Carmen Blanco García

Carmen Blanco García
	;
Biografía
Nacemento	12 de maio de 1954 (69 anos); Lugo, España
Datos persoais
País de nacionalidade	España
Educación	Universidade de Santiago de Compostela
Actividade
Campo de traballo	Ensaio
Ocupación	poeta
Xénero artístico	Poesía, ensaio e narración
Lingua	Lingua castelá e lingua galega
Familia
Cónxuxe	Claudio Rodríguez Fer

Para outras páxinas con títulos homónimos véxase: Carmen Blanco.

Carmen Blanco García, nada en Lugo o 12 de maio de 1954,^[1] é unha escritora e feminista galega autora de poesía, narrativa e ensaio, e profesora da Universidade de Santiago de Compostela.

Participou dende os anos setenta no movemento de liberación das mulleres, e, como ensaísta, centrouse especialmente nas interrelacións de poder, muller, sexo, lugar, memoria, cultura, arte e literatura, temática na que afondou nun camiño libertario na súa obra ensaística e literaria. Centrouse tamén en literatura e cultura galegas, tendo colaborado, asemade, en numerosos libros colectivos, actas de congresos, revistas especializadas e xornais.

Traxectoria[editar | editar a fonte]

Traxectoria vital[editar | editar a fonte]

A comezos dos setenta participou no movemento feminista galego a través de organizacións como a Asociación Galega da Muller (AGM) ou Feministas Independentes Galegas.^[2] Tamén colaborou coa revista Festa da Palabra Silenciada e con A Saia. No ano 2000, fixo a letra do himno galego da Marcha Mundial das Mulleres, "Marchando máis alá". Dedicou boa parte do seu activismo ao feminismo e ao estudo das relacións entre a literatura e a muller, do que son mostra os libros Literatura galega da muller (1989), Nais, damas, prostitutas e feirantas (1995), O contradiscurso das mulleres (1995), Mulleres e independencia (1995), Sexo e lugar (2006), Feministas e libertarias (2010) ou Letras lilas (2019).

Foi profesora agregada de Lingua e Literatura Española, con primeiro destino en Santiago de Compostela e segundo en Chantada, e de Lingua e Literatura Galega de ensino medio, con destino en Lugo, así como titular destas últimas disciplinas na Escola Universitaria de Formación do Profesorado de Lugo e na Facultade de Humanidades de Lugo. En 1994 leu na Universidade de Santiago de Compostela a súa tese de doutoramento Imaxes de mulleres na literatura galega contemporánea á luz dos discursos feministas, dirixida por Anxo Tarrío.^[3] Exerce como profesora titular de Literatura Galega da Universidade de Santiago de Compostela no Campus de Lugo.

É autora dunha morea de obras ensaísticas do seu campo profesional de coñecemento, a filoloxía e a literatura galegas, con libros referidos a moitas das grandes figuras como Ricardo Carvalho Calero, Luz Pozo Garza, Uxío Novoneyra ou María Mariño. Colaborou en gran cantidade de libros colectivos, actas de congresos, revistas especializadas e xornais.

Dende 1974 comparte vida e parte da súa actividade profesional e civil con Claudio Rodríguez Fer, con quen ten unha filla.^[4]^[2] Con el fundou no 2005 a Asociación para a Dignificación das Vítimas do Fascismo, onde exerceu de secretaria. Formou parte do Consello da Memoria, recibiu o Premio Galiza Mártir da Fundación Alexandre Bóveda (2014) e é autora, con Rodríguez Fer, da exposición “Vermellas” (2009) e do libro Vivas en nós (2011), en homenaxe ás mulleres represaliadas polo levantamento militar de 1936.

Traxectoria artística[editar | editar a fonte]

Coordina, co poeta Claudio Rodríguez Fer, a publicación intercultural e libertaria Unión Libre, Cadernos de vida e culturas,^[5] dende 1996.

A súa obra poética consta dos poemarios Estraña estranxeira (BVG, 2004), Un mundo de mulleres (Biblos, 2011) e Lobo amor (Unión Libre, 2011).

A súa obra narrativa está conformada por Vermella con lobos (Xerais, 2004) e Atracción total (Xerais, 2008).

Cultivou a creación plástica deseñando e ilustrando os poemarios Tigres de ternura (Reprografía 1846, 1981, 1982) -Premio da Crítica Española en 1982-, Historia da lúa (Galaxia, 1984), Vulva (Libros da cebra, 1990) e A muller núa (Compostela, 1992) de Claudio Rodríguez Fer, ao igual que o Manifesto por un movemento vital (1990) deste mesmo autor, e foi tamén a creadora do logotipo de Unión Libre.

A súa heterónima Emma Luaces, que leva o nome en homenaxe á anarquista rusa Emma Goldman e á xenealoxía materna da autora, publicou versións de Safo en Do amor e da literatura (Linteo, 2007) e poemas da serie “Lobo azul” (Unión Libre, 2005).

Obra en galego[editar | editar a fonte]

Ensaio[editar | editar a fonte]

Carballo Calero: política e cultura (1991). Sada: Ediciós do Castro. ISBN 84-7492-519-3
Literatura galega da muller (1991). Vigo: Edicións Xerais de Galicia. ISBN 84-7507-560-6
Escritoras galegas (1992). Biblioteca 114, Editorial Compostela. ISBN 84-85553-98-5
Libros de mulleres. (Por unha bibliografía de escritoras en lingua galega: 1863-1992) (Vigo: Edicións do Cumio, 1994). ISBN 84-87126-86-3
O contradiscurso das mulleres (1995).^[6] Vigo: Nigra. ISBN 84-87709-36-2
Mulleres e independencia (1995). Sada: Ediciós do Castro. ISBN 84-7492-754-4
Nais, damas, prostitutas e feirantas (1995). Vigo: Edicións Xerais de Galicia. ISBN 84-7507-910-5
Luz Pozo Garza: a ave do norte (2002). Ourense: Linteo. ISBN 84-931893-9-1
Alba de mulleres (2003). Vigo: Edicións Xerais de Galicia. ISBN 84-8302-970-7
Sexo e lugar (2006). Vigo: Edicións Xerais de Galicia. ISBN 84-9782-398-2
Casas Anarquistas de Mulleres Libertarias (2007). CNT.
María Mariño. Vida e obra (2007). Vigo: Edicións Xerais de Galicia. ISBN 978-84-9782-537-5
Uxío Novoneyra (2009). Vigo: A Nosa Terra. ISBN 978-84-8341-420-0
Feministas e libertarias (2010). Meubook. ISBN 978-84-15141-06-8
Novoneyra: un cantor do Courel a Compostela. O poeta nos lugares dos seus libros (2010). Noia: Toxosoutos. ISBN 978-84-92792-39-9
Letras lilas (2019). Unión Libre.

Narrativa[editar | editar a fonte]

Vermella con lobos (2004). Vigo: Edicións Xerais de Galicia. ISBN 978-84-9782-180-3
Atracción total (2008). Vigo: Edicións Xerais de Galicia. ISBN 978-84-9782-759-1

Poesía[editar | editar a fonte]

Estraña estranxeira (2004). Biblioteca Virtual Galega.
Un mundo de mulleres (2011). Biblos Clube de Lectores. ISBN 978-84-15086-11-6
Lobo amor (2011). Unión Libre.

Conversas[editar | editar a fonte]

Conversas con Carballo Calero (1989). Vigo: Galaxia. ISBN 84-7154-654-X. Edición ampliada en 2020.

Traducións[editar | editar a fonte]

Do amor e da literatura (2007). Ourense: Linteo.

Edicións[editar | editar a fonte]

Códice Calixtino, de Luz Pozo Garza (1991). Vigo: Edicións Xerais de Galicia.
Umha voz na Galiza, de Ricardo Carvalho Calero (1992). Santiago: Sotelo Blanco
Antoloxía poética, de Uxío Novoneyra (1997). Vigo: A Nosa Terra/AS-PG.
Historias fidelísimas, de Luz Pozo Garza (2003). PEN Clube de Galicia.
Memoria solar, de Luz Pozo Garza (2004). Ourense: Linteo.
Día das Letras Galegas 2016. Manuel María. Compostela: Servizo de Publicacións e Intercambio Científico da USC. ISBN 9788416533626

Obras colectivas[editar | editar a fonte]

Na boca do lobo. Carapuchiña Vermella vista por... (Editorial Tris Tram, 1998).
Día das Letras Galegas 2007. María Mariño Carou (USC, 2007). Editora e autora.
Cartafol de soños, homenaxe a Celso Emilio Ferreiro no seu centenario (1912-2012) (2012).
Rosalía na cobiza do lonxe (Centro Ramón Piñeiro para a Investigación en Humanidades, 2013).
Unha cesta de pombas e mazás. Homenaxe a Isaac Díaz Pardo (Academia Real Isaac Díaz Pardo, 2013).
150 Cantares para Rosalía de Castro (2015, libro electrónico).
De Cantares Hoxe. Os Cantares gallegos de Rosalía de Castro no século XXI (2015, Fundación Rosalía de Castro/Radio Galega).
Abadessa, oí dizer. Relatos eróticos de escritoras da Galiza (2017, Através Editora).

Con Claudio Rodríguez Fer[editar | editar a fonte]

Tigres de ternura (1981, 1982). Deseñadora. Reprografía 1846.
Con pólvora e magnolias, de Xosé Luís Méndez Ferrín (1989). Vigo: Xerais. Coeditora.
Os eidos, de Uxío Novoneyra (1990). Vigo: Xerais. Coeditora. ISBN 978-84-7507-455-9
Vermellas (2009). Universidade de Santiago de Compostela.
Vivas en nós (2011). Comisión para a Recuperación da Memoria Histórica da Coruña.

Obra en castelán[editar | editar a fonte]

Edicións[editar | editar a fonte]

Extranjera en su patria. Cuatro poetas gallegos. Rosalía de Castro, Manuel Antonio, Luís Pimentel, Luz Pozo Garza (Círculo de Lectores / Galaxia Gutenberg, 2005), edición bilingüe galego-castelán.