Johan van Heesch

Na Galipedia, a Wikipedia en galego.
Saltar ata a navegación Saltar á procura
Johan van Heesch
Johanvanheesch2.jpg
Datos persoais
Nacemento9 de marzo de 1955
LugarCoat of arms of Antwerp (City).svg Antuerpen.
Flag of Flanders.svg Flandres.
Bélxica Bélxica
NacionalidadeBelga.
Actividade
CampoNumismática e arqueoloxía.
Alma máter- Universidade de Gante.
- Universidade Católica de Lovaina.
Contribucións e premios
Coñecido porEstudos de numismática do Imperio Romano.
Premios- 2016: Premio Jeton de Vermeil, da SFN
- 2018: Medalla da Royal Numismatic Society.
editar datos en Wikidata ]

Johan van Heesch, nado en Antuerpen o 9 de marzo de 1955, é un numismático belga especializado na moeda e na historia monetaria do Imperio Romano. É conservador no Gabinete de Moedas e Medallas da Biblioteca Real de Bélxica e profesor de Numismática na Universidade Católica de Lovaina.[1]

Traxectoria[editar | editar a fonte]

Van Heesch graduouse en Historia na Universidade de Gante, onde acadou o grao de mestrado, cunha tese sobre os semis e os quadrans cuñados desde Domiciano ata Antonino Pío.[2] Posteriormente doutorouse en Arqueoloxía na Universidade Católica de Lovaina.[1]

Ademais da súa traxectoria académica, tamén está moi vinculado á museoloxía, xa que traballou tamén en museos belgas como o Museo Galorromano de Tongeren, os Museos Reais de Arte e Historia, con sede en Bruxelas, e o Gabinete de Moedas e Medallas da Biblioteca Real de Bélxica.[1]

Ademais, no terreo numismático, Van Heesch foi presidente da Sociedade Real de Numismática de Bélxica (2011-2017) e é o director da Revue belge de Numismatique e o editor de In Monte Artium, o xornal da Biblioteca Real de Bélxica.[1]

Aínda que se ocupou tamén de aspectos como as moedas da Idade de Ferro, a moeda medieval ou as medallas do século XIX, o seu principal foco como investigador numismático centrouse na historia monetaria do Imperio Romano. Publicou diversos traballos acerca da clasificación e a cronoloxía da moeda imperial, con base, sobre todo, nos achados monetarios.[1]

Recoñecementos[editar | editar a fonte]

Escolma de publicacións[editar | editar a fonte]

Monografías[editar | editar a fonte]

  • (1998): De muntcirculatie tijdens de Romeinse tijd in het Noordwesten van Gallia Belgica (ca. 50 v.C.-450 n.C.): de civitates van de Nerviërs en de Menapiërs. Koninklijke Musea voor kunst en geschiedenis. Bruxelas.
  • (1999): Greek and Roman Coins from the Du Chastel Collection: Coin Cabinet of the Royal Library of Belgium (con F. de Callataÿ). Spink & Son. Londres. ISBN 978-1902040233
  • (2005): La Belgique en révolution : médailles et insignes de la Révolution belge (1830). Bibliothèque royale de Belgique. Bruxelas. ISBN 9789066371354
  • (2010): Coinage in the Iron Age: essays in honour of Simone Scheers (con Inge Heeren). Spink & Son. Londres. ISBN 978-1902040974
  • (2016): Studies in Roman coinage (con Victor Sapinei). Bucureşti Editura Academiei Române Brăila Muzeul Băilei "Carol I" Brăila Editura Istros. ISBN 9732726784
  • (2016): Monnaies de compte et monnaies réelles Pays-Bas méridionaux et principauté de Liège au Moyen Âge et aux Temps modernes (con J-M. Yante e H. Lowagie). Louvain-la-Neuve Association Professeur Marcel Hoc. ISBN 978-2930449166

Artigos[editar | editar a fonte]

  • (1993): "The last civic coinages and the religious policy of Maximinus Daza, A.D. 312". En Numismatic Chronicle. 153. Royal Numismatic Society. Páxinas 65-76.
  • (2005): "Les Romains et la monnaie gauloise: laisser-faire, laisser-aller ?". En Metzler, J.; Wigg-Wolf, D. Die Kelten und Rom: Neue numismatische Forschungen. Studien zu Fundmünzen der Antike. 19. Mainz am Rhein. Páxinas 229-245.
  • (2009): "Providing Markets with Small Change in the Early Roman Empire: Italy and Gaul". En Revue belge de Numismatique. 155. Páxinas 125-142.
  • (2011): "Quantifying Roman Imperial Coinage". En F. de Callataÿ (ed.). Quantifying Monetary Supplies in Greco-Roman Times. Pragmateiai, 19. Bari. Páxinas 311-328.

Notas[editar | editar a fonte]

  1. 1,0 1,1 1,2 1,3 1,4 "Johan van Heesch". Department of Archaeology. KU Leuven.
  2. Studie over de semis en de quadrans van domitianus tot en met Antoninus Pius. Rijksuniversiteit te Gent. 1979
  3. "Médaille et jeton de vermeil". Société Française de Numismatique (SFN).
  4. "Jeton de vermeil 2016 – Johan van Heesch". Société française de nnumismatique.
  5. "The Society’s Medal". Royal Numismatic Society.

Véxase tamén[editar | editar a fonte]

Ligazóns externas[editar | editar a fonte]