Atanasio López Fernández
 | |
| Biografía | |
|---|---|
| Nacemento | 12 de outubro de 1876 Boñar, León |
| Morte | marzo de 1944 (67 anos) Santiago de Compostela |
| Datos persoais | |
| País de nacionalidade | española |
| Actividade | |
| Ocupación | relixioso |
| Membro de | |
| Lingua | Lingua castelá  |
| Orde relixiosa | Orde Franciscana |
Atanasio López Fernández, O.F.M., nado en Boñar, Provincia de León, o 12 de outubro de 1876,[1] e finado en Santiago de Compostela en marzo de 1944, foi un relixioso franciscano, historiador e membro da Real Academia Galega.
Traxectoria
Tomou o hábito franciscano en Compostela en 1891, e ordenouse sacerdote en 1899. Dirixiu a revista El Eco Franciscano nos anos 1904 a 1905, ano no que foi destinado a Florencia.
En 1915 foi nomeado correspondente da Real Academia de la Historia.
A proposta de Narciso Correal, Manuel Banet Fontenla e Ramón de Artaza Malvárez, ingresou na RAG o 27 de xullo de 1941, canda outros académicos que o fixeron o mesmo día, dezanove en total.[2]
Obra
- La provincia de España de los frailes menores, 1915.
- Estudios crítico-históricos de Galicia: conferencias leídas en el Círculo de la Juventud Antoniana de Santiago, 1916.
- "La literatura crítico-histórica y el trovador Juan Rodríguez de la Cámara o del Padrón", 1918, conferencia.
- Los falsos cronicones en la historia de Galicia, 1923.
- Descripción de los manuscritos franciscanos existentes en la biblioteca provincial de Toledo, 1926.
- Confesores de la familia real de Aragón, 1929.
- La imprenta en Galicia. Siglos XV-XVIII, premiado en 1943 pola Biblioteca Nacional, editado en 1953.
- Nuevos estudios crítico-históricos acerca de Galicia, 1947, con introdución e notas de Lino Gómez Canedo.
Notas
- ↑ A GEG indica que naceu en novembro e a RAG que foi o 12 de outubro.
- ↑ Membros de número. RAG
Véxase tamén
Bibliografía
- Manuel de Castro (2005). "López Fernández, Atanasio". Gran Enciclopedia Galega (DVD). El Progreso. ISBN 84-87804-88-8.
