Bernhard Weisser

Bernhard Weisser

·
Biografía
Nacemento	1964 Gotinga, Alemaña
Director de museo
Datos persoais
País de nacionalidade	Alemá
Educación	Universidade de Gotinga. Universidade de Múnic.
Coñecido por	Estudos de numismática antiga.
Actividade
Campo de traballo	Numismática.
Ocupación	arqueólogo clásico , numismático , profesor universitario
Empregador	Gabinete Numismático de Berlín, director de museo (2014–) Universidade Humboldt de Berlín, honorary professor (en) (2009–) Gabinete Numismático de Berlín, conservador (1996–2014)
Membro de	Mommsen Society (en) Comisión Numismática dos Estados da República Federal de Alemaña Sociedade Numismática de Berlín Sociedade Alemá da Medalla de Arte
Lingua	Lingua alemá, lingua inglesa, lingua grega, lingua latina e Grego antigo
Compañeiro profesional	Ulrike Peter
Premios
(2013): Premio da GIG.
Lista  Travel Scholarship of the German Archaeological Institute (en)

Bernhard Weisser, nado en 1964 en Gotinga, é un numismático alemán vinculado ao Gabinete Numismático de Berlín.

Weisser é un especialista en numismática da Antigüidade, especificamente da Magna Grecia. As súas investigacións céntranse en aspectos como as moedas provinciais romanas e as cuñaxes dos Partos, así como nos achados monetarios de Priene e de Mileto.

Traxectoria

Bernhard Weisser concluíu o seu ensino secundario en 1984 no instituto Max-Planck de Gotinga e a continuación iniciou os seus estudos superiores de Arqueoloxía Clásica, Prehistoria e Historia Antiga na Universidade de Gotinga, que continuou a partir de 1987 na Universidade de Múnic, onde se graduou en 1991.

Como bolseiro, entre 1992 e 1996 ampliou estudos de posgrao na Universidade de Atenas, na Universidade de Colonia e no Instituto Arqueolóxico Alemán. En febreiro de 1996 acadou o seu doutoramento en Múnic cunha tese titulada Die kaiserzeitliche Münzprägung von Pergamon ("A cuñaxe de moeda imperial de Pérgamo").

En abril de 1996, Weisser ingresou no Münzkabinett dos Museos Estatais de Berlín, inicialmente como axudante, desde 1999 como colaborador científico e a partir de 2003 como conservador de moeda. Aí formou parte da comisión organizadora do XII Congreso Internacional de Numismática, que tivo lugar nesa cidade en 1997. En setembro de 2014 sucedeu interinamente a Bernd Kluge, logo da xubilación deste como director do Gabinete, e foi confirmado como director o 1 de xuño de 2015.

Durante ese tempo participou tamén en diversas escavacións arqueolóxicas, entre as que destacan as de Sorgenti della Nova, no Lacio (1985), Olimpia (1987), Pérgamo (1991-1993, 1997), Mileto (1998-2000, 2005-2006) e Priene (2005-2013, 2015).

No ámbito docente, Weisser, foi profesor visitante da American Numismatic Society en 2007 e desde 2009 ocupa un posto como profesor de Arqueoloxía Clásica no Instituto Winckelmann da Universidade Humboldt de Berlín.

Bernhard Weisser é membro da Sociedade Numismática de Berlín e membro correspondente do Instituto Arqueolóxico Alemán e, como representante do estado de Berlín, foi membro da Comisión Numismática dos Estados da República Federal de Alemaña desde 2009 e presidente da institución desde febreiro de 2021. Tamén forma parte do consello directivo do Consello Internacional de Numismática e desde 2013 preside a Sociedade Alemá da Medalla de Arte.

Recoñecementos

• (2013): Premio da Sociedade de Historia Monetaria Internacional (GIG).

Publicacións

Weisser publicou ducias de artigos en diversas revistas científicas e publicacións conxuntas, así como diversos traballos monográficos, algúns como autor e outros en condición de editor. Esta é unha escolma das súas monografías:

Monografías

• (1996). Istanbul (con R. Steigemann). Polyglott, Múnic. ISBN 3-493-62763-7
• (2000). XII. Internationaler Numismatischer Kongress, Berlin 1997. Akten - Proceedings - Actes (con B. Kluge, eds.). Münzkabinett, Berlín. ISBN 3-88609-375-5
• (2009). Schatzkammer der antiken Münzkunst. Kurzführer durch die Ausstellung des Münzkabinetts im Pergamonmuseum. Münzkabinett, Berlín. ISBN 978-3-88609-673-2
• (2013). Translatio Nummorum. Römische Kaiser in der Renaissance. Akten des internationalen Symposiums, Berlin 16.-18. November 2011 (con U. Peter, eds.). Verlag Franz Philipp Rutzen, Maguncia. ISBN 978-3-447-06902-1
• (2014). Gold gab ich für Eisen. Der Erste Weltkrieg im Medium der Medaille (con B. Kluge, eds.). Münzkabinett, Berlín. ISBN 978-3-88609-748-7
• (2016). Kunst prägt Geld. Muse, Macht, Moneten. Eine (con Alexa Küter, eds.). nzkabinett, Berlín. ISBN 978-3-86646-137-6
• (1919). Heide Dobberkau. Bildhauerin und Medailleurin (ed.). Münzkabinett, Berlín. ISBN 978-3-86646-189-5
• (2020). Münzkabinett. Menschen Münzen Medaillen (ed.). Münzkabinett, Berlín. ISBN 978-3-86646-202-1

Véxase tamén

Outros artigos

• Gabinete Numismático de Berlín