Aviñón

Na Galipedia, a Wikipedia en galego.

Coordenadas: 43°57′N 4°49′L / 43.950, -4.817

Aviñón
Avignon
Avinhon
Blason ville fr Avignon (Vaucluse).svg
Avignon, Palais des Papes depuis Tour Philippe le Bel by JM Rosier.jpg
Palacio dos Papas
Situación
Aviñón en Francia
Aviñón
Aviñón
País Francia Francia
Rexión Provenza-Alpes-Costa Azul
Departamento Vaucluse
Distrito Distrito de Aviñón
Comuna Comuna de Aviñón
Xeografía
Altitude 10–122 msnm
Superficie 64,78 km²
Demografía
Poboación 94.787 hab. (2006)
Densidade 1.500 hab/km²
Outros datos
Código postal 84000
Alcalde Marie-Josée Roig (2008-2014)
Páxina oficial da Valeta

Aviñón[1][2][3] (en francés: Avignon, en occitano: Avinhon ou Avignoun) é unha cidade do sueste de Francia, situada no departamento de Vaucluse, na rexión de Provenza-Alpes-Costa Azul. En 2006 tiña unha poboación de 94.787 habitantes.

Historia[editar | editar a fonte]

Aviñón foi residencia dos papas entre 1309 e 1377, cando a cidade atopábase baixo o goberno dos reis de Sicilia pertencentes á Casa de Anjou. En 1348, o papa Clemente VI comprou unha residencia á raíña Xoana I de Sicilia. Ese período, no que residiron na cidade os papas Clemente V, Xoán XXII, Bieito XII, Clemente VI, Inocencio VI, Urbano V e Gregorio XI, é coñecido como Papado de Aviñón. Despois dese período, en 1378, produciuse o Gran Cisma de Occidente que non se resolveu ata 1417.

Os antipapas Clemente VII e Bieito XIII continuaron residindo na cidade aínda despois de que os papas regresasen a Roma en 1377. Clemente VII permaneceu en Aviñón durante todo o seu pontificado (1378-1394) mentres que Bieito XIII viviu en Aviñón ata que fuxiu cara a Aragón, fixando a súa residencia finalmente en Peníscola, onde morreu aos 96 anos en 1423.

Aviñón fora sede episcopal desde o ano 70 dC, e foi convertida en Arcebispado en 1476. Nel celebráronse varios sínodos de menor importancia. A súa universidade foi fundada polo papa Bonifacio VIII en 1303 e, debido á súa reputación polos seus estudos en leis, tivo gran importancia ata a Revolución francesa.

Xeografía[editar | editar a fonte]

Está situada na marxe esquerda do río Ródano, no sueste do país. Está preto da costa, a 80 km ao noroeste de Marsella e a 650 km de París. O seu clima é mediterráneo, con invernos frescos e veráns cálidos.

Lugares de interese[editar | editar a fonte]

Aviñón é unha vila de rico patrimonio protexido e o seu centro histórico foi declarado Patrimonio da Humanidade pola Unesco en 1995. Entre os seus lugares de interese destacan:

  • Pazo dos Papas
  • Conxunto episcopal
  • Ponte de Aviñón
  • Murallas
  • Basílica de San Pedro
  • Hôtel de Ville, casa do concello.

Notas[editar | editar a fonte]

  1. Benigno Fernández Salgado, ed. (2004). Dicionario Galaxia de usos e dificultades da lingua galega. Editorial Galaxia. p. 1303. ISBN 9788482887524. Aviñón (Francia) 
  2. Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8. 
  3. Anaír Rodríguez Rodríguez, Montserrat Davila Ventura. Área de Normalización Lingüística da Universidade de Vigo, ed. Lingua galega: dúbidas lingüísticas (PDF). ISBN 84-8158-266-2. 

Véxase tamén[editar | editar a fonte]

Ligazóns externas[editar | editar a fonte]

Predecesor:
Alemaña Weimar
EU Insignia.svg
Capital Europea da cultura
xunto con República Checa Praga
Flag of Norway.svg Bergen
Italia Boloña
Bélxica Bruxelas
Polonia Cracovia
Finlandia Helsinqui
Islandia Reiquiavik
Galicia Santiago de Compostela

2000
Sucesor:
Flag of the Netherlands.svg Rotterdam
Flag of Portugal.svg Porto