCat.

Véxase tamén[editar | editar a fonte]

Outros artigos[editar | editar a fonte]