Colin M. Kraay

Na Galipedia, a Wikipedia en galego.
Saltar ata a navegación Saltar á procura
Colin Mackennal Kraay
Datos persoais
Nacemento23 de marzo de 1918
LugarCoat of Arms of The City of London.svg Hampstead, Londres
Flag of England.svg Inglaterra
Falecemento27 de xaneiro de 1982 (63 anos)
LugarOxford wapen.svg Oxford
Flag of England.svg Inglaterra
NacionalidadeFlag of the United Kingdom.svg Británica
Actividade
CampoNumismática.
Alma máterUniversidade de Oxford
Contribucións e premios
Coñecido por- Presidente da RNS.
- Conservador do Museo Ashmolean.
Premios- (1980): Medalla da Royal Numismatic Society.
- (1973): Medalla Huntington, da ANS.
editar datos en Wikidata ]

Colin Mackennal Kraay, nado en Hampstead, Londres, o 23 de marzo de 1918, e finado en Oxford, o 27 de xaneiro de 1982, foi un numismático británico.[1]

Traxectoria[editar | editar a fonte]

Kraay, logo da súa educación secundaria no Lancing College, en West Sussex, cursou os seus estudos universitarios de Ciencias da Antigüidade a partir de 1937 no Magdalen College, da Universidade de Oxford. Logo de acadar o primeiro grao en 1939, colaborou con Alan Wace nas escavacións de Micenas. [1]

O seu período de formación interrompeuse pola II guerra mundial, na que tivo que participar nas forzas armadas do Norte de África e en Italia. Acabada a guerra, entre 1946 e 1947 puido retomar os seus estudos en Oxford, onde en 1953 presentou a súa tese The aes coinage of Rome and its subsidiary mint in the West, A.D. 68-81. En 1948 comezou a traballar no gabinete numismático do Museo Ashmolean, dependente da mesma universidade, como responsable de moeda da Antiga Grecia na coñecida como Heberden Coin Room. Entre 1975 e 1982 ocupou alí o posto de conservador.[1]

Kraay dedicouse inicialmente á moeda da Antiga Roma, aínda que o seu contacto coa moeda grega nas coleccións do Museo Ashmolean fixo que pasase a sentirse máis interesado nela. En 1976 publicou un resumo sobre o seu traballo coas moedas gregas dos períodos arcaico e clásico, e en 1974, xunto con Margaret Thompson e Otto Mørkholm, publicou An Inventory of Greek Coin Hoards, a obra de referencia para os tesouros gregos.[1]

Entre 1970 e 1974 foi o presidente da Royal Numismatic Society, de Londres.[2]

Recoñecementos[editar | editar a fonte]

Publicacións[editar | editar a fonte]

Notas[editar | editar a fonte]

  1. 1,0 1,1 1,2 1,3 1,4 Sutherland, C. H. V. (1982).
  2. "Presidents of the Society". The Royal Numismatic Society.
  3. "The Society’s Medal". Royal Numismatic Society.
  4. "Recipients of the Huntington Medal Award". American Numismatic Society.
  5. Recensión da obra. The American Historical Review.

Véxase tamén[editar | editar a fonte]

Bibliografía[editar | editar a fonte]