Howland Wood

Na Galipedia, a Wikipedia en galego.
Saltar ata a navegación Saltar á procura
Howland Wood
Datos persoais
Nacemento30 de maio de 1877
LugarBedford Minutemen Flag (1775).svg Bedford.
Flag of Massachusetts.svg Massachusetts.
Estados Unidos de América Estados Unidos.
Falecemento4 de xaneiro de 1938
LugarSeal of Borough of Queens.svg Queens.
Flag of Massachusetts.svg Nova York.
Estados Unidos de América Estados Unidos.
Nacionalidadeestadounidense.
CónxuxeElizabeth Eliot Marvin (1913).
Actividade
CampoNumismática
Alma máterBrown University logo.svg Universidade Brown.
Contribucións e premios
Premios(1920): Medalla Huntington (ANS).
editar datos en Wikidata ]

Howland Wood, nado o 30 de maio de 1877 en Bedford, Massachusetts, e finado o 4 de xaneiro de 1938 en Queens, Nova York, foi un numismático estadounidense.[1][2][3]

En ocasións utilizaba o pseudónimo de Franklin Perry.[1]

Traxectoria[editar | editar a fonte]

Howland Wood naceu en Bedford, Massachusetts, en 1877, e graduouse na Universidade Brown, en Rhode Island, en 1900.[2][3]

A súa carreira como numismático estivo vinculada á American Numismatic Society (ANS), entidade na que ingresou en 1909 e de cuxo museo foi nomeado conservador o 25 de xaneiro de 1913, posto no que permaneceu ata o seu falecemento en 1938.[3] No seu período como conservador da ANS, a colección da Sociedade creceu desde os 50.000 exemplares iniciais ata os 200.000 espécimes.[2]

Na American Numismatic Society desenvolveu, así mesmo, o labor de editor do American Journal of Numismatics, entre 1910 e 1920, e editor de Numismatic Notes and Monographs a partir de 1920.[2][3]

Paralelamente á ANS, Howland Wood pertenceu tamén á American Numismatic Association, da que ocupou o posto de secretario entre 1905 e 1909, e cabeza da xunta de goberno de 1909 a 1912, así como editor asociado do xornal The Numismatist.[2][3]

Entre outras entidades numismáticas, Wood foi tamén secretario da Sociedade Numismática de Boston (1908-1913), presidente do Club Numismático de Nova York (1930-1933).[3]

Vida familiar[editar | editar a fonte]

Howland Wood casou o 18 de xuño de 1913 con Elizabeth Eliot Marvin, con quen tivo dúas fillas. A súa muller era filla de William T. R. Marvin, que anteriormente fora tamén editor do American Journal of Numismatics, da ANS.[3]

Wood faleceu na súa casa familiar de Flushing, Queens, Nova York, o 4 de xaneiro de 1938.[3]

Premio Howland Wood Memorial[editar | editar a fonte]

A American Numismatic Association instituíu na súa honra, na primavera de 1952, o premio Howland Wood Memorial á mellor exposición numismática.[4]

Recoñecementos[editar | editar a fonte]

Publicacións[editar | editar a fonte]

Esta é unha escolma dos traballos monográficos máis representativos de Howland Wood:[6][7][8]

Ilustracións de Canadian blacksmith coppers (1910), de Howland Wood.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Smith, P. (2012). "Wood, Howland". En American Numismatic Biographies. Páxina 384.