Georg Galster

Na Galipedia, a Wikipedia en galego.
Saltar ata a navegación Saltar á procura
Georg Galster
–Jørgen Georg Castonier Galster–
Datos persoais
Nacemento17 de maio de 1889
LugarGreater coat of arms of Copenhagen.svg Copenhague.
Dinamarca Dinamarca
Falecemento8 de setembro de 1983. (94 anos)
LugarGentofte Kommune coa.svg Hellerup, Gerofte.
Dinamarca Dinamarca
NacionalidadeDinamarquesa.
CónxuxeEmma Adrienne Johnsen (1922).
FillosGertrud Galster
Actividade
CampoNumismática e historiografía.
Alma máterKu co uk v.jpg Universidade de Copenhague.
Contribucións e premios
Coñecido porEstudos de numismática medieval dinamarquesa.
Influído porJohannes Steenstrup.
Peter Christian Hauberg.
Premios- (1946): Medalla da RNS.
- (1966): Medalla Huntington (ANS).
- (1974): Medalla de ouro (RADCL).
editar datos en Wikidata ]

Jørgen Georg Castonier Galster, nado o 17 de maio de 1889 en Copengague e finado o 8 de setembro de 1983 en Hellerup, municipio de Gentofte, foi un numismático e historiador dinamarqués, vinculado á Colección Real de Moedas e Medallas de Dinamarca.[1]

Traxectoria[editar | editar a fonte]

Georg Galster era fillo dos comerciantes Harald August Galster (1838-1924) e Elise Marie Bidstrup (1869-1937).[1][2]

En 1906 comezou a súa educación secundaria na escola Efterslægten e a continuación accedeu á Universidade de Copenhague, onde en 1913 se graduou en Historia, Latín e Lingua Dinamarquesa. Un dos seus profesores nesa época, Johannes Steenstrup, favorecéralle xa en 1910 o seu ingreso como asistente na Colección Real de Moedas e Medallas, coa intención de que fose adquirindo os coñecementos numismáticos necesarios da man do seu director, P. C. Hauberg, para se converter no sucesor deste.[3] De feito, logo da dimisión de Hauberg en 1920, Galster asumiu a dirección da colección e en 1959 foi nomeado inspector xefe.[1][2]

Logo da súa xubilación en 1959 continuou coas súas investigacións numismáticas durante varios anos e mesmo, ata 1980, tivo unha oficina no Museo Nacional de Dinamarca. Destaca, entre outras, a súa contribución ao coñecemento dos chamados "dirhems Kufi", aparecidos en diversos achados en Dinamarca.[2][4]

No relativo á súa vida familiar, Galster casou con Emma Adrienne Johnsen o 15 de agosto de 1922, con quen tivo un fillo (Gert Harald) e unha filla (Gertrud).[1][2]

Georg Galster finou como consecuencia dun infarto o 8 de setembro de 1983 e foi soterrado no cemiterio de Mariebjerg, en Gentofte.[2][5]

Recoñecementos[editar | editar a fonte]

Entre os diversos recoñecementos acadados por Galster ao longo da súa carreira cómpre salientar a súa elección en 1949 como membro da Real Sociedade Dinamarquesa para a Historia Patria e o doutoramento honoris causa pola Universidade de Lund en 1959. O ano seguinte foi nomeado membro honorario da Asociación Numismática Dinamarquesa. Ademais, foi membro das sociedades numismáticas de diversos países, como Austria, os Países Baixos, os Estados Unidos, o Reino Unido e os países nórdicos.[1][2]

Premios[editar | editar a fonte]

Publicacións[editar | editar a fonte]

Monografías[editar | editar a fonte]

  • (1934). Reynold Junges møntmesterregnskaber 1534-1540 (con R. Junge). Copenhague.
  • (1936). Danske og Norske Medaljer 1533-1788. Copenhague.
  • (1939). Die Münzen Dänemarks (bis etwa 1625). Halle Riechmann.
  • (1953). Mønthistoriske antegnelser til Holbergs comedier. Holbergsamfundet, Copenhague.
  • (1956). Danske middelalderlige regnskaber. Selskabet for Udgivelse af Kilder til Dansk Historie.
  • (1959). Coins and History. Selected Numismatic Essays by Georg Galster. Aarhus.
  • (1972). Unionstidens udmøntninger. Danmark og Norge 1397-1540. Sverige 1363-1521. Dansk numismatisk forening, Copenhague. ISBN 9788799711109

Serie Sylloge of Coins of the British Isles[editar | editar a fonte]

Notas[editar | editar a fonte]

  1. 1,0 1,1 1,2 1,3 1,4 1,5 "Jørgen Georg Castonier Galster". Galster.dk
  2. 2,0 2,1 2,2 2,3 2,4 2,5 Steen Jensen, J. (1989).
  3. Galster, G. (1981). "Erindringer fra Universitetet og Nationalmuseet 1906 til ca. 1930". En Den kongelige Mønt- og Medaillesamling 1781-1981. Nationalmuseet, Copenhague. Páxina 166. ISBN 87-480-0290-9
  4. Kromann, A. (1985). "Kufiske dirhemer fremkommet i Danmark efter 1938". En Hikuin. Páxina 51.
  5. "Jørgen Georg Castonier Galster". Gravsted.dk
  6. "The Society’s Medal". Royal Numismatic Society.
  7. "Recipients of the Huntington Medal Award". American Numismatic Society.

Véxase tamén[editar | editar a fonte]

Bibliografía[editar | editar a fonte]