Xela Arias
Xela Arias Castaño, nada en Lugo o 4 de marzo de 1962 e finada en Vigo o 2 de novembro de 2003[1], foi unha poeta e tradutora galega, filla de Valentín Arias.
Índice |
Traxectoria[editar]
De nena trasladouse cos seus pais a Vigo, onde estudou Filoloxía Hispánica. Estivo vinculada a Edicións Xerais desde o seu nacemento en 1979, traballando coma correctora de estilo e editora ata 1996.
Publicou en xornais e revistas coma Faro de Vigo, Jornal de Notícias de Porto, Dorna, Tintimán, Carel ou Katarsis e colaborou en publicacións coma Festa da Palabra Silenciada, Luzes de Galiza ou Boletín Galego de Literatura.
No ano 1986 foi finalista de dous premios, o Losada Diéguez coa súa primeira obra Denuncia do equilibrio, e o Esquío de poesía con Lili sen pistolas, obra aínda inédita. Traduciu a Jorge Amado, Camilo Castelo Branco, James Joyce, Fenimore Cooper e Wenceslao Fernández Flórez, entre outros.
En 1994 tivo o seu único fillo, Darío.
Nos últimos anos de vida foi docente en distintos institutos da comarca de Vigo. Finou dun ataque ao corazón con corenta e un anos de idade.[2]
Obras[editar]
Poesía[editar]
- Denuncia do equilibrio (1986, Xerais).
- Tigres coma cabalos (1990, Xerais).
- Darío a diario (1996, Xerais).
- Intempériome (2003, Espiral Maior).
Colectivas[editar]
- Escolma de poesía galega (1976-1984) (1984, Sotelo Blanco).
- Contos eróticos. Elas (1990, Xerais).
- Palabra de muller (1992, Xerais).
- Daquelas que cantan. Rosalía na palabra de once escritoras galegas (1997, Fundación Rosalía de Castro).
- Un futuro para a lingua (2002, Xunta de Galicia).
- Alma de beiramar (2003, Asociación de Escritores en Lingua Galega).[3]
- Elas 2: antoloxía poética (2003, Unión Comarcal de CCOO de Vigo).
- Intifada. Ofrenda dos poetas galegos a Palestina, (2003, Fundación Araguaney).
- X. Espazo para un signo (2005, Xerais).
- Cartafol poético para Alexandre Bóveda (2006, Espiral Maior).
Notas[editar]
- ↑ "Xela Arias, poetisa y traductora", obituario en El País, 4 de novembro de 2003 (en castelán).
- ↑ Paneis da exposición Mulleres galegas na historia, Concello de Redondela, maio de 2010.
- ↑ Alma de beiramar, obra íntegra en pdf.
Véxase tamén[editar]
Bibliografía[editar]
- Gran Enciclopedia Galega Silverio Cañada, 2005, DVD.
- EXPÓSITO RABADÁN, J. 2005, Xela Arias: Verso Desnudo (en castelán).
