Jean Rhys

Jean Rhys
	; Jean Rhys (esquerda, con chapeu), nos anos 70.
Nome orixinal	Ella Gwendolen Rees Williams
Biografía
Nacemento	24 de agosto de 1890 ; Roseau, Dominica
Morte	14 de maio de 1979 (88 anos); Exeter, Reino Unido
Datos persoais
País de nacionalidade	Dominica
Educación	Royal Academy of Dramatic Art ; Stephen Perse Foundation (en)
Actividade
Campo de traballo	Belas letras
Ocupación	Novela, conto, ensaio
Período de actividade	1924 -
Xénero artístico	Modernismo, Posmodernismo
Lingua	Lingua inglesa
Obra
	Obras destacables Good Morning, Midnight Wide Sargasso Sea
Arquivos en	British Library ; University of Tulsa Libraries (en) [ 1976-011] ;
Familia
Cónxuxe	Jean Lenglet (1919–1933; divorciada) Leslie Tilden-Smith (1934–1945; até a súa morte) Max Hamer (1947–1966; até a súa morte)
Parella	Ford Madox Ford (pt)
Fillos	Un fillo e unha filla con Lenglet
Premios
	WH Smith Literary Award
	Lista Comandante da Orde do Imperio Británico; Heinemann Award (en) ; ;

Jean Rhys, nada en Roseau (Dominica) o 24 de agosto de 1890 e finada en Exeter o 14 de maio de 1979, cuxo nome orixinal era Ella Gwendolen Rees Williams, foi unha novelista caribeña da primeira metade do século XX. As súas primeiras novelas foron publicadas durante as décadas dos anos 1920 e 1930, até a publicación da súa novela Wide Sargasso Sea en 1966 non foi considerada unha figura literaria de relevancia. A precuela da novela Jane Eyre de Charlotte Brontë, Wide Sargasso Sea, gañou en 1967 o prestixioso premio literario outorgado por WH Smith, o WH Smith Literary Award.

Traxectoria[editar | editar a fonte]

Ryhs naceu en Roseau, cando Dominica aínda era colonia británica, filla de pai galés e nai crioula mais de raíces escocesas. Aos dezaseis anos trasladouse a Inglaterra onde traballou en Londres como corista sen demasiado éxito, até tal punto que chegou a ingresar na prisión de Holloway.

Nos anos 1920 viaxou ao continente europeo onde traballou como artista bohemia, período no que residiu temporalmente en París. Durante este período da súa vida, Rhys viviu case na pobreza. Neste período familiarizouse coa arte modernista e a literatura e converteuse en alcohólica, problema que mantivo durante toda a súa vida. As súas experiencias na sociedade patriarcal e os sentimentos de se sentir desprazada influíron e formaron parte dalgúns dos seus traballos, así como a súa infancia difícil, na que non acabou de ser aceptada nin pola sociedade crioula nin pola europea da súa illa natal.

A maioría das obras de Rhys tratan sobre mulleres que se ven desprazadas dos seu ambientes naturais e deixadas ao capricho de sociedades con pobres valores familiares, nunha mostra da súa propia experiencia. O seu estilo caracterízase frecuentemente pola súa mestura de técnicas modernistas e de sensibilidades propias da sociedade caribeña da que proviña.

A súa obra foi publicada e promocionada entre outros por Ford Madox Ford. Diana Athill, da editorial André Deutsch, axudou a Ryhs a volver a chegar a un amplo público tras a perda do favor do público que sufriu. Athill foi a responsable da publicación de Wide Sargasso Sea, obra adaptada á televisión pola BBC.

Durante o último período da súa vida, viviu en Londres xunto a un amigo intérprete de jazz británico, George Melly. Escribiu unha sarcástica canción de amor para el xunto a John Chilton, titulada Life with you. Os seus escritos e efectos persoais atópanse na Biblioteca Mac Farlin da Universidade de Tulsa, no departamento de Coleccións especiais e arquivos da Universidade.