Claudio Rodríguez Fer
Claudio Rodríguez Fer, nado en Lugo en 1956, é un escritor galego que cultivou a poesía, a narrativa, o teatro, o estudo, o ensaio e o guión para audiovisuais.
Índice |
[editar] Traxectoria
Foi catedrático de ensinanza media en Galicia e profesor das Universidades da Cidade de Nova York, da Alta Bretaña en Rennes, da Bretaña Sur en Lorient e de Santiago de Compostela, onde actualmente é director da Cátedra Valente de Poesía e Estética e da revista de investigación Moenia. Coordina con Carmen Blanco Unión Libre. Cadernos de vida e culturas, e promoveu a Asociación para a Dignificación das Vítimas do Fascismo.
Reuniu toda a súa obra narrativa en Contos e descontos (Toxosoutos, Noia, 2011), incluíndo os inéditos "Prometeo adolescente" e "O neno que non quería ir á guerra", e toda a súa obra poética verbal (doce libros) en Amores e clamores (Ediciós do Castro, Sada, 2011).
Así mesmo, dirixiu diversos congresos e encontros e participou en decenas de actas, enciclopedias e revistas europeas e americanas, tendo intervido publicamente en espazos culturais e universitarios de Europa, América e África. Entre outros recoñecementos, no campo da poesía, recibiu o Premio da Crítica Española por Tigres de ternura; no campo da investigación, por dúas veces o Premio Losada Diéguez, concretamente por Poesía galega e por A literatura galega durante a guerra civil, e, no campo académico, o Premio Extraordinario de Doutoramento.
Foi traducido a numerosos idiomas (castelán, inglés, francés, italiano, alemán, ruso, catalán, bretón, árabe) e foi obxecto de tres libros: Por un vocabulario galego do sexo. A terminoloxía erótica de Claudio Rodríguez Fer (1996) e O lume vital de Claudio Rodríguez Fer (1999 e ampliado 2008), de Olga Novo, e Os mundos de Claudio Rodríguez Fer (1998) de Natalia Regueiro.
[editar] Obra
[editar] Poesía
- Poemas de amor sen morte (1979)
- Tigres de ternura (1981)
- Cinepoemas (1983)
- Historia da lúa (1984)
- A boca violeta (1987)
- Lugo blues (1987)
- Vulva (1990)
- Cebra (1991)
- A muller núa (1992)
- Extrema Europa (1996)
- A unha muller descoñecida (1997)
- Rastros de vida e poesía (2000; con serigrafías de Eugenio Granell)
- Moito máis que mil anos (2000)
- A vida. Gravados sobre corpo (2002)
- A loita continúa (2004)
- Viaxes a ti (2004), Voyages à toi (2008)
- Ámote vermella (2009)
- Unha tempada no paraiso (2010)
- Amores e clamores (Poesía reunida) (2011)
[editar] Narrativa
[editar] Estudo e ensaio
- A Galicia misteriosa de Ánxel Fole (1981)
- Antonio Machado e Galicia (1989)
- Poesía galega (1989)
- Arte literaria (1991)
- José Ángel Valente (1992)
- Comentarios de textos contemporáneos (1992)
- Comentarios de textos populares e de masas (1994)
- A literatura galega durante a guerra civil (1994)
- Material Valente (1994)
- Acometida atlántica. Por un comparatismo integral (1996)
- Ánxel Fole. Vida e obra (1997)
- O mundo lucense de Ánxel Fole (1997)
- Ánxel Fole. Unha fotobiografía (1997)
- Guía de investigación literaria (1998)
- Borges dende o labirinto galego (2008)
- Valente: el fulgor y las tinieblas (2008)
- Meus amores celtas (2010)
- Álvaro Cunqueiro en Ortigueira (2011, Consello da Cultura Galega)
[editar] Edición e introdución
- Contos de lobos, de Ánxel Fole (1985, 1989)
- Cántigas de alén, de José Ángel Valente (1987, 1989, 1996)
- Con pólvora e magnolias, de Xosé Luís Méndez Ferrín (1989)
- Os eidos, de Uxío Novoneyra (1990)
- Guerra literaria, de Rafael Dieste (1991)
- Verbas de chumbo, de Castelao (1992)
- Poesía perdida, de Ricardo Carballo Calero (1993)
- Obras reunidas, de Ángel Johán (1993)
- Cartafolio galego, de Ánxel Fole (1996)
- Obra galega completa, de Ánxel Fole (1997)
- A lenda do Grande Inquisidor, de Fiódor Dostoievski (1998)
- Cuaderno de versiones, de José Ángel Valente (2001)
- Cima del canto, de José Ángel Valente (2002)
- Obras completas II. Ensayos, de José Ángel Valente (2002)
- Obra literaria completa, de Ánxel Fole (2003)
- Ensayos sobre José Ángel Valente, de Juan Goytisolo (2009)
