Luís Pimentel
| Luís Benigno Vázquez Fernández | |
|---|---|
 |
|
| Nacemento: | 18 de decembro de 1895 Lugo  Galicia |
| Falecemento: | 13 de febreiro de 1958 Lugo Galicia |
| Lingua: | Galego, castelán |
| Xénero(s): | Poesía |
Luís Pimentel, nado como Luís Benigno Vázquez Fernández en Lugo o 18 de decembro do 1895 e finado en Lugo o 13 de febreiro de 1958, foi un escritor galego.
Índice |
[editar] Biografía
Viviu case toda a súa vida na Praza Maior de Lugo. Estudou Medicina en Santiago de Compostela e, antes de dedicarse á poesía, fixo incursións na pintura e na música. Posteriormente realizou o doutoramento en Madrid, nunha época na que nesta cidade existía un grande ambiente cultural (Lorca, Dalí, Buñuel, Valle-Inclán e Baroja residían daquela na capital do Estado), para voltar xa definitivamente ao seu Lugo natal e exercer alí como médico. No 1927 entra a formar parte da directiva do Círculo das Artes de Lugo e máis tarde consegue unha praza como médico de guarda no Hospital Municipal. Trabou amizade persoal con Ánxel Fole, quen o animaba constantemente a publicar os seus versos, e estableceu correspondencia con outros poetas como Dámaso Alonso ou Vicente Aleixandre.
[editar] Traxectoria
Foi un destacado poeta relacionado coa xeración do 27. Na súa obra apréciase unha síntese de movementos vangardistas de dentro e de fóra da Galiza.
No 1924 publica os seus primeiros poemas na revista Ronsel. Son poemas intimistas e sinxelos, pero moitas veces irónicos e mesmo burlescos. Foi autor de Triscos (Pontevedra: Colección Benito Soto, 1950) e de Sombra do aire na herba (Vigo: Galaxia, 1959) en lingua galega. En castelán escribiu Barco sin luces (Lugo: Celta, 1960), obra póstuma que recolle poemas de 1927. En todos eles as súas propias vivencias son a temática fundamental, ateigadas dunha constante tenrura para todo o fráxil e delicado.
Na súa poesía observamos influencias do modernismo, de ismos vangardistas, do simbolismo francés e do existencialismo de posguerra. Canto á forma, destaca o verso libre, imaxes vangardistas, os paralelismos e as anáforas.
Dedicóuselle o Día das Letras Galegas no 1990.
[editar] Véxase tamén
[editar] Bibliografía
- Fernández de la Vega, C. (1983). Vida e poesía de Luís Pimentel, en Pimentel, L. Sombra do aire ne herba. Biblioteca Básica da Cultura Galega. Ed. Galaxia.
[editar] Ligazóns externas
| Predecesor: Celso Emilio Ferreiro |
Día das Letras Galegas 1990 Luís Pimentel |
Sucesor: Álvaro Cunqueiro |
|
||||||||
