Xogos Olímpicos de 2024
 | |
| Sede |  París, Francia |
|---|---|
| Lema | Ouvrons grand les Jeux |
| Nacións | Sen anunciar |
| Atletas | 10 500 (cota límite) |
| Eventos | 329 en 32 deportes (48 disciplinas) |
| Apertura | 26 de xullo |
| Clasura | 11 de agosto |
| Estadio | Xardíns do Trocadéro e Río Sena |
Os Xogos Olímpicos de 2024 (en francés: Jeux olympiques de 2024), oficialmente os Xogos da XXXIII Olimpiada (en francés: Jeux de la XXXIIIe Olympiade) e tamén coñecidos como París 2024, son un evento multideportivo internacional que se celebrará do 26 de xullo ao 11 de agosto de 2024 con París como a súa principal cidade anfitrioa, xunto con outras 16 cidades repartidas pola Francia metropolitana e outra no territorio francés de ultramar de Tahití como subsedes.
París foi galardonado cos Xogos na 131ª Sesión do Comité Olímpico Internacional (COI) en Lima, Perú, o 13 de setembro de 2017. Debido ás múltiples candidaturas retiradas, que deixaron só París e aos Ánxeles en liza, o COI aprobou un proceso para conceder simultaneamente a organización do envento 2024 e 2028. Despois de acoller anteriormente os Xogos Olímpicos de 1900 e 1924, París converterase na segunda cidade en acoller os Xogos Olímpicos de verán tres veces despois de Londres (1908, 1948 e 1912). Estes Xogos marcarán o centenario dos Xogos de París de 1924, os sextos Xogos Olímpicos organizados por Francia (tres de verán e tres de inverno) e os primeiros Xogos Olímpicos en Francia desde os Xogos Olímpicos de inverno de 1992 en Albertville. Estes Xogos presentarán o debut do breakdance como evento olímpico.
Candidaturas[editar | editar a fonte]
Os Ánxeles, Budapest, Hamburgo, París e Roma foron as cinco cidades candidatas a acoller os Xogos Olímpicos de verán de 2024. O proceso estivo marcado polas retiradas das candidaturas, a incerteza política e os elevados custos de organización.[1] A primeira candidatura en retirarse foi a de Hamburgo o 29 de novembro de 2015 tras celebrar un referendo. Posteriormente, retiraríase outra das candidaturas europeas, Roma, alegando dificultades fiscais.[2] O 22 de febreiro de 2017, Budapest sería a seguinte en retirouse despois de que unha petición contra a candidatura apañase máis sinaturas das necesarias para a celebración dun referendo.
Após estas retiradas, a Xunta Executiva do COI reuniuse o 9 de xuño de 2017 en Lausana, Suíza, para discutir os procesos de licitación de 2024 e 2028. Na reunión, o Comité Olímpico Internacional propuxo formalmente elixir as cidades anfitrioas olímpicas de 2024 e 2028 ao mesmo tempo, unha proposta que unha Sesión Extraordinaria do COI aprobou o 11 de xullo de 2017 O COI estableceu un proceso polo que os comités de candidatura de Os Ánxeles 2024 e París 2024 se reuniron co COI para discutir quen acollería os Xogos en 2024 e 2028. Tras a decisión de conceder os dous Xogos simultaneamente, París foi seleccionado como o anfitrión para 2024 e os Ánxeles para os seguintes Xogos.
Votación[editar | editar a fonte]
París foi seleccionada como sede o 13 de setembro de 2017 na 131ª Sesión do COI en Lima. Os dous membros franceses co COI, Guy Drut e Tony Estanguet, non puideron votar debido ao regulamento da Carta Olímpica.
| Cidade | País | Votos |
|---|---|---|
| Paris |  Francia
|
Unánime |
Programa[editar | editar a fonte]
Deportes[editar | editar a fonte]
| Programa dos Xogos Olímpicos de 2024 | ||||
|---|---|---|---|---|
|
Notas[editar | editar a fonte]
- ↑ Butler, Nick (24 de febreiro de 2017). "Exclusive: IOC vow to "further adjust" candidature process after Budapest 2024 withdrawal" [Exclusiva: o COI promete "axustar aínda máis" o proceso de candidatura despois da retirada de Budapest 2024]. Inside the Games (en inglés). Consultado o 2 de agosto de 2022.
- ↑ "Rome 2024 Olympic bid collapses in acrimony" [A candidatura olímpica de Roma 2024 colapsa en acrimonia]. BBC News (en inglés). 21 de setembro de 2016. Consultado o 2 de agosto de 2022.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- París 2024 na páxina web oficial dos Xogos Olímpicos
- Páxina web oficial dos Xogos Olímpicos de París 2024 (en francés)
