Lingua inglesa

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Inglés (English)
Falada en: Oficial: Reino Unido, Estados Unidos, Australia, Bahamas, Barbados, Fixi, Belice, Botswana, dependencias dos Estados Unidos, dependencias do Reino Unido, Dominica, Ghana, Gambia, Güiana, Illas Salomón, Lesotho, Liberia, Malawi, Mauricio, Nauru, Nixeria, Papúa Nova Guinea, Samoa Americana, Santa Lucía, Saint Kitts e Nevis, Serra Leona, Suacilandia, Trinidad e Tobago, Granada, San Vicente e as Granadinas, Uganda, Xamaica, Zambia e Zimbabwe.

Cooficial: Bangladesh, Brunei, Canadá, Irlanda, Israel, Kenya, Kiribati, Camerún, Exipto, Namibia, Nova Zelanda, Chagos, Diego García, Illas Marshall, India, Madagascar, Malasia, Malta, Myanmar, Filipinas, Pakistán, Porto Rico (EUA), Seixeles, Sri Lanka, Singapur, Sudáfrica, Tanzania, Tokelau e Tonga.

Minorías: Antillas Neerlandesas, Costa Rica, Guinea Ecuatorial, Honduras, Hong Kong (China), Malasia, México, Nicaragua, Panamá, Pará (Brasil), Samoa, Suriname, Tuvalu, etc.
Rexións do planeta: Europa occidental, América, África, Oceanía, Asia
Total de falantes: 380 millóns (primeira lingua), 600 millóns (primeira o segunda lingua)
Posición: 2-4 a no mundo.
Família lingüística:   Indoeuropea

   Linguas xermánicas
    Grupo Occidental
     Inglés

Status oficial
Lingua oficial de: Reino Unido, algúns estados dos EUA, Australia, Filipinas, India, Malta, Canadá e outras ex-colónias británicas
Regulada por: ---
Codificacións
ISO 639-1 en
ISO 639-2 eng
Véxase tamén: Linguas xermánicasLingua

A lingua inglesa ou inglés é unha lingua pertencente á familia indoeuropea, subfamilia xermánica e grupo occidental, orixinaria de Inglaterra, é oficial no Reino Unido, Irlanda, en Estados Unidos, Canadá, Australia e moitos dos territorios africanos, asiáticos, americanos e de Oceanía que foron ou aínda son colonias británicas.

Na actualidade é unha lingua cun gran número de falantes e un maior número de persoas que a entenden, maioritaria en internet, e a lingua na que se publican máis libros e artigos científicos [1] a máis usada internacionalmente a nivel comercial. Isto débese a que os países de fala inglesa son os de maior importancia económica no mundo actual[Cómpre referencia].

Historia[editar | editar a fonte]

Artigo principal: Historia da lingua inglesa.

No século V, os invasores xermanos (anglos e saxóns) dominaron toda a área de Inglaterra, onde se falaban linguas celtas (que hoxe sobreviven só en Escocia, Gales, Cornualles e Irlanda). Os dialectos falados por estes invasores convertéronse no que se coñecería despois como lingua anglosaxoa, dos que na actualidade quedan algúns vestixios en zonas costeiras de Alemaña e os Países Baixos.

Tamén é salientable a influencia sobre a lingua inglesa que supuxeron os xutos, procedentes de Dinamarca.

Máis adiante, os viquingos establecéronse en partes da illa de Gran Bretaña. A súa lingua, o noruegués antigo, tamén interveu na formación do inglés.

No ano 1066, os normandos conquistaran Inglaterra. A alta nobreza que gobernou o país dende alí ata tres séculos máis tarde falaba soamente normando, unha lingua d'oïl moi próxima ó francés. Gran cantidade de vocabulario desta lingua filtrouse ó inglés, falado polas clases máis baixas. Así, aparecía o inglés medieval.

Tanto a aparición, no século XV, do Great Vowel Shift (ou Gran cambio vocálico) como a extensión, axudada polo goberno e pola imprenta, do dialecto londiniense, levaron á definición do inglés moderno.

Lingua franca[editar | editar a fonte]

O inglés é probablemente o terceiro idioma do mundo en número de falantes que o teñen como lingua materna: 340 millóns de persoas, sendo o segundo máis falado, despois do chinés mandarín. Se conta tamén como segunda lingua tería outros 200 millóns de falantes.

O inglés, ao espallar Inglaterra a súa lingua por todo o mundo (Imperio Británico), e ao converterse os Estados Unidos de América na maior potencia económica e militar, converteuse de facto na lingua franca dos nosos días.

A pesar da existencia doutras linguas internacionais e de idiomas como o esperanto ou a interlingua que buscan o emprego dunha lingua máis neutral, o inglés constitúe hoxe en día o principal idioma de comunicación internacional. Isto débese a que unha "civilización" dominante polo regular non adopta outra lingua, senón que, pola contra impón a súa; esta é a razón pola que en moitos dos países europeos fálanse linguas derivadas do latín, por ser esta a lingua oficial do imperio romano.

Esta situación de lingua franca levou a intentos de facilitar a seu uso universal mediante a simplificación de reglas de uso, como o inglés básico ou o inglés simple. Incluso desde o ámbito hispano, hai achegamentos humorísticos como o fromlostiano.

Distribución xeográfica[editar | editar a fonte]

Mapa da Anglosfera.

O inglés sitúase no terceiro ou cuarto lugar na clasificación de linguas máis faladas no mundo (tralo chinés mandarín, o hindi e o castelán). Sobre 377 millóns de persoas téñeno como lingua nai.

Ademais, a lingua inglesa é a segunda lingua máis aprendida no mundo. No século XX converteuse na lingua franca mundial en numerosos ámbitos (comercio, negocios, turismo...), en detrimento do francés.

Status do inglés no mundo:

Hai unha gran cantidade de dialectos do inglés; polo xeral, as diferencias non son tan notables como para que non haxa intercomprensión.

Distribución dos falantes nativos de inglés por país (Crystal 1997).
País/Rexión Falantes nativos
1 Estados Unidos de América Estados Unidos 215.423.557
· Unión Europea Unión Europea 62.400.000
2 Reino Unido Reino Unido 58.200.000
3 Flag of Canada.svg Canadá 17.694.830
4 Australia Australia 15.013.965
5 Irlanda Irlanda 4.200.000+ (Approx)
6 Suráfrica Suráfrica 3.673.203
7 Nova Zelandia Nova Zelandia 3.500.000+ (Approx)
8 Flag of Singapore.svg Singapur 665.087[2]

Notas[editar | editar a fonte]

Véxase tamén[editar | editar a fonte]

Wikipedia
Existe unha versión da Wikipedia en Lingua inglesa.
Galizionario
Vexa no Galizionario as palabras en Inglés.

Ligazóns externas[editar | editar a fonte]

Flag of Europe.svg Linguas oficiais da Unión Europea Flag of Europe.svg
Alemán | Búlgaro | Castelán | Checo | Croata | Dinamarqués | Eslovaco | Esloveno
Estoniano | Inglés | Finés | Francés | Grego | Húngaro | Irlandés | Italiano | Letón
Lituano | Maltés | Neerlandés | Polaco | Portugués | Romanés | Sueco
Fonte: Sitio da Unión Europea