Caixa Galicia

Na Galipedia, a Wikipedia en galego.
Sucursais das dúas caixas antes da fusión.

Caixa Galicia foi unha entidade financeira de Galiza, activa entre 1978 e 2010. Foi a maior de Galiza e unha das dez maiores de España nos anos finais do século XX. Cunha rede superior ás 800 oficinas en todas as comunidades autónomas españolas, a entidade estaba tamén presente en dez países de Europa e América, incluíndo as súas últimas aberturas en Miami, Panamá, e Brasil. Logo dunha importante crise económica e financeira, en 2010 anunciouse a súa fusión con Caixanova, dando lugar a Novacaixagalicia.

Historia e características[editar | editar a fonte]

No ano 2006 Caixa Galicia conseguiu un beneficio atribuído de 443 millóns de euros, cun aumento do 76% respecto do ano 2005. Incrementou un 37% o volume de negocio xestionado e un 46% o volume de investimento crediticio, cun 58% de incremento en inversión a empresas. Deste xeito a entidade finalizou o primeiro exercicio do seu Plan Estratéxico 2006-2010 superando os obxectivos establecidos e consolidando a organización como unha gran plataforma comercial, con unidades especializadas no deseño de produtos pensados para o cliente e unha estrutura de canles de distribución dedicados á venda e o servizo de cualidade.

Directores xerais[editar | editar a fonte]

CXG Corporación Caixagalicia[editar | editar a fonte]

A actividade básica da sociedade Corporación CaixaGalicia consiste en agrupar as participacións empresariais da matriz en sectores económicos fundamentais para o desenvolvemento de Galicia. Entre as empresas que contan coa presenza de Caixa Galicia no seu accionariado están Pescanova, o Banco Etcheverría, Sacyr Vallehermoso, Galp, Astroc, Tecnocom ou Unión Fenosa. Ademais, posúe un grupo empresarial propio con importantes empresas en diversos sectores económicos. En total, 120 empresas de 20 sectores económicos.

Actividade sociocultural[editar | editar a fonte]

No ano 2007 a entidade implicouse nunha intensa actividade sociocultural, á que contribuíu con 89,55 millóns de euros, na que o medio ambiente ten un papel destacado, ao lado das liñas tradicionais do seu programa estratéxico, como a Cultura, a Arte, os Maiores, o voluntariado, a loita contra a exclusión dixital ou o programa de microcréditos. É a terceira maior contribución a actividades socioculturais entre as caixas españolas.

Véxase tamén[editar | editar a fonte]

Ligazóns externas[editar | editar a fonte]