Michael Alram

Na Galipedia, a Wikipedia en galego.
Michael Alram
Datos persoais
Nacemento16 de abril de 1956
LugarFlag of Austrian Empire Viena
Austria Austria
NacionalidadeAustríaca
Actividade
CampoNumismática
Alma máterUniversidade de Viena
Director de teseRobert Göbl.
Manfred Mayrhofer.
Contribucións e premios
Coñecido porEstudos de numismática antiga.
PremiosVéxase a sección "Recoñecementos".
editar datos en Wikidata ]

Michael Alram, nado o 18 de abril de 1956 en Viena, é un numismático austríaco especializado na moeda da Antigüidade.[1][2][3]

Traxectoria[editar | editar a fonte]

En 1974 comezou os seus estudos de Arqueoloxía Clásica, de Numismática Ántiga e de Historia Antiga na Universidade de Viena, onde acadou o doutoramento en 1982,[2] baixo a dirección de Robert Göbl e Manfred Mayrhofer, coa tese titulada Materialgrundlagen zu den iranischen Personennamen auf antiken Münzen: achaimenidische Satrapen, Persis, Sakas und Pahlavas ("Fundamentos materiais dos nomes de persoa iranianos en moedas antigas: sátrapas, aqueménidas, Persis, Sakas e Pahlavas").[3]

Entre 1977 e 1982 actuou como colaborador da comisión iraniana da Academia Austríaca das Ciencias no proxecto de investigación Iranische Personennamen auf antiken Münzen ("Nomes de persoa iranianos en moedas antigas") no marco do Iranischen Personennamenbuch ("Libro dos nomes de persoa iranianos"). Desde 1982 é colaborador da comisión numismática da Academia Austríaca das Ciencias.[2][3]

Tamén en 1982, accedeu ao posto de lector no Instituto de Numismática da Universidade de Viena, onde en 1987 obtivo a habilitación como docente universitario de Numismática e Historia Monetaria.[2][3]

En 1987 foi nomeado conservador do gabinete numismático (Münzkabinett) do Kunsthistorisches Museum de Viena, onde se encargou das moedas bizantinas, medievais e orientais. En 2001 accedeu ao posto de subdirector do gabinete e en 2008 foi nomeado director.[2][3][4]

Desde 1998 é membro correspondente e desde 2003 membro efectivo da Clase Filosófico-Histórica da Academia Austríaca das Ciencias, e o 19 de abril de 2013 foi elixido vicepresidente da Academia por un período de catro anos.[1][2][3] En abril de 2017 foi confirmado por un novo período, ata o 30 de xuño de 2022.[5]

Alram é, desde 2015, o presidente do Consello Internacional de Numismática.[3][6] Con anteriordidade xa ocupara o cargo de secretario desta institución durante o período 2009-2015.[2]

Tamén forma parte do consello editorial da Sociedade Suíza de Numismática, que edita, entre outras publicacións, a prestixosa revista Schweizerische Numismatische Rundschau.[7]

Recoñecementos[editar | editar a fonte]

Publicacións[editar | editar a fonte]

Esta é unha escolma das publicacións numismáticas máis salientables de Michael Alram ao longo da súa traxectoria académica:[1][17]

  • (1986). "Nomina Propria Iranica in Nummis. Materialgrundlagen zu den iranischen Personennamen auf antiken Münzen". En Iranisches Personennamenbuch. Vol. IV. ÖAW, Viena.
  • (1989). "Die Münzprägung des Kaisers Maximinus I. Thrax (235-238)". En Moneta Imperii Romani. 27. ÖAW, Viena.

Notas[editar | editar a fonte]

  1. 1,0 1,1 1,2 1,3 "Michael Alram". Österreichischen Akademie der Wissenschaften.
  2. 2,0 2,1 2,2 2,3 2,4 2,5 2,6 2,7 "Michael Alram. Curriculum Vitae Arquivado 15 de xullo de 2020 en Wayback Machine.". International Numismatic Council.
  3. 3,0 3,1 3,2 3,3 3,4 3,5 3,6 "Alram, Michael". En Coins Weekly. 14 de xaneiro de 2016.
  4. "Curatorial staff". Kunst Historisches Museum Wien.
  5. "Newes präsidium der ÖAW Gewählt". Österreichische Akademie der Wissenschaften. 10 de abril de 2017.
  6. "Committee of the INC Arquivado 05 de xullo de 2018 en Wayback Machine.". No sitio web do CIN.
  7. "Editorial Board". Schweizerische Numismatische Gesellschaft.
  8. "The Gilljam Prize for Third-Century Numismatics". The Royal Numismatic Society.
  9. "Médaille et jeton de vermeil". Société Française de Numismatique (SFN).
  10. "The Society’s Medal". Royal Numismatic Society.
  11. "Gesellschaft für Internationale Geldgeschichte". www.gig-geldgeschichte.de. Consultado o 2021-05-28. 
  12. "Recipients of the Huntington Medal Award". American Numismatic Society.
  13. "Dr. Michael Alram Received Huntington Award". American Numismatic Society.
  14. "Michael Alram to receive distinguished Huntington Award". Coins Weekly. 3 de marzo de 2016.
  15. "Die Eckhel Medaille". Sitio web da OENG.
  16. "Wolfgang-Hahn-Medaille". Institut für Numismatik und Geldgeschichte. Univarsität Wien.
  17. "Alram, Michael 1956- Arquivado 08 de maio de 2021 en Wayback Machine.". Digital Library Numis.

Véxase tamén[editar | editar a fonte]

Ligazóns externas[editar | editar a fonte]