Xogos Olímpicos de 1908
 | |
| Sede | Londres, Reino Unido |
|---|---|
| Nacións | 22 |
| Atletas | 2 008 (1 971 homes, 37 mulleres) |
| Eventos | 110 en 22 deportes (24 disciplinas) |
| Apertura | 27 de abril de 1908 |
| Clasura | 31 de outubro de 1908 |
| Inaugurado por | Eduardo VII do Reino Unido[1] |
| Estadio | White City Stadium |
Despois da realización dos xogos intermedios de 1906 en Grecia, considerados non oficiais e que non tiveron os seus resultados computados polo Comité Olímpico Internacional, os Xogos da IV Olimpíada foron realizados en Londres, Gran Bretaña, entre o 27 de abril e o 31 de outubro de 1908. Orixinalmente deberían ter sido realizados en Roma, mais unha erupción do volcán Vesuvio obrigou ás autoridades italianas a usar todos os seus recursos económicos para combater os efectos da traxedia e a desistir de albergar os Xogos, que acabaron por ser transferidos á capital británica.
Considerados os primeiros Xogos realmente ben organizados para un evento desta envergadura, despois dos fracasados e improvisados Xogos de París e Saint Louis, a pesar de ter novamente a súa duración alongada por máis de seis meses, obtiveron o empeño persoal do Rei de Inglaterra para a súa realización e se desenvolveron no primeiro complexo olímpico construído, o Shepperd’s Bush Stadium, en White City, suburbio de Londres, con capacidade para cen mil espectadores e que constaba de estadio de fútbol, pista de atletismo, piscina, pista de ciclismo e instalacións para a ximnasia e a loita.
Inaugurados polo Rei Eduardo VII, os Xogos tiveron a participación de 22 estados e 2.008 atletas, entre eles 37 mulleres, que disputaron probas en tres deportes diferentes: tenis, ximnasia e patinaxe no xeo, embrión dos futuros Xogos de Inverno, do total de 24 modalidades. Foi nestes Xogos nos que Gran Bretaña, por primeira e única vez, liderou o cadro de medallas nunha olimpíada, nun total de 145 sendo 56 de ouro, máis do dobre dos seus entón máis férreos adversarios, os norteamericanos.
Modalidades disputadas[editar | editar a fonte]
Cadro de medallas[editar | editar a fonte]
| Cadro de Medallas | 
| ||||
|---|---|---|---|---|---|
| Posición | País | 
|
|
|
Total |
| 1 | .svg){kind=small} Reino Unido
|
56 | 51 | 38 | 145 |
| 2 |  Estados Unidos
|
23 | 12 | 12 | 47 |
| 3 |  Suecia
|
8 | 6 | 11 | 25 |
| 4 |  Francia
|
5 | 5 | 9 | 19 |
| 5 | .svg){kind=small} Alemaña
|
3 | 5 | 6 | 14 |
| 6 | .svg){kind=small} Hungría
|
3 | 4 | 2 | 9 |
| 7 | .svg){kind=small} Canadá
|
3 | 3 | 10 | 16 |
| 8 |  Noruega
|
2 | 3 | 3 | 8 |
| 9 |  Italia
|
2 | 2 | 0 | 4 |
| 10 |  Bélxica
|
1 | 5 | 2 | 8 |
Notas[editar | editar a fonte]
- ↑ "Factsheet - Opening Ceremony of the Games of the Olympiad" (PDF) (Nota de prensa). International Olympic Committee. 13 de setembro de 2013. Arquivado dende o orixinal (PDF) o 14 de agosto de 2016. Consultado o 22 de decembro de 2018.
