Manuel Leiras Pulpeiro

Manuel Leiras Pulpeiro
Poema de Leiras Pulpeiro, en Mondoñedo
Nacemento:	25 de outubro de 1854 Mondoñedo, Lugo Galicia
Falecemento:	9 de novembro de 1912 Mondoñedo, Lugo Galicia
Lingua:	Galego, castelán
Xénero(s):	Poesía

Manuel Leiras Pulpeiro, nado en Mondoñedo o 25 de outubro de 1854 e finado na mesma vila o 9 de novembro de 1912, foi un escritor galego do Rexurdimento.

Traxectoria

Estudou Latín e Humanidades no seminario mindoniense, e Medicina en Madrid, licenciándose en 1877. Exerceu a Medicina en Mondoñedo, cun gran recoñecemento popular.

Foi republicano, e chegou a ser Presidente do Comité Republicano Federal de Mondoñedo Liberal. Anticlerical. O seu talante creoulle numerosas dificultades en Mondoñedo, sé bispal, conseguindo manter as súas conviccións con total firmeza.

Rexeitou o nomeamento de membro da Real Academia Galega por coidar non merecelo, pero doou a esta Institución importante material etnográfico e léxico (refráns, cantares, adiviñas, etc.) por el recollido. Escribiu un só libro, Cantares Gallegos (1911), con cántigas de tipo popular e de temática costumista, patriótica e sátira anticlerical, onde eleva á categoría de mito a figura do Mariscal Pardo de Cela.

Cantou a Mondoñedo e ás súas terras, a Galicia e ós seus problemas. Os seus restos recibiron sepultura no cemiterio civil de Mondoñedo.

Poucos anos despois da súa morte xuntáronse en Obras Completas (1930) as composicións que deixara inéditas, e en 1970 Xosé Luís Franco Grande publicou a Obra Completa de Leiras, recollendo outros inéditos.

Dedicóuselle en 1983 o Día das Letras Galegas

Galería de imaxes

Vexa o artigo principal en Galería de imaxes de Leiras Pulpeiro

• 

  Tumba no cemiterio vello de Mondoñedo.

• 

  Poema de Leiras Pulpeiro en Mondoñedo.

Predecesor: Luis Amado Carballo

Día das Letras Galegas 1983 Manuel Leiras Pulpeiro

Sucesor: Armando Cotarelo Valledor

Véxase tamén

Ligazóns externas

• Ficha do autor na Biblioteca Virtual Galega
• Mondoñedo. Leiras Pulpeiro