Xogos Olímpicos de 1900
| Xogos da II Olimpíada | |
|---|---|
 |
|
| París 1900 | |
| Estados Participantes | 24 |
| Atletas | 997 |
| Eventos | 95 en 19 deportes |
| Cerimonia de apertura | 14 de maio |
| Cerimonia de clausura | 28 de outubro |
| Apertura oficial | |
| Local | Velódromo de Vincennes |
Os II Xogos Olímpicos da Era Moderna realizáronse en 1900, en París, Francia, terra natal do seu creador, o Barón Pierre de Coubertin. Infelizmente, por cuestións políticas, os Xogos foron integrados na Exposición Universal de París, unha grande feira mundial de comercio realizada por Francia na época, e por ter sido diluídos ó longo de máis de catro meses, entre o 14 de maio e o 28 de outubro, non tiveron ningunha relevancia, sendo unanimemente considerados un fracaso.
Oficialmente, en Francia, as xogos foron bautizados como Concurso Internacional de Exercicios Físicos e de Deportes, e os participantes chegaron a imaxinar todo menos que participaban nunha celebración deportiva, tantas eran as actividades paralelas nas artes e no comercio ofrecidas pola feira. Alén diso, París non posuía ningún complexo deportivo olímpico e as probas de atletismo disputáronse no medio dos bosques e árbores do Bois de Boulogne e a natación en plena corrente do río Sena.
O Comité Olímpico Internacional tivo pouca influencia na condución destes Xogos, competendo á organización da Exposición Universal a organización dos eventos. Como a organización consideraba o deporte unha actividade secundaria, as diferentes modalidades foron espalladas polos diversos locais da Exposición e moitas veces con clasificacións canto menos curiosas. Particularmente, a organización clasificou a ximnasia na sección de "deporte escolar para nenos", esgrima na sección de "coitelería" e remo na sección de "socorrismo".
Adicionalmente, ó longo da Exposición Universal e concorrentemente coas modalidades olímpicas realizáronse eventos en moitos outros deportes, tales como motonáutica, carreiras en globo, natación subacuática, natación con obstáculos e tiro ós pombos, que non foron recoñecidos como modalidades olímpicas, polo que eses eventos non se consideran parte dos Xogos Olímpicos de 1900.
Por mor da grande confusión que foi a organización dos Xogos da II Olimpíada, o número de participantes (e mesmo de modalidades) varía largamente dacordo con diferentes fontes. Dacordo co Comité Olímpico Internacional participaron 997 atletas, representando 24 estados e competindo en 20 modalidades. En fútbol, soga-tira, polo, remo e tenis, competiron equipos mixtas, compostos por atletas de diferentes nacións.
Curiosidades[editar | editar a fonte]
- A pesares do fracaso, estes Xogos pasan á posteridade como os da estrea das mulleres nos Xogos, cun total de 22 atletas nas modalidades de cróquet, equitación, golf, tenis e vela.
- A inglesa Charlotte Cooper tornouse a primeira campioa olímpica da historia, en Tenis, no torneo de simples feminino e en duplas mixtas. Charlotte, entón vencedora do xa prestixioso Torneo de Wimbledon, conquistou as súas vitorias xogando con saia longa, camisa de manga comprida e gravata listrada.
- Debido á pésima organización, o vencedor do maratón, Michel Théato, funcionario dunha panadaría, tivo a súa vitoria disputada polos adversarios e só foi confirmado como campión olímpico doce anos despois, cando recibiu a súa medalla. Théato, dado como francés, foi anos despois recoñecido como de nacionalidade luxemburguesa. Mais o COI, oficialmente, non recoñece a súa medalla de ouro para Luxemburgo, e no cadro oficial dos Xogos de 1900, coloca esta medalla como francesa. Así, como única medalla olímpica de ouro de Luxemburgo permanece a conquistada polo medio fondista Josy Barthel, nos 1500 metros dos Xogos de Londres, en 1948.
Modalidades disputadas[editar | editar a fonte]
Cadro de medallas[editar | editar a fonte]
| Cadro de Medallas |  |
||||
|---|---|---|---|---|---|
| Posición | País |  |
 |
 |
Total |
| 1 |  Francia |
26 | 41 | 34 | 92 |
| 2 |  Estados Unidos |
19 | 14 | 14 | 47 |
| 3 |  Reino Unido |
15 | 6 | 9 | 30 |
| 4 | Equipo mixto |
6 | 3 | 3 | 12 |
| 5 |  Suíza |
6 | 2 | 1 | 9 |
| 6 |  Bélxica |
5 | 5 | 5 | 15 |
| 7 |  Alemaña |
4 | 2 | 2 | 8 |
| 8 | .svg){kind=small} Italia |
2 | 1 | 0 | 3 |
| 9 | Australia |
2 | 0 | 3 | 5 |
| 10 |  Dinamarca |
1 | 3 | 2 | 6 |
.svg){kind=small} Hungría |
1 | 3 | 2 | 6 | |
Obs: Equipos mixtos, na época permitidos, de diversos países europeos mesturados a norteamericanos e australianos, gañaron 6 medallas de ouro, 3 de prata e 3 de bronce, no Atletismo, Polo, Vela (deporte), remo, Soga-tira e Tenis.
|
||||||||||||||||||||||
