Sydney F. Martin
| Biografía | |
|---|---|
| Nacemento | Decembro de 1945. Schilling Air Force Base, Estados Unidos de América (en)   |
| Morte | 19 de xaneiro de 2021 Jacksonville. Florida. Estados Unidos |
| Cargos | |
| Presidente da American Numismatic Society | |
| Período | 2013-2020 |
| Antecesor | Roger S. Siboni |
| Sucesor | Ute Wartenberg |
| Datos persoais | |
| País de nacionalidade | Estadounidense. |
| Educación |  Instituto de Tecnoloxía de Massachusetts. |
| Q89547790 | Estudos sobre moeda colonial dos EEUU. |
| Actividade | |
| Campo de traballo | Numismática e industria militar. |
| Ocupación | numismático |
| Familia | |
| Cónxuxe | Sharon Athy. |
| Premios | |
| (2020): Medalla Huntington (ANS. | |
Sydney Furman Martin, nado en decembro de 1945 en Salina (Kansas) e finado o 19 de xaneiro de 2021 en Jacksonville (Florida), foi un industrial, filántropo e numismático estadounidense.
Traxectoria
[editar | editar a fonte]Sydney F. Martin naceu na base de Smoky Hill da forza aérea dos EEUU en Salina, Kansas, fillo de Furman C. Martin e de Naomi Louise Stevens. Durante a súa infancia desprazouse a varios lugares dos EEUU coa súa familia ata o retiro do seu pai en 1959, cando se instalou en Warsaw, Indiana, onde se graduou en educación secundaria en 1963. Posteriormente cursou tanto o grao como o mestrado en Ciencias no Instituto de Tecnoloxía de Massachusetts, e a partir de aí comezou a súa carreira na industria de defensa, primeiro en diferentes empresas e a partir de 1988 en Sytex, Inc., a compañía que fundou xunto coa súa esposa, Sharon Martin.[1][2]
Paralelamente ao seu labor profesional, durante as tres décadas que residiu en Doylestown, Filadelfia, Martin foi un grande interesado pola filantropía, a arte e, sobre todo, a numismática. Nestes ámbitos ocupou diversos postos, como o de presidente do Museo de Arte de Michener, vicepresidente da Sociedade Histórica de Doylestown, e membro da dirección da Sociedade Bibliográfica Nacional e mesmo dos Boy Scouts dos EEUU.[1][2]
No ámbito numismático, Sydney F. Martin foi membro da American Numismatic Society desde 1997, e entre 2013 e 2020 exerceu a presidencia desta institución.[3] Tanto como coleccionista como nas súas investigacións, especializouse na moeda estadounidense da época colonial e prefederal, aspecto sobre o que realizou numerosas publicacións, e tamén foi o editor da revista Colonial Coin Collectors Society Newsletter. Na súa honra, a Sociedade de Coleccionistas de Moedas Coloniais creou o premio F. Martin á publicación numismática.[1][2]
Xunto coa súa muller emprendeu varios proxectos filantrópicos, entre o que destaca a creación do proxecto Philadelphia Prostate Cancer Bioma no Jefferson Hospital.[1]
Sydney Furman Martin morreu vítima do cancro o 19 de xaneiro de 2021 en Jacksonville, Florida.[1][2][4]
Recoñecementos
[editar | editar a fonte]Defensa
[editar | editar a fonte]Numismática
[editar | editar a fonte]- (2020): Medalla Huntington, da American Numismatic Society, de Nova York. [5][6][7][8]
Publicacións
[editar | editar a fonte]- (2007). The Hibernia Coinage of William Wood (1722-1724). Colonial Coin Collectors Club, Fort Myers. ISBN 9780615153964
- (2011). The Rosa Americana Coinage of William Wood. Colonial Coin Collectors Club, Fort Myers. ISBN 9780692013625
- (2015). French Coinage Specifically for Colonial America. Colonial Coin Collectors Club, Fort Myers. ISBN 9781495171567
- (2018). St. Patrick Coinage for Ireland and New Jersey. Colonial Coin Collectors Club. ISBN 9781532366253
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 "Sydney F. Martin (1945-2021)". En Coins Weekly. 4 de febreiro de 2021.
- ↑ 2,0 2,1 2,2 2,3 2,4 2,5 "Press Release: The ANS Mourns of the Loss of Sydney F. Martin". American Numismatic Society.
- ↑ "Presidents and Chairmen of the American Numismatic Society". American Numismatic Society.
- ↑ "Sydney Furman Martin. Jacksonville, Florida.1945 - 2021". Legacy.com
- ↑ "Recipients of the Huntington Medal Award Arquivado 02 de outubro de 2018 en Wayback Machine.". American Numismatic Society.
- ↑ "Press Release: Sydney Martin accepts the 2020 Huntington Award Arquivado 17 de xaneiro de 2021 en Wayback Machine.". American Numismatic Society.
- ↑ "2020 Archer M. Huntington Award Goes to Sydney F. Martin". En Coins Weekly. 12 de novembro de 2020.
- ↑ "Colonial Coin Expert Sydney Martin to Receive ANS 2020 Huntington Award". En Coin Week. 26 de outubro de 2020.
Véxase tamén
[editar | editar a fonte]Bibliografía
[editar | editar a fonte]- "Sydney F. Martin (1945-2021)". En Coins Weekly. 4 de febreiro de 2021.
| Predecesor: Roger S. Siboni |
 Presidente da American Numismatic Society 2013 - 2020 |
Sucesor: Ute Wartenberg |
