Universidade de Vigo

Universidade de Vigo
Logo da Universidade de Vigo
Localización:	Vigo/Ourense/Pontevedra
Reitor:	Salustiano Mato
Estudantes:	21.077
Enderezo:	Campus Universitario, Vigo (Pontevedra)
Páxina web:	http://www.uvigo.es/

A Universidade de Vigo é unha universidade pertencente ao Sistema Universitario de Galicia que conta con tres campus: Campus de Vigo, Campus de Ourense, Campus de Pontevedra. O seu reitor é Salustiano Mato.

Historia

A Universidade ten como antecedentes o Colexio Universitario de Vigo, creado na década de 1970 co patrocinio da Caixa de Aforros de Vigo (na actualidade integradora de Novacaixagalicia), e o Colexio Universitario de Ourense, inaugurado en 1973.

En 1989 a Lei de ordenación do sistema universitario de Galicia estableceu a segregación da naquel momento única universidade galega, a Universidade de Santiago de Compostela (USC), coa creación da Universidade de Vigo e a Universidade da Coruña. O primeiro reitor foi o enxeñeiro químico Luís Espada Recarey. Entre 1998 o posto ocupouno o redondelán Domingo Docampo Amoedo, que foi substituído por Alberto Gago Rodríguez no 2006.

A Universidade acadou o maior número de alumnado matriculado no curso 1999/2000, con 29.000 persoas. Desde entón houbo un continuo descenso. En 2006 contaba con 21.263 matriculados/as (12.820 no campus de Vigo, 4.991 no de Ourense e 3.452 no de Pontevedra). No curso 2010-2011, foron 21.077 estudantes en graos, primeiro e segundo ciclo e mestrados oficiais.

Estrutura de goberno

O 20 de maio de 2010 celebráronse eleccións ao reitorado, con dúas candidaturas: Nova Universidade, liderada por Jaime Cabeza Pereiro, e Alternativa Universitaria, liderada por Salustiano Mato, que acadou o 52,6 % dos votos. A xunta de goberno da universidade quedou composta por:

• Salustiano Mato de la Iglesia (reitor)
• Xosé Manuel García Vázquez (vicerreitoría de planificación e economía)
• María Asunción Longo González (vicerreitoría de investigación)
• Xosé Antonio Vilán Vilán (vicerreitoría de transferencia do coñecemento)
• Margarita Estévez Toranzo (vicerreitoría de organización académica, profesorado e titulacións)
• Ignacio Barcia Rodríguez (vicerreitoría de alumnado, docencia e calidade)
• Manuel Fernández Iglesias (vicerreitoría de relacións internacionais)
• Xosé Henrique Costas González (vicerreitoría de extensión universitaria)
• María Lameiras Fernández (vicerreitoría do campus de Ourense)
• María Victoria Jato Rodríguez (vicerreitoría de investigación e transferencia)
• Antonia Blanco Pesqueira (vicerreitoría do campus de Pontevedra)
• Inmaculada Valeije Álvarez (secretaría xeral)

Centros Propios

Polo decreto 3/1990, do 11 de xaneiro, de Segregación de centros e servizos da Universidade de Santiago de Compostela con tódolos seus medios materiais e humanos e da súa integración nas novas universidades da Coruña e Vigo, a universidade quedou de principio integrada polos campus de Vigo, Ourense e Pontevedra.

Pouco a pouco foi aumentando tanto a cantidade de titulacións como de profesorado e alumnado, contando no seu décimo aniversario (2001) con:

• 20 centros superiores
• 46 titulacións
• 5 centros adscritos
• 1.500 profesores
• 29.000 alumnos

Amais pasou dun investimento en investigación de 0,51 millóns de € no 1991 a 5,23 millóns no 2001.

Infraestruturas

Existe unha crecente preocupación polas infraestruturas tanto na sede da universidade en Vigo, coma no campus de Ourense, centrándose especialmente estas no primeiro.

Neste sentido, destaca a construción da Cidade Universitaria, con espazos tanto de lecer, como comerciais, deportivos, etc.

Doutra banda, a situación das infraestruturas tamén se modifica en Ourense, coa construción nos ultimos anos, dun pavillón polideportivo, así como da sede da Biblioteca central do Campus, no "Campus Lonia".

Centros

Campus de Vigo

Campus Lagoas Marcosende ou CUVI

• Escola de Enxeñería Industrial
• Escola Técnica Superior de Enxeñaría de Telecomunicacións de Vigo
• Escola Técnica Superior de Enxeñeiros de Minas.
• Facultade de Filoloxía e Tradución.
• Facultade de Bioloxía e Ciencias do Mar.
• Facultade de Ciencias Económicas e Empresariais.
• Facultade de Ciencias Xurídicas e do Traballo.
• Facultade de Química.

Cidade

Hospital do Meixoeiro, Cabral.

• Escola de Enxeñería Industrial.
• Escola Universitaria de Enfermaría (Meixoeiro).
• Escola Universitaria de Enfermaría (Povisa).
• Escola Universitaria de Estudos Empresariais.
• Escola Universitaria de Formación de Profesorado.

Campus de Ourense

• Facultade de Ciencias.
• Escola Superior de Enxeñaría Informática.
• Escola Universitaria de Enfermaría.
• Facultade de Ciencias da Educación.
• Facultade de Ciencias Empresariais e Turismo.
• Facultade de Dereito.
• Facultade de Historia.

Campus de Pontevedra

Artigo principal: Campus Universitario de Pontevedra.

Campus da Xunqueira

• Escola Universitaria de Enxeñaría Técnica Forestal.
• Escola Universitaria de Fisioterapia.
• Facultade de Ciencias da Educación e do Deporte.
• Facultade de Ciencias Sociais e da Comunicación.

Cidade

• Escola Universitaria de Enfermaría.
• Facultade de Belas Artes.

Proxectos

GRUVI

O GRUVI (Grupo de Reciclaxe Informática da Universidade de Vigo) é un proxecto de voluntariado para a recuperación de equipos informáticos, para a súa doazón, con software libre instalado, a entidades sociais.

O GRUVI está a traballar en dúas frontes:

• Un curso de software libre baseado no Linux.
• Unha xornada de portas abertas a calquera persoa interesada na reciclaxe informática e coa posibilidade de descargar software libre a todo aquel que o desexe (install party).

Galería de imaxes

Edificio de Ferro, Campus Ourense   Facultade de Dereito de Ourense   Biblioteca Central do Campus de Ourense   Entrada do Campus de Ourense   Edificio de Despachos do Campus Ourense   Escola Universitaria de Enxeñaría Técnica Forestal de Pontevedra   Facultade de Belas Artes de Pontevedra   Facultade de Educación e Ciencias do Deporte de Pontevedra   Facultade de Fisioterapia de Pontevedra   Facultade de Ciencias Sociais e da Comunicación de Pontevedra   Campus Lagoas Marcosende, Zamáns, Vigo   Facultade de Ciencias do Mar (Campus Lagoas-Marcosende de Vigo)   Facultades de Ciencias (Campus Lagoas-Marcosende de Vigo)   Cidade Tecnolóxica de Vigo (Campus Lagoas-Marcosende de Vigo)   CITEXVI, Cidade Tecnolóxica de Vigo (Campus Lagoas-Marcosende de Vigo)   Biblioteca central (Campus Lagoas-Marcosende de Vigo)   Facultade de Dereito (Campus Lagoas-Marcosende de Vigo)   CITEXVI, Cidade Tecnolóxica de Vigo (Campus Lagoas-Marcosende de Vigo)   Filoloxía e tradución (Campus Lagoas-Marcosende de Vigo)   Edificio Miralles (Campus Lagoas-Marcosende de Vigo)   Facultade de Ciencias Económicas (Campus Lagoas-Marcosende de Vigo)   Edificio Miralles (Campus Lagoas-Marcosende de Vigo)   Servizos para estudantes (Campus Lagoas-Marcosende de Vigo)   CACTI, Centro de Apoio Científico e Tecnolóxico á Investigación (Campus Lagoas-Marcosende de Vigo)   Edificio Miralles (Campus Lagoas-Marcosende de Vigo)   Reitorado (Campus Lagoas-Marcosende de Vigo)   Xerencia (Campus Lagoas-Marcosende de Vigo)   Residencia de estudantes (Campus Lagoas-Marcosende de Vigo)   Museo Anfaco da industria conserveira (Campus Lagoas-Marcosende de Vigo)   ETSE Telecomunicacións (Campus Lagoas-Marcosende de Vigo)   ETSE Industriais (Campus Lagoas-Marcosende de Vigo)   ETSE Minas (Campus Lagoas-Marcosende de Vigo)   Cidade Tecnolóxica de Vigo (Campus Lagoas-Marcosende de Vigo)   ETSE Industriais (Campus Lagoas-Marcosende de Vigo)   Facultades de Ciencias (Campus Lagoas-Marcosende de Vigo)   Paso interior da Facultade de Económicas (Campus Lagoas-Marcosende de Vigo)   Facultade de Ciencias do Mar (Campus Lagoas-Marcosende de Vigo)   Escultura (Campus Lagoas-Marcosende de Vigo)   Paso entre edificios de Ciencias (Campus Lagoas-Marcosende de Vigo)   Espazo para sentar (Campus Lagoas-Marcosende de Vigo)   Patio interior das facultades de ciencias (Campus Lagoas-Marcosende de Vigo)   Lagoa do Campus das Lagoas de Vigo   Lago interior da Facultade de Económicas (Campus Lagoas-Marcosende de Vigo)   Estatua (Campus Lagoas-Marcosende de Vigo)

Véxase tamén

Outros artigos

• Universidade de Santiago de Compostela
• Universidade da Coruña
• Lista de Universidades de España

Ligazóns externas

• Universidade de Vigo