Max Bernhart

Na Galipedia, a Wikipedia en galego.
Saltar ata a navegación Saltar á procura
Max Bernhart
Datos persoais
Nacemento12 de outubro de 1883
LugarDEU Ludwigshafen COA.svg Krumbach.
Coat of arms of Bavaria.svg Baviera.
Alemaña Alemaña
Falecemento1 de outubro de 1952.
LugarWappen Tuerkheim.svg Türkheim.
Coat of arms of Bavaria.svg Baviera.
Alemaña Alemaña
NacionalidadeAlemá
Actividade
CampoNumismática.
Alma máterSigillum Universitatis Ludovico-Maximilianeae.svg Universidade de Múnic.
Contribucións e premios
Coñecido porDirector do Gabinete Numismático de Múnic.
Premios(1946): Medalla Huntington (ANS.
editar datos en Wikidata ]

Max Bernhart, nado o 12 de outubro de 1883 en Krumbach, Suabia, e finado o 1 de outubro de 1952 en Türkheim, foi un numismático alemán.[1]

Traxectoria[editar | editar a fonte]

Max Bernhart cursou ós seus estudos superiores na Universidade de Múnic, onde se graduou e onde, en 1910, acadou o seu doutoramento cunha tese sobre os achados de moeda romana ao sur de Baviera.[1][2]

Logo da súa graduación, en 1908 comezou a traballar na Colección Estatal de Moedas de Múnic (Staatliche Münzsammlung München), que naquel momento estaba dirixido por Georg Habich. Logo do falecemento de Habich en 1932, Bernhart sucedeuno a dirección dese gabinete numismático, ata a súa xubilación en 1949.[1]

Aínda que algúns dos seus primeiros traballos versaron sobre numismática e medallística máis moderna, como o das medallas de arte contemporáneas (1917), o das medallas de retrato de Carlos V, de 1919, ou os corpus de moedas de Kaufbeuren e Kempten, de 1923 e 1926, os seus estudos máis salientables centráronse no estudo da moeda da Antiga Roma, con obras tan significativas como Münzkunde der römischen Kaiserzeit ("Moedas do Imperio Romano"), en 1922, e sobre todo Handbuch zur münzkunde der römischen kaiserzeit ("Manual sobre a moeda do período imperial romano"), de 1926, que compendiaba en dous volumes o coñecemento que naquel momento se tiña sobre a moeda imperial romana e que segue a ser o único manual escrito en lingua alemá sobre o tema.[3] Este traballo publicouse nunha época de rápido avance no coñecemento da numismática romana, polo que axiña quedou desactualizado nalgúns aspectos; porén, Bernhart amosouse conservador con respecto a estes avances, postura que defendeu no congreso de invastigadores numismáticos celebrado en Múnic en 1950.[1]Tamén fixo algunha incursión sobre a iconografía da moeda da antiga Grecia con senllos estudos sobre a presenza de Afrodita e de Dioniso e a súa familia na moeda grega, publicados na derradeira etapa da súa carreira. Neses últimos anos, Bernhart dedicouse principalmente a dar conferencias e a publicar artigos, moitos deles como comunicacións da Sociedade Numismática de Baviera, en tanto que preparaba un manual sobre a moeda grega, que non chegou a concluír.[1]

Recoñecementos[editar | editar a fonte]

Publicacións[editar | editar a fonte]

Estes son os estudos monográficos máis salientables dos publicados por Max Bernhart ao longo da súa carreira:[5][6]

  • (1910). Zwei römische Münzfunde aus Südbayern. Straub, Múnic.
  • (1912). Antike Münzbilder im humanistischen Unterricht. Deschler, Múnic.
  • (1917). Die Münchener Medaillenkunst der Gegenwart. De Gruyter, Oldenbourg [reimpresa en 2019. ISBN 978-3980213448].
  • (1919). Die Bildnismedaillen Karls des Fünften. Múnic.
  • (1920). Medaillen und Plaketten. Schmidt, Berlín [2ª ed. en 1966 e 3ª ed. en 1984].
  • (1922). Münzkunde der römischen Kaiserzeit. Ars Classica, Xenebra.
  • (1923). Die Münzen und Medaillen der Stadt Kaufbeuren nebst einer münzgeschichtlichen Einleitung. Riechmann, Halle.
  • (1926). Die Münzen der Reichsstadt Kempten. Riechmann, Halle.
  • (1926). Handbuch zur münzkunde der römischen kaiserzeit. Riechmann, Halle.
  • (1936). Die olympischen Spiele, 776 v. Chr. bis 393 n. Chr. im Spiegel antiker Münzen. Riechmann, Halle.
  • (1936). Aphrodite auf griechischen Münzen; eine numismatische Materialsammlung. Kress & Hornung, Múnic.
  • (1938). Selbstbildnisse deutscher Medailleure. Riechmann, Halle.
  • (1949). Dionysos und seine Familie auf griechischen Münzen : numismatische Beiträge zur Ikonographie des Dionysos. Pflaum, Múnic.

Notas[editar | editar a fonte]

  1. 1,0 1,1 1,2 1,3 1,4 Cahn, H. A. (1953).
  2. Véxase (1910) en "Publicacións".
  3. Véxase "Publicacións".
  4. "Recipients of the Huntington Medal Award". American Numismatic Society.
  5. "Bernhart, Max 1883-1952". Digital Library Numis.
  6. "Bernhart, Max 1883-1952". WorldCat Identities.

Véxase tamén[editar | editar a fonte]

Bibliografía[editar | editar a fonte]