Peter Ilisch

Na Galipedia, a Wikipedia en galego.
Saltar ata a navegación Saltar á procura
Peter Ilisch
Datos persoais
Nacemento1947.
LugarDEU Billerbeck COA.svg Billerbeck.
Flag of North Rhine-Westphalia.svg Renania do Norte-Westfalia
Alemaña Alemaña
NacionalidadeAlemá
Actividade
CampoNumismática.
Alma máterSiegel Universitaet Muenster.jpg Universidade de Münster.
Director de tesePeter Berghaus
Contribucións e premios
Coñecido porMoeda medieval e moderna.
Influído porPeter Berghaus
Premios- (2005): Premio de honra da GIG.
- (2015): Jeton de Vermeil (SFN).
- (2021): Eligiuspreis (DNG).
editar datos en Wikidata ]

Peter Ilisch, nado o 28 de abril de 1947 en Billerbeck, Renania do Norte-Westfalia, é un numismático e historiador alemán especialista na moeda medieval e moderna.[1]

É o irmán menor do tamén numismático Lutz Ilisch.

Traxectoria[editar | editar a fonte]

Peter Ilisch estudou Folclore, Historia e Ciencias Auxilares da Historia (con especialidade en Numismática) na Universidade de Münster, onde se graduou en 1971 e obtivo o seu título de Magister Artium, cunha tese sobre a historia agraria máis antiga da súa localidade natal, Billerbeck. Logo da súa graduación tivo unha estadía de investigación no Museo Estatal de Westfalia e en 1974 acadou o doutoramento, cunha tese dirixida por Peter Berghaus acerca do achado de moedas e a circulación do diñeiro en Westfalia na Idade Media e en época moderna.[1]

Xa como doutor exerceu o seu labor investigador no Rijksmuseum Twenthe, nos Países Baixos, e tamén no Instituto de Folclore Relixioso da Universidade de Münster, en 1977-1978. Ademais, Ilisch participou tamén no comité editorial da publicación Numismatischen Nachrichtenblatts, da Asociación Numismática Alemá.[1]

Entre outros cargos, de 1979 a 2012 foi o asesor científico do Museo Estatal de Westfalia en Münster e director do seu gabinete numismático e da colección sixilográfica. Entre 1980 e 2014 foi tamén un dos representantes do Estado de Renania do Norte-Westfalia na Comisión Numismática dos Estados da República Federal de Alemaña.[2] Ademais, Peter Ilisch é membro de pleno dereito da Comisión de Antigüidades de Westfalia, desde 1998.[1]

No ámbito académico, Ilisch ocupou a praza de profesor de Numismática que deixou Peter Berghaus na Universidade de Münster.[1]

Un aspecto salientable na súa traxectoria numismática é a participación no proxecto internacional Medieval European Coinage, do Museo Fitzwilliam, da Universidade de Cambridge.[1]

Entre 2012 e 2018 participou, de xeito autónomo, no proxecto Wczesnośredniowieczne znaleziska monet z Polski ("Achados monetarios da alta Idade Media en Polonia"), do Instituto de Arqueoloxía e Etnoloxía da Academia de Ciencias de Polonia.[1][3]

Recoñecementos[editar | editar a fonte]

Publicacións[editar | editar a fonte]

Ilisch foi un autor prolífico, con numerosos artigos e colaboracións en diversas revistas numismáticas e tamén cun bo número de traballos monográficos. Esta é unha escolma das monografías que publicou ao longo da súa carreira:[8][9][10]

Notas[editar | editar a fonte]

  1. 1,0 1,1 1,2 1,3 1,4 1,5 1,6 "Lebenslauf von Dr. Peter Ilisch". Universität Münster.
  2. "Stefan Kötz M. A. neuer Landesnumismatiker in Westfalen". Numismatische Kommission der Länder in der Bundesrepublik Deutschland. 2 de maio de 2014.
  3. Véxase (2013-2017) en "Publicacións".
  4. "Gesellschaft für Internationale Geldgeschichte". www.gig-geldgeschichte.de. Consultado o 2021-05-28. 
  5. "Médaille et jeton de vermeil". Société Française de Numismatique (SFN).
  6. "Jeton de vermeil 2015 – M. Peter Ilisch". SFN.
  7. "Eligiuspreis 2020 und 2021 vergeben". En Münzen Woch. 17 de decembro de 2020.
  8. "Peter Ilisch". Deutsche National Bibliothek.
  9. "Ilisch, Peter 1947-". Digital Library Numis.
  10. "Ilisch, Peter". World Cat Identities.

Véxase tamén[editar | editar a fonte]

Bibliografía[editar | editar a fonte]

  • Dethlefs, G.; Pol, A.; Wittenbrink, S. (eds.) (2012). Nummi Docent! Münzen - Schätze - Funde. Festschrift zum 65. Geburtstag von Peter Ilisch am 28. April 2012. Fritz Rudolf Künker, Osnabrück. ISBN 978-3-941357-02-0