Olivier Picard

Na Galipedia, a Wikipedia en galego.
Saltar ata a navegación Saltar á procura
Olivier Picard
Datos persoais
Nacemento4 de marzo de 1940
LugarBlason actuel de Bernay.svg Bernay.
Flag of Normandie.svg Normandía.
Flag of France.svg Francia
NacionalidadeFrancesa.
Actividade
CampoNumismática e arqueoloxía.
Alma máterEscola Normal Superior de París.
Contribucións e premios
Coñecido porEstudos helenísticos.
Premios(2013): Medalla Huntington (ANS).
editar datos en Wikidata ]

Olivier Picard, nado o 4 de marzo de 1940 en Bernay, Normandía, é un historiador, arqueólogo e numismático francés especializado na Antiga Grecia.[1]

Picardo foi director da Escola Francesa de Atenas e é membro da Académie des inscriptions et belles-lettres.[1]

Traxectoria[editar | editar a fonte]

Olivier Picard naceu na vila normanda de Bernay o 4 de marzo de 1940, o maior dos fillos dos historiadores e arqueólogos Gilbert Charles-Picard e de Colette Durand, e neto do helenista Charles Picard. Graduouse en educación secundaria en 1957 no instituto Fustel de Coulanges, en Estrasburgo.[2]

Picard formouse na École normale supérieure (1960) e acadou a agregación para a docencia da historia no ensino secundario en 1964. No período 1966-1971 foi membro da Escola Francesa de Atenas.[1] En 1976 acadou o seu doutoramento cunha tese titulada Chalcis et la Confédération eubéenne.[2]

Comezou a docencia universitaria como profesor axudante na Universidade de París-Nanterre (París X) en 1971, e xa como profesor titular entre 1979 e 1992.[1][2]

Entre 1981 e 1992 dirixiu a Escola Francesa de Atenas e logo regresou durante un ano o seu posto na Universidade de París-Nanterre.[3] Finalmente, en 1993 foi nomeado profesor da Universidade de París Sorbona (París IV), na que desde 2004 dirixiu a escola de doutoramento "Mundos antigos e medievais".[1][2]

Como arqueólogo, participou nas escavacións de Thasos et Lato.[1] Entre 1996 e 1999 dirixiu a Maison Archéologie & Ethnologie René-Ginouvès, establecida no campus da Universidade París-Nasterre. Así mesmo, Picard presidiu a Asociación de Estudos gregos (1997-1998), de cuxa revista Revue des Études grecques foi nomeado director en 2000.[1][2]

Entre 1995 e 1997 foi o presidente da Sociedade Francesa de Numismática.[4][5] Tamén codirixiu a revista desta sociedade, Revue numismatique, desde 1997 ata 2014.[1][2][6]

No verán de 1999 foi o profesor encargado do seminario estival da American Numismatic Society.[1][2]

Recoñecementos[editar | editar a fonte]

Olivier Picard foi elixido membro da Académie des inscriptions et belles-lettres, de París, en 2001. No seu país tamén foi recoñecido como cabaleiro da Lexión de Honor, oficial da Orde nacional do Mérito e comendador da Orde das Palmas Académicas.[1][2]

Premios[editar | editar a fonte]

Publicacións[editar | editar a fonte]

Picard foi autor dun bo número de artigos publicados en diferentes revistas especializadas, así como de máis dunah ducia de traballos monográficos:[9][10][11][12][13]

Monografías[editar | editar a fonte]

  • (1971). Collection Hélène Stathatos. Bd. IV, 1: Bijoux et petits objets
  • (1979). Chalcis et la confédération eubéenne. Étude de numismatique et d’histoire. École Française d'Athènes, Atenas.
  • (1980). Les Grecs devant la menace perse. Société d'édition d'enseignement supérieur, París. ISBN 9782718118192
  • (1981). Catalogue de la donation Henry Vernin. Monnaies grecques (con G. Reynaud). Archives de la ville de Marseille, Cabinet des médailles, Marsella.
  • (1992). La redécouverte de Delphes. École française d'Athènes, Atenas. ISBN 9782869580503
  • (2000). Guerre et économie dans l’alliance athénienne (490-322 av. J.-C.). Société d'édition d'enseignement supérieur, París. ISBN 9782718192918
  • (2003). Royaumes et cités hellénistiques de 323 à 55 av. J.-C. Société d'édition d'enseignement supérieur, París. ISBN 9782718194509
  • (2005). L’exception égyptienne? Production et échanges monétaires en Égypte hellénistique et romaine (con F. Duyrat). Institut français d'archéologie orientale, O Cairo. ISBN 9782724704105
  • (2007). Monnaies de Bronze de Marseille, Analyse, classement, politique monétaire (con J. N. Barrandon). Centre national de la recherche scientifique, París. ISBN 9782271064950
  • (2008). Économies et sociétés en Grèce ancienne (478-88 av. J.-C.): oikonomia et économie (con M. Brunet). Société d'édition d'enseignement supérieur, París. ISBN 9782301000040
  • (2011). Nomisma, La circulation monétaire dans le monde grec antique (con Th. Faucher, M. C. Marcellesi). École Française d'Athènes, Atenas. ISBN 9782869582248
  • (2012). Les monnaies des fouilles du Centre d’Études alexandrines, Les monnayages de bronze à Alexandrie de la conquête d’Alexandre à l’Égypte moderne. Centre d'études alexandrines, París. ISBN 9782111286160
  • (2017). The Hellenistic harbour of Amathus : underwater excavations, 1984-1986 (con J. Y. Empereur et al.). École française d'Athènes, Atenas. ISBN 9782869584464
  • (2019). Thasos: heurs et malheurs d'un Eldorado antique (con M. Brunet et al.). Ecole française d'Athènes, Atenas. ISBN 9782708410473

Notas[editar | editar a fonte]

  1. 1,0 1,1 1,2 1,3 1,4 1,5 1,6 1,7 1,8 1,9 "Picard, Olivier". Académie des inscriptions et belles-lettres.
  2. 2,0 2,1 2,2 2,3 2,4 2,5 2,6 2,7 "Curriculum Vitae: Olivier Picard". Academia.edu
  3. "1981-1992. Direction O. Picard". École française d'Athènes.
  4. "Les présidents de la SFN depuis 1965". En Bulletin de la Société Française de Numismatique. Decembro de 2014. Nº 10. Páxinas 313-314.
  5. "Les présidents de la SFN". Société française de numismatique.
  6. "Directeurs et sécretaires de la Revue Numnismatique 1836-1986". En Lafaurie, J. "La Revue Numismatique a 150 ans"". En Revue Numismatique. 1986. Páxinas 7-50 (para anos posteriores cómpre examinar cada número concreto da revista a través de Persée).
  7. "Recipients of the Huntington Medal Award". American Numismatic Society.
  8. "2012 and 2013 Huntington Awards for excellence in numismatic scholarship". Coins Weekly. 28 de marzo de 2013.
  9. "Bibliographie. Olivier Picard". Académie des Inscriptions et Belles-Lettres. Febreiro de 2014.
  10. "Digital Library Numis". Digital Library Numis.
  11. "Picard, Olivier (1940-)". Persee.fr
  12. "Picard, Olivier". WorldCat Identities.
  13. "Olivier Picard". Academia.edu

Véxase tamén[editar | editar a fonte]

Ligazóns externas[editar | editar a fonte]