Ursula Kampmann
| Ursula Kampmann –Ursula Maria Kampmann– | |
|---|---|
.jpg) Ursula Kampmann na conferencia internacional Translatio Nummorum, en 2011 | |
| Datos persoais | |
| Nacemento | 1964 |
| Lugar |  Múnic. Baviera. Alemaña |
| Nacionalidade | Alemá. |
| Actividade | |
| Campo | Numismática e historiografía |
| Alma máter | - Universidade de Múnic. - Universidade do Sarre. |
| Contribucións e premios | |
| Coñecida por | Comercio e xornalismo numismático. |
| Premios | - (2002): Premio Vreneli. - (2003): Premio da Sociedade de Historia Monetaria Internacional (GIG). - (2012): Premio Otto Paul Wenger. - (2015): Premio Burnett Anderson Memorial. |
| [ editar datos en Wikidata ] | |
Ursula Maria Kampmann, nada o 20 de xuño de 1964 en Múnic, Baviera, é unha numismática, historiadora e xornalista alemá.[1]
Traxectoria[editar | editar a fonte]
Ursula Kampmann estudou Historia Antiga, Historia Medieval e Arqueoloxía do Oriente Próximo na Universidade de Múnic e na Universidade do Sarre, cun enfoque especial na numismática antiga. En 1991 acadou o seu doutoramento cunha tese titulada Die Homonoia-Verbindungen von Pergamon ("As conexións da homonoia en Pérgamo").[1]
Paralelamente á súa formación académica, Kampmann traballou no comercio numismático, nunha primeira etapa entre 1987 e 1990 na compañía Giessener Münzhandlung, de Múnic, e posteriormente de 1992 a 2001 na suíza Münzen und Medaillen AG.[1]
Durante ese período de traballo no comercio numismático comezou a dedicarse ao xornalismo especializado neste sector. A partir de 1996, os seus artigos publicáronse fundamentalmente na revista MünzenRevue, da que é editora xefa desde 2002, e tamén noutras de diferentes países e traducidos a varios idiomas.[1]
Entre 2001 e 2005 traballou na Axencia Internacional para a Supresión da Falsificación de Moedas (IBSCC), da Asociación Internacional de Numismáticos Profesionais (IAPN), o que a levou a prublicar unha serie de artigos sobre a falsificación de moeda.[1]
Ursula Kampmann é, ademais, a fundadora dunha revista numismática internacional en liña que ten unha versión en inglés, chamada Coins Weekly, e outra en alemán, Münzen Woche.[1]
No seu aspecto como divulgadora numismática imparte conferencias dirixidas tanto a profesionais como a afeccionados, e os seus traballos, á parte dos libros, inclúen tamén programas de radio, producións videográficas e organización de exposicións, como a titulada "A xente de Zürich e o diñeiro" (Die Zürcher und ihr Geld), a dos Museos Estatais de Suíza levada a cabo no Museo Bärengasse, ou a da Casa da Moeda de Berlín titulada KleinGeld ("moeda miúda").[1]
Ursula Kampmann é membro de American Numismatic Society.[2]
Recoñecementos[editar | editar a fonte]
- 2002: Premio Vreneli, outorgado pola revista suíza Münzen-Revue con ocasión da Feira Mundial do Diñeiro.[1]
- 2003: Premio de Honra da Sociedade de Historia Monetaria Internacional (GIG).[3]
- 2012: Premio Otto Paul Wenger, da Asociación de Profesionais Numismáticos Suízos.[4][5][6]
- 2015: Premio Burnett Anderson Memorial, da American Numismatic Association (ANA), a American Numismatic Society (ANS) e o Gremio Literario Numismático (Numismatic Literary Guild -NLG-).[7][8][9]
Escolma de publicacións[editar | editar a fonte]
- (1996): Die Homonoia-Verbindungen der Stadt Pergamon oder der Versuch einer kleinasiatischen Stadt unter römischer Herrschaft eigenständige Politik zu betreiben. Saarbrücken. Saarbrücker Druckerei und Verlag. ISBN 9783925036972
- (1999): Gottheit und Polis griechische Münzen. Stuttgart Klett. ISBN 9783129932391
- (2004): Die Münzen der römischen Kaiserzeit. Regenstauf. ISBN 3-924861-77-3
- (2005): Menschengesichter. Götter, Herrscher, Ideale – das Antlitz des Menschen im Münzbild. Zürich. Oesch ISBN 3-0350-9002-5
- (2005): Geld und Macht in der Antike. Zürich. MoneyMuseum.[10]
- (2006): Die Zürcher und ihr Geld : Begleitbuch zur Ausstellung. Zürich. MoneyMuseum.
- (2008): Die Münzen der römischen Münzstätte Alexandria (con T. Ganschow). Battenberg. Regenstauf. ISBN 978-3-86646-027-0
- (2011): Im Schatten der Adler Roms. Münzen der Republik aus der Sammlung Wyprächtiger. Zürich. Oesch. ISBN 978-3-0350-9007-9
- (2012): Numismatisches Wörterbuch : Englisch - Deutsch : Deutsch - Englisch. Battenberg. Regenstauf. ISBN 9783866460850
- (2018): Der Wiener Philharmoniker. Eine Anlagemünze schreibt Geschichte. Battenberg. ISBN 978-3-86646-145-1
Notas[editar | editar a fonte]
- ↑ 1,0 1,1 1,2 1,3 1,4 1,5 1,6 1,7 "Kampmann, Ursula". En Coins Weekly. 21 de decembro de 2016.
- ↑ "ANS Fellows 2020". American Numismatic Society.
- ↑ "Gesellschaft für Internationale Geldgeschichte". www.gig-geldgeschichte.de. Consultado o 2021-05-28.
- ↑ "Ursula Kampmann received Otto-Paul-Wenger Award". En Coins Weekly. 4 de xullo de 2012.
- ↑ "Ursula Kampmann erhält Otto-Paul-Wenger-Preis". Verband Schweizer Berufsnumismatiker.
- ↑ "Otto Paul Wenger-Preis". En Numis Post.
- ↑ "American Numismatic Association Past Award Recipients". American Numismatic Association.
- ↑ "Ursula Kampmann to Receive 2015 Burnett Anderson Memorial Award for Excellence in Numismatic Writing Arquivado 17 de febreiro de 2020 en Wayback Machine.". En Coin Week. 2 de setembro de 2015.
- ↑ "Ursula Kampmann to receive the 2015 Burnett Anderson Award". En Coins Weekly. 3 de setembro de 2015.
- ↑ "Geld und Macht in der Antike - Eine Hörspielreihe von Ursula Kampmann". Money Museum.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Ursula Kampmann  |
Ligazóns externas[editar | editar a fonte]
- Nados en 1964
- Nados en Múnic
- Numismáticos de Alemaña
- Historiadores de Alemaña
- Xornalistas de Alemaña
- Galardoados co premio da Sociedade de Historia Monetaria Internacional
- Galardoados co premio Burnett Anderson Memorial
- Alumnos da Universidade de Múnic
- Alumnos da Universidade do Sarre
- Galardoados co Premio Otto Paul Wenger