Parmeshwari Lal Gupta

Na Galipedia, a Wikipedia en galego.
Saltar ata a navegación Saltar á procura
Parmeshwari Lal Gupta
Parmeshwari Lal Gupta.jpg
Parmeshwari Lal Gupta
Datos persoais
Nacemento24 de decembro de 1914
LugarAzamgarh.
Seal of Uttar Pradesh.svg Uttar Pradesh.
India India
Falecemento29 de xullo de 2001 (86 anos)
LugarSealofMumbai.jpg Bombai.
Seal of Maharashtra.png Maharashtra.
India India
NacionalidadeIndia
CónxuxeAnnapurna Gupta.[1]
RelixiónHinduísmo
Actividade
CampoNumismática, museoloxía e xornalismo.
Alma máterLogo of Benares Hindu University.png Universidade Hindí de Benarís.
Director de teseV. S. Agrawala.
Contribucións e premios
Coñecido porEstudos de moeda da India.
Premios(1987): Medalla Huntington (ANS.
editar datos en Wikidata ]

Parmeshwari Lal Gupta, nado o 24 de decembro de 1914 en Azamgarh, Uttar Pradesh, e finado o 29 de xullo de 2001 en Bombai, foi un numismático indio especializado no estudo da historia da moeda da India, sobre todo na época medieval.[2]

Traxectoria[editar | editar a fonte]

Primeiros anos, educación e activismo[editar | editar a fonte]

Gupta naceu en Azamgarh, unha cidade daquela encadrada nas Provincias Unidas de Agra e Oudh, da India Británica, e nesa cidade comezou o seu ensino secundario na Wesley High School, da que foi expulsado en 1930 por unirse á axitación política local. Logo de se adherir ao movemento de independencia da India uníndose ao Congreso Nacional da India, foi feito prisioneiro en varias ocasións polo Goberno británico. Nesa época exerceu tamén o xornalismo en medios locais hindis como o Aaj e o Sainik, e promoveu diversos proxectos benéficos e de xustiza social.[3][4]

O contacto con Rama Shanker Rawat, un avogado membro do Congreso Nacional da India coleccionista de moedas co que Gupta colaborou nesta década de 1930, foi o xerme do seu interese polo estudo da numismática da India.[1]

Logo da liberación do país en 1947 deixou o activismo político e retomou a súa formación, o que o levou a graduarse en Historia e Cultura da India Antiga na Universidade Hindú de Benarés.[3][4][5]

Carreira museística e numismática[editar | editar a fonte]

Logo do seu período de estudante, Gupta traballou como conservador axudante no museo Bharat Kalabhavan, da propia Universidade Hindú de Benarés, entre 1950 e 1954. Durante este período comezou a preparar o seu doutoramento acerca das moedas contramarcadas con perforacións na antiga India,baixo a dirección do profesor V. S. Agrawala. No momento de acadar o grao de doutor, en 1960, Gupta traballaba como conservador de numismática no Museo Prince of Wales de Bombai, onde estivo en exercicio entre 1955 e 1962.[5] Ese último ano fixo unha estadía formativa no Departamento de Moedas e Medallas do Museo Británico, en Londres.[4][6]

En 1963 ingresou no Patna Museum, no Estado de Bihar, onde exerceu o posto de conservador-director ata 1972. Logo da súa xubilación estableceuse en Nasik, no Estado de Maharashtra, onde en 1980 instituíu e foi o primeiro director do Indian Institute of Research in Numismatic Studies.[4][1][6]

Recoñecementos[editar | editar a fonte]

Gupta foi nomeado membro de honra de varias sociedades e entidades numismáticas, como é o caso da Sociedade Numismática da India (1972), a Royal Numismátic Society, de Londres (1975), a Comisión Internacional de Numismática (1986) ou a Sociedade Asiática de Bombai (1993).[4][1][6]

Pola súa banda, a Sociedade Numismática do Sur da India instituíu na súa honra a medalla P. L. Gupta, para recoñecer as contribucións doutros numismáticos do país.[1]

En 1992 foi obxecto dunha publicación colectiva na súa honra baixo o título Indian numismatics, history, art, and culture: essays in the honour of Dr. P.L. Gupta.[7]

Ademais foi merecedor dos seguintes premios:[4][1][6]

Publicacións[editar | editar a fonte]

Desde que en 1942 aparecera o seu primeiro artigo no Journal of the Indian Numismatic Society, Gupta foi autor dun amplo número de colaboracións e de máis dunha trintena de traballos monográficos.[6][11][2]

Escolma de monografías[editar | editar a fonte]

  • (1950-1952). Bibliography of Indian coins (con C. R. Singhal) (4 vol.). Numismatic Society of India, Benarés.
  • (1955). A bibliography of the hoards of punch-marked coins of ancient India. Numismatic Society of India, Bombai.
  • (1961). Punch-Marked coins in the Andhra Pradesh Government Museum (con N. Ramesan). Hyderabad-Deccan Government of Andhra Pradesh.
  • (1961). The Numismatic Society of India Golden Jubilee Volume. Numismatic Society of Indis, Benarés.
  • (1963). The Amaravati hoard of silver punch-marked coins. Government of Andhra Pradesh, Hyderabad.
  • (1964). A survey of Indian numismatography (con J. Narain Tiwari). Numismatic Society of India, Benarés..
  • (1965). Roman coins from Andhra Pradesh (con Abdul Waheed Khan). Government of Andhra Pradesh, Hyderabad.
  • (1965): Patna Museum catalogue of antiquities. Patna Museum, Patna.
  • (1965). The early coins from Kerala. Government of Kerala, Trivandrum.
  • (1969). Coins. National Book Trust, Nova Deli.
  • (1969). Coin-hoards from Gujarat State. Numismatic Society of India, Benarés.
  • (1970). Coin-hoards from Maharashtra. Numismatic Society of India, Benarés.
  • (1970). Gupta Samrajaya.
  • (1972). Gangetic Valley terrocotta art. Prithivi Prakashan, Benarés.
  • (1974-1979). The imperial Guptas. Vol. 1 (1974): Sources, historiography & political history; Vol. 2 (1979): Cultural history. Vishwavidyalaya Prakashan, Benarés.
  • (1977-1979). Bibliography of Indian numismatics (con R. C. Singhal). Vol. 1 (1977): Ancient period; Vol. 2 (1979): Medieval and modern. Numismatic Society of India, Benarés.
  • (1981). Gupta Gold Coins in Bharat Kala Bhavan (con S. Srivastava). Banaras Hindu University, Benarés.
  • (1981). Coins, the Source of Indian History: Four Lectures. Indian Institute of Research in Numismatic Studies, Nasik.
  • (1985). Indian silver punchmarked coins: Magadha-Maurya Karshapana series (con T. R. Hardaker). Indian Institute of Research in Numismatic Studies, Nasik.
  • (1988). Numismatic history of Himachal Pradesh. BR Publishing Corporation. ISBN 9788170184553
  • (1994). Kuṣāṇa coins and history (con S. Kulashreshtha). D .K. Printworld, Nova Deli. ISBN 9788124600177
  • (1997). Coins and history of medieval India. Rahul Pub, Nova Deli. ISBN 9788173880704
  • (2000). Paper money of India. Currencies & Coins, Bombai. ISBN 9788190106801

Notas[editar | editar a fonte]

  1. 1,0 1,1 1,2 1,3 1,4 1,5 Darley, R. (2016).
  2. 2,0 2,1 "Dr. Parmeshwari Lal Gupta". APCIgroup.in
  3. 3,0 3,1 CIN (2001). Páxina 51.
  4. 4,0 4,1 4,2 4,3 4,4 4,5 "Dr. Parmeshwari Lal Gupta. Biographical sketch". APCIgroup.in
  5. 5,0 5,1 McDowall, D. W.; Savita Sharma; Sanjay Garg (1992). Indian Numismatics, History, Art and Culture. Essays in Honour of Dr. Parmeshwari Lal Gupta. Agam Kala Prakashan.
  6. 6,0 6,1 6,2 6,3 6,4 CIN (2001). Páxina 52.
  7. MacDowall, D. W. et al. (1992). Indian numismatics, history, art, and culture: essays in the honour of Dr. P.L. Gupta. Agam Kala Prakashan, Nova Deli.
  8. "The Lhotka Memorial Prize". The Royal Numismatic Society.
  9. "The Society’s Medal". Royal Numismatic Society.
  10. "Recipients of the Huntington Medal Award". American Numismatic Society.
  11. "Gupta, Parmeshwari Lal 1914-2001". WorldCat Identities.

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]